Neto'te 4:16 - NTSHOB NSI

¹⁶ Ndùlala Kaïn lo mbwe Tshùaben nèn nke ntswe ngô Nod nze bag nka' Edèn z'a ke ntshù bag ntumnyam nà.

Neto'te 4:16 Iomraidhean Croise

Neto'te 3:8

Bo ju' nze Tshùaben Nsi z'a ke nkatte ntùm nka' mfetnjù là. Mandum bo nzwi i lem tà ngùanesà num miag Tshùaben Nsi, netèt ntù mi a ntùm nka' là.

Neto'te 4:14

O ta' àm num yen nsitsha' li sènni; me nsi lem tà ngùanesà num miag mu, me nsi zine, be tshakendà num nsitsha'a, mèn z'a yen àm nà zwi àm.

Neto'te 4:17

Kaïn lo' nzwi i, a lét, mbwe Hénok. Kaïn kut ngô, njab lén ngô num se mén i ndù Hénok.

2 Fenfen 13:23

Là Tshùaben ghù kondèn num bo, ntshàm ndèn mube; a kaṅ se i ndôte yub num nu kàn s'a wat bo Abraham, Isak mba Yakob là. A ke kô nebiagte yube. Tà nse' nkum mba ndonni a ke' tsho' lag num bo.

2 Fenfen 24:20

Yen nu là se' à num yantù ze Tshùaben na' ngù num Yérusalém bo Yuda, nkô nema' yub ngùanesà num miag mi là. Sédékia ta tu mfen Babilon.

ṄWA'NI YOB 1:12

Ndùlala Tshùaben tshob Satan ndù: Tshù, me fà mba ke lo z'a ghù là wù ndù o ghù mba ke lo z'o kô là yi; nda' ta' ju ntshù', ke kwag tu wul i bu. Satan lo num miag Tshùaben.

ṄWA'NI YOB 2:7

Satan lo num miag Tshùaben. Yen nà be tôge, Satan kag mo' nkin kebwô num Yob, neto' num tun ku i tà nèn nkum tèt tu i.

ṄWA'NI YOB 20:17

A ke nsi bèn te lag num bon netsha' ntse, num ba mfube, num ba nta'ntse ṅwa' bo mbùn.

Yobkwi 5:11

Nsi, lo' yub mba ghavù ntsha là, ghù bo vù nsi ntùm njabnu mube, ta' yub mbwe o num nukebwô tshob ts'a yàm neshu là. Yoṅ yub mbwe o num tatu yube.

Yobkwi 68:2

Nsi lo nsi, ghakeban tse sate, ghamaṅt'é kù mbwe i.

Netume 20:18

Ngô tsin ngùanesà kà nke njen mfambaṅ, lambwôge, kà nke nju' nze nta, kà nke njen mbat z'a ke ndam nzembwôg là. Ngô be yen ndùlala mbwôg neshu.

Yérémia 23:39

A bèn mbe ndùlala mba m'a yab nu num bin, nket zin ma' ngùanesà mbaṅ àm, bin mba tusô se me na' mfà bin, mba tà tsin nà.

Yérémia 52:3

Ndùlala nu ghù Yérusalém bo Yuda mb'a be ntùm yantù Tshùaben nà, nummb'a lo kô netshag yub ngùanesà num miag mi. Sédékia ta tse tu mbwe mfen Babilon.

Yona 1:3

Là Yona lo tù nkù nèn Tarsis, ngùanesà num miag Tshùaben. A swe' nèn mà Jafa, njen mo' sitima, a nke nèn Tarsis; a fà ze nkàb nze, ntsho ntùm sitima, nke nèn boa bo Tarsis. Yona ke nèn ngùanesà num miag Tshùaben.

Matio 18:20

Nummbe mba yà lo ze ben bàa ke tat lo tse'te num lén sàm nà, me num netèt bo.

Lukas 13:26

Bin nsi to' neke ntshob ndù: Bag lo jù, mbèn nu mbwe o, o bèn ntswite ntshob Nsi num tshag manze.

Yohané 1:10

A lo be ntùm njù; a lo nabte njù, njù ke lèn i.

Yohané 1:3

A lo nabte njoṅ tshu fa. Sàm ju ke bwe num ts'a be, ndù a lo ke bèn nabt'é là.

1 Tésalônikà 1:9

Nummbe benntùn num nsoṅ mat mba bin na' ndo' yag netèt bin nà, mba bin na' nkaṅ ntù tsin num Nsi, ngua' ba nsi neto num nefa' Nsi z'a be ntùn mba ze nenùne,