Neto'te 39:6 - NTSHOB NSI

⁶ Potifar faṅ njoṅ tshu fa ts'a ghù là mum mbu Yosèf, ke bèn nke ngùtni num sàm ju k'a ke nda' nebètte ze jujù. Yosèf lo ghù ntsewut mebwô mba se z'a bwô là.

Neto'te 39:6 Iomraidhean Croise

Neto'te 29:17

Miag Léa ziag neshu, là Rashél lo bwô num mbaṅ wut mba num se i.

Neto'te 39:23

Ngabéb ndàtsha lo ke be te lag num se fa', nummbe Tshùaben lo ke mbe bo yi, nke ngù mba ke lo z'a to' là vù lag.

Neto'te 39:4

Yosèf tum ngafen num miag tàfa' i, a yab i mum fa' se, njab i ngalôte ndà i, ndem njoṅ tshu fa ts'a ghù là yi.

Neto'te 39:8

A gha, ntshob nzwi tàfa' i ndù: Yen ndù bag tàfa' àm ke' be soṅte sàm ju num tshu ts'a tshwèt ntôg mum ndà là; a bèn ndem tshu ts'a ghù là ntùm mbu màm!

Neto'te 43:32

Bo te ze jujù tù' i, nte ze fèt tse tù' bo, mbèn nte ze ba Egipto bo ke njù jujù ndà là tù' bo, nummbe ba Egipto ke' ku'ni netamte njù jujù boa ba Héber. Yen nà ke' be bwô yube.

Tànkùt 31:11

Ndu i num njab ntù num i, ke tag ke jù bin z'a tum bwe là.

Lukas 16:10

Mèn z'a be mèn nenùn num bontsit tshu là, bèn mb'a mèn nenùn mba num tse ndùb; là mèn z'a ke' be mèn netsin num bontsit tshu là, mb'a ke be mèn netsin mba num tse ndùb.

Lukas 19:17

A tshob yi ndù: A bwô me ngafa' ze mebwô, mb'o be mèn nenùn num metsit nu là, o nsi ke tô ngô gham.

Mfa' Ghantum 7:20

Num yen ngelaṅ nà, bo bwe Mosé; a lo bwô num miag Nsi. Bo lo ze i maṅwù tat ntùm ndà tàab.

1 Samuél 16:12

Isaï tum bo nèn ndiag i. Tshù, wul i lo làne, a ghù miag mebwô, se i bèn mbwô neshu. Tshùaben tshob Samuél ndù: Lo nsi, njo' i, tshù ng'é là.

1 Samuél 17:42

Ze Filistia lôte, mbe yen David ngwag i, nummb'a lo yen a b'a mén, ndù wul i làn, se i bwô neshu.