Neto'te 4:5 - NTSHOB NSI

⁵ Là Tshùaben ke bam Kaïn, mba ze ju bwôntù. Ntù Kaïn ya neshu, se i tshùaṅ.

Neto'te 4:5 Iomraidhean Croise

Neto'te 31:2

Yakob yen yen nà, mba num se Laban, njen ndù a ke' bèn mbe num i à mb'a be mbwe là.

Neto'te 31:5

A tshob bo ndù: Me yen num se tà zin ndù a ke' bèn nebe num àm à mb'a be mbwe là; nda' ndù bag Nsi tàa bèn mbe.

Neto'te 39:19

Mènnzwi là tshob ndu i ndù: Tshù tshu tse nkuan o ghù me là. Ndùlala tàfa' Yosèf be miagte neju' ntshob mi nzwi i tshob yi là, ngù mà yantù ndùb num Yosèf.

ṄWA'NI YOB 15:13

A ndùke? O tù' yantù à num Nsi ndonni ké? A kua' ntshu o bèn nke ntshob lèn tshen tshu li ké?

ṄWA'NI YOB 5:2

Nkagni be mbi ntùm yantù i, mbabun nke nkwù ntùm tse vôgte.

Yobkwi 20:3

A bwô ndù a tum ywimte z'a tum dù' nelàn nà wù. A bwô ndù a tsin Sion ntomt'o.

Tànkùt 19:3

Bà be ngù mènntùn tshùb manze kebwô, là nke nja ntù Tshùaben ntùm ntù i.

Tànkùt 29:10

Ghafètte lem num mbàn mèn netsine, là ben ndaṅndaṅ nke nzi tshùalo num yôg se.

Nzenu 4:4

Me num ndôte yàm njoṅ mfa' fa, boa bin ze bo num ngù bwe là, njen ghe'te ze tsemo' ben num ngù num tsemo' là, ntshob ndù njoṅ i fa b'a banban mbèn mb'a neghom mfùag.

Esaya 3:9

Ntshù mub tshwèt nkwé nta kebwô num bo, bo nke nsa nukebwô ke lemte ndaṅndaṅ mba Sodom nà. Nge' tu bo là, nummbe bo ke nzwi à be tu wut tshobe.

Nesiaṅe 16:15

Mosé ya ntù neshu ntshob Tshùaben ndù: Kà lôte yub ju nefà ngamt'o yi miag mebwô. Me ke' kwé mba nda' kekwèn bo, ke ghù nu z'a bag là mba num ta' mèn ntshù' netèt bo.

Matio 20:15

Me ke' ku'ni neghù ju ze me kô là tshu ts'a b'a tshàm nà ké? O lôt'àm lag kebwô à mba me be mèn kebwô là ké?

Mfa' Ghantum 13:45

Là ba Yuda be yen yen bwoṅ benntùn nà, ghe'te dun ntùm ntù tshobe, bo to' nebagte ntshob Paulo, mbèn nke ntshabt'é.

Héber 11:4

Njam bamntù, Abél lo fà jule'te Nsi mebwô Nsi ntshùa Kain, a lo tshùa num bwe, nkwé kwénta ndù a b'a mèn netsine, Nsi lo kwé nta tshule'te Nsi tse, a tshùa à num i k'a nke' nke ntshobte, mba mb'a kwù là.

Yuda 1:11

Nge' num bo! Bo zin num manze Kaïn, bo vù ntùm nefàn manze Balaam njam nkôni ntsho'fa', bo bi ntùm tatu Koré.

1 Samuél 16:7

Tshùaben tshob Samuél ndù: Kà lôt'a ntshù mi bo mb'a sag là, nummbe me ke' lo' i. Tshùaben ke' be yen à mba mènntùn num njen ze là; mènntùn ke njen à z'a bwô num miag là, là Tshùaben nke ndôt'a ntù mèn.