Neto'te 4:7 - NTSHOB NSI

⁷ O lo ngù mebwô mb'o ke' bù' tu o tù ké? L'a be z'o ke' ghù mebwô là, mba nukebwô ke là nzendà ndù a nô bwe ké? A tshwèt nkwabt'o, a bwô ndù o tô i.

Neto'te 4:7 Iomraidhean Croise

Neto'te 19:21

A bùnte ndù: Me bèn mbam kondèn àm wù; me ke bagte tusô s'o tshwèt ntshob là.

Neto'te 3:16

Tshùaben Nsi tshob mènnzwi ze ndù: M'a' kwi'te tsho nge', nkwi'te tsho nge' ndùs'o be jùm nà; o nsi bwe bon à ntùm nge' yàme; ntshàmntù nsi ke lo' o nèn yi mbaṅ ndu o, tu wul i ke ntô o.

2 Samuél 24:23

Aravna fà njoṅ i fa mfen. Aravna tshob mfen ndù: A bwô ndù nu tsho bwô Tshùaben Nsi o!

2 Fenfen 8:28

Bo Yoram nshum Akab ma' Hazaél mfen Siria ntsho Ramot z'a b'a dù' tsha' Galad là. Ba Siria kag mfaṅ num Yoram.

ṄWA'NI YOB 11:14

A bwô ndù o kù nukebwô, ke bam ndù nu z'a ke' tsin nà tswe bam yu ntàb.

ṄWA'NI YOB 11:15

O nsi bù' se o nsi yen ngelaṅ nà ke lo', ghù fènntù, ke ke mbwôge.

ṄWA'NI YOB 29:4

Wé! Me lo nke' neta mb'a na' mbe tsemo' lé'njù là, lé'njù tse Nsi na' nke ndôte ndà àm mba nshum àm nà.

ṄWA'NI YOB 42:8

Ndonni a bwô ndù bin lo' mfot mfô sammbàa boa nkomnjù sammbàa, nèn mbwe ngafa' àm Yob, nton yub mba jule'te là num zin tu wut. Yob ngafa' àm a' le't'àm num tu bin. A nsi tshùa njam i kà me be ke yab nge' num bin à ndaṅndaṅ mba bà zin be yi là. Nummbe bin lo ke tshob nunenùn num àm mba ngafa' àm Yob na' ntshob là.

Tànkùt 18:5

A ke' bwô nebe tomte ngatshùagntù ntù' biagte ze nu mèn netsin ntùm kame.

Tànkùt 21:27

Jule'te ghatshùagntù b'a tshùaya'nu ndù a bag neshu, là, mebwô mebwô, ndùse bo be fà ngù nkwate kebwô là.

Yérémia 3:12

Nèn nze tu, nkua' ntshob men ntshob li ndù: Bin bèn njam me ba Israél ghatatu. Tshùaben bèn ntshobe. Me ke nsi bèn tshù kebwô num bin, nummbe me b'a ngakondèn. Tshùaben bèn ntshobe. Yantù àm ke nsi ghô matmat.

Yérémia 6:20

Me lo' ju nelamte z'a fe Saba là ghù à ke yi à? Me lo' kub tù nelamte s'a fe ngô z'a ngùanesà là ghù à ke yi à? Nyàm tse bin tshwèt nton me là ke' bwô àm. Tshule'te tsin ke' lamt'àm.

Mika 7:18

Zit Nsi z'a fut'o à? Zit Nsi z'a be ndagte mfànnu, ke ke nte lag num nukebwô tshé' ntsi' mu à? A ke' be lé' yantù i matmat, nummb'a be ṅwate num kondèn.

Malashi 1:10

A zit mèn netèt bin z'a nsi fùn nzendà, ndù kà bin nekwé'te mbwôg num tômbwôg sàm banban à? Ntù àm ke' tshùa tse num bin, Tshùaben tàndà ntsho bèn ntshobe. Me ke' yen tsin nda' tse bin fà là ntù mebwô.

Malashi 1:13

Bin be ntshob ndù: A ke lèn bot li à! Nke ngwag i. Tshùaben tàndà ntsho tshob ndùlala; mba ndùlala bin be ndo' ju ze bin yi, z'a be nke'kèt, ze dù' be' num i là nse' yi, tshen nà b'a nda' tse bin be mfà là! Bin kwate ndù me ghù nebam tshen tshu là mum mbu min ké? Tshùaben bèn mbètte!

Malashi 1:8

Ndùse bin fà nyàm z'a vù fù là mba ju nele'te Nsi là, mb'a ke nukebwô ké? Ndùse bin fà nyàm ze ku i be' là mb'a ke nukebwô ké? Ndùlal'o fà ngomna o mb'a nsi yen o lag mebwô, mb'a nsi lo' o mebwô ké? Tshùaben tàndà ntsho bèn mbètte!

Nesiaṅe 32:23

Là, bin ne nyà ke ghù ndùlala, mba bin ghù nukebwô mbwe Tshùaben. A be ndùlala bin lèn ndù nukebwô tsin nsi tam njam bin.

Mfa' Ghantum 10:35

là ntùm njoṅ nzwit benntùn fa mba zit mèn no z'a num mbwôg i, mbèn nke ngù nunetsin nà, num mbwô i.

Roma 12:1

Ndùlala, fèt tshàm, me tsiaṅ zin ntshùa num kondèn Nsi, ndù bin fà wut tsin mba ju nele'te Nsi, ze ntùn, ze nelàne, z'a bwô Nsi là; yen ni b'a zin nefa' z'a ku'ni là.

Roma 14:18

Nummbe mèn z'a num mfa' Kristô ndùlala là, num mbwô Nsi, benntùn nke nyàmt'é.

Roma 15:16

nke mfa' nkùn mebwô Nsi, ndù ghakelèn Nsi be jule'te Nsi z'a bwô i, ze Ywèt Nelàn lànt'é là.

Roma 6:12

Ndùlala kà nukebwô ke ntô wut tsin ts'a kwù là, kà bin ju' ntshu tse ghe'te.

Roma 6:16

Bin ke' lèn ndù ngelaṅ ze bin fà wut tsin mo' mèn mba kuan num neju' ntshu i là, mba bin b'a kuan yen mèn nà bin tshwèt nju' ntshu i là: Ke nukebwô num vù lo, ke neju' ntshu num nunetsin no là ké?

Efésô 1:6

bag nyàmte nkuni kondèn i z'a fà be num ngankôni i là.

1 Timôtio 5:4

A be ze mfôg mènnzwi ghù bon ke bon bon tse lo là, bo bwôgmbwe nzi'te neku'ni ko' yub ndà, mfà yub njo tà tshob mba mà tshobe. Nummbe yen nà bwô mbwe Nsi.

Héber 11:4

Njam bamntù, Abél lo fà jule'te Nsi mebwô Nsi ntshùa Kain, a lo tshùa num bwe, nkwé kwénta ndù a b'a mèn netsine, Nsi lo kwé nta tshule'te Nsi tse, a tshùa à num i k'a nke' nke ntshobte, mba mb'a kwù là.

Yakobo 1:15

Ghe'te be njùme, mbwe nukebwô, nukebwô ku', njam vù.

1 Pétro 2:5

Mba tu wut tsin tse bin be mba ndoṅ ntùn nà, bin tamte nkut ba' Ywèle, ntù' ntshufa' le'te Nsi ze nelàne, ndù bin fà tshule'te Nsi tse Ywèt ts'a bwô Nsi njam Yésu Kristô là.