Neto'te 39:3 - NTSHOB NSI

³ Tàfa' yen ndù Tshùaben lo ke mbe bo Yosèf, mba ndù tshu tse ts'a be ntùm mbu mi là lo ke nèn mbwe, mba ndùke lo z'a kô nefa' ju là.

Neto'te 39:3 Iomraidhean Croise

Neto'te 21:20

Nsi nke mbe bo mén, a nke nku'u, nke ntswe num kônkwa, mbe ngama' két.

Neto'te 21:22

Num yen ngelaṅ nà Abimélék bo tàndà ntsho i Pikol tshob Abraham ndù: Bin Nsi be mbe num njoṅ tshu fa ts'o be ngù là.

Neto'te 21:23

Ndùlala kàn mfe me num lén Nsi ndù o ke nsi zi tatt'àm, ke me, ke bon tshàm, ke nzwil àm no; bam me ndù mebwô ze me be ngù wù là, o nsi ghù a be yi me mba ngô z'o tshwèt ntswe mum bwe là.

Neto'te 26:24

Tshùaben ṅwag, ntèl i yen tèttswe' là ntshob yi ndù: Me b'a Nsi tàan Abraham. Kà bwôg sàm ju, bag wù bèn mbe, me nsi yab kàn wù, ghù nzwil o yàm num lén ngafa' àm Abraham.

Neto'te 26:28

Bo tshob ndù: Bag lo yen kua' mebwô ndù bin Tshùaben bèn mbe, ndùlala bag tshob ndù a bwô ndù bag bin ghù nkàn mfe netèt be num nu fite, mbèn ngwat mba kàn netèt be.

Neto'te 30:27

Laban tshob yi ndù: Bam me ndù me tshob nu wù. Me tshaṅ ngàm njen ndù Tshùaben tshùa à njam o kà ntam ntse me.

Neto'te 30:30

Tshu ts'o na' ngù kà me nse' là lo ke be sàm ju, là fe ngelaṅ me se' là, tshu tsho yàm neshu, Tshùaben bèn ntam ntse wù. Ndonni me nsi fa' num ko' yàm tunndà à ndùke?

Neto'te 39:2

Tshùaben nke mbe bo Yosèf, nke ngù a njôg ntùm fen; a nke ntswe mum ndà tàfa' i ze Egipto.

Neto'te 39:21

Tshùaben nke mbe bo Yosèf, ngù bwôntù ze ndùb num i. Tshùaben ghù a ghù fen mbwe ngabéb ndàtsha.

Neto'te 39:23

Ngabéb ndàtsha lo ke be te lag num se fa', nummbe Tshùaben lo ke mbe bo yi, nke ngù mba ke lo z'a to' là vù lag.

2 Fenfen 18:7

Tshùaben be bo Ezékia, njoṅ tshu fa ts'a ke mfa' là nke nzin mebwô. A ta tu mbwe mfen Asiria, nga nebèn mbe nte' yi.

1 Kronika 22:13

A be ndùlala mb'o nsi sine, a be z'o ke nze ntshù' boa ntag mi Tshùaben na' nkite Mosé ndù a fà Israél là. Fèn ntù, ngom wul o, kà bwôg, ke bèn mvètte.

1 Kronika 9:20

Finéas, nshum Eléazar na' mbèn mbe mfen yub mo' ngelaṅ. Tshùaben lo ke mbe bo yi.

2 Kronika 1:1

Salomon nshum David taṅ nga ntùm se fen. Tshùaben Nsi i nke mbe bo yi, mbù't'é ntshag tù neshu.

2 Kronika 26:5

A nke nkagtùn ndiag Nsi ndùse Sakaria ke' ntùn nà. Sakaria lo ghù zenu num tse njem Nsi; a lo zin kua' mebwô ndùs'a ke ndiag Tshùaben Nsi là.

Néhémi 2:20

Tu wul àm fà mbùn ntshob bo, ntshob ndù: Nsi z'a ghù kamànyam nà nsi ghù bag yob ngu'u. Bag ghafa' tse, bag nsi lo nsi kut yen dù' li. Mba bin nà, bin ke' ghù zin bag i nsen ni, ke ghù ngù' nsen ni, ke ke nywinte sàm ju Yérusalém ni.

Yobkwi 1:3

A be ndaṅndaṅ à mba tù se bo bwe kaṅntse, a nke njam ntàm mi num ngelaṅ i; mfu mi ke be tsho' là. Mba ke lo ze mènfen num ngù là be ngwù lag.

Sakaria 8:23

Tshùaben tàndà ntsho tshob ndù: Mum tshen lé'njù là ben gham netèt njoṅ ntshob fa mi bo be ntshob ntùm ngôngô tshùbe, ṅat num tôg nzwe mèn Yuda, tshob ndù: Bag bin bèn bèn nène, nummbe bag ju' ndù Nsi num netèt bin.

Matio 5:16

Ndùlala ndù nka' zin ké' mbwe benntùn ndù bo yen mfa' min mi mebwô, ngamte Tà zin z'a be mfe kamànyam nà.

1 Korintô 16:2

Mba we lo ke mfà ju z'a lé' mat mb'a ku'ni là, lé'njù sondé, ke ke mbéb ndù me se' kà bin ghù ma'te.

Nebwôgte 2:7

Kua' nenùn Tshùaben Nsi o tam ntse wù num mfa' mo fa me Israél. A lo ke mbéb o ndùs'o ke nzin num yen mà zi kônkwa là là. A be ndonni à ngu'njù ṅam nkuà mba bin Tshùaben Nsi o ke mbe là: O ke' to' bwoṅ sàm ju mba ntshù'.

Yoshua 1:9

Tshù ju ze me bètt'o yi li: Ghù tànntù bo fènntù. Kà bwôg, ke vètte, nummbe bin Tshùaben a' ke mbe mba yà lo dù' z'o nsi nèn nà.

Apokalipse 3:9

Tshù, me nsi lo' tsemo' ben ntùm sinagogue Satan, tse bo num ntsiaṅ wut tshob ba Yuda, ke b'a yi là, bo num ntatte, tshù, me nsi ghù bo se'e, nkwim ntunkekwi' mub mbwe nku mu, ndèn ndù me lo kô o.

1 Samuél 18:14

Tshùaben nke mbe bo yi, mba ke lo z'a to'te là nke ngwù lag.

1 Samuél 18:28

Saulo yen, ndèn ndù Tshùaben b'a bo David; ngon i Mikal nke nkô David neshu.

1 Samuél 3:19

Samuél nke nku'u, Tshùaben nke mbe bo yi. A ke be wag sàm ntshob mi mba ntshù'.