Neto'te 39:22 - NTSHOB NSI

²² Ngabéb ndàtsha ghù Yosèf nke ndôte njoṅ ghandàtsha fa tse bo be tsha là; sàm ju ke be tôg ke be ndù Yosèf bèn ntshobe.

Neto'te 39:22 Iomraidhean Croise

Neto'te 39:20

Ndùlala Potifar lo' Yosèf ma' ndàtsha dù' ze tse ghandàtsha mfen ke mbe là. A tsho tsha yen dù' là.

Neto'te 39:4

Yosèf tum ngafen num miag tàfa' i, a yab i mum fa' se, njab i ngalôte ndà i, ndem njoṅ tshu fa ts'a ghù là yi.

Neto'te 39:9

A ke' tshùa àm ntùm yen ndà li, ke bèn nke nga sàm ju me, kà ntag nda' tu wul o, nummb'o b'a nzwi i. Be me ghù tshàm yen lèn nukebwô ndùb li, mfàn nu num miag Nsi à ndùke?

Yobkwi 37:11

Ba keju mbu nsi bèn ghù ngô, bo nsi tsiaṅte yàm yàme ntùm fite.

Yobkwi 37:3

Yab ntù o num Tshùaben, ngù numebwô. Lo' ngô ngù dù'ntswe yi, jù ju, njôg ntùm fite.

1 Samuél 2:30

Ndùlala Tshùaben, Nsi Israél tshob ndù: Me lo tshob mbe tunndà o bo ze tàan nsi fa' me matmat. Là, ndonni yen nu là mi. M'a' ghù nku'ni ben tse bo ghamt'àm nà; ngwag ben tse bo wag àm nà, Tshùaben bèn ntshob ndùlala.