Neto'te 39:21 - NTSHOB NSI

²¹ Tshùaben nke mbe bo Yosèf, ngù bwôntù ze ndùb num i. Tshùaben ghù a ghù fen mbwe ngabéb ndàtsha.

Neto'te 39:21 Iomraidhean Croise

Neto'te 21:22

Num yen ngelaṅ nà Abimélék bo tàndà ntsho i Pikol tshob Abraham ndù: Bin Nsi be mbe num njoṅ tshu fa ts'o be ngù là.

Neto'te 39:2

Tshùaben nke mbe bo Yosèf, nke ngù a njôg ntùm fen; a nke ntswe mum ndà tàfa' i ze Egipto.

Neto'te 39:3

Tàfa' yen ndù Tshùaben lo ke mbe bo Yosèf, mba ndù tshu tse ts'a be ntùm mbu mi là lo ke nèn mbwe, mba ndùke lo z'a kô nefa' ju là.

Neto'te 39:4

Yosèf tum ngafen num miag tàfa' i, a yab i mum fa' se, njab i ngalôte ndà i, ndem njoṅ tshu fa ts'a ghù là yi.

Neto'te 40:3

A ghù bo ghom yub ma' ndà, la' mfen ghabéb ntshwèt, ntùm ndàtsha dù' ze bo fùn Yosèf bwe là.

Yobkwi 105:19

tà nkum lé'njù se ju z'a na' ntshob bumte, lé'njù se ntshob Tshùaben la'te mb'a be là yi là.

Yobkwi 105:22

ndù a tagte bon mfen mb'a kô là, mba ndù a tswite kamkam tse zenu.

Yobkwi 106:46

ngù bo fon kondèn mbaṅ njoṅ benntùn fa tse bo lo' yub ngù kuan yi là.

Netume 11:3

Tshùaben ghù ngô ghù fen mbwe ba Egipto. Mba kua' Mosé na' mb'a mèn ndùb ntùm ngô Egipto, num miag ghafa' Faraon bo mi ngô.

Netume 12:36

Tshùaben ghù bon Israél ghù fen mbwe ba Egipto, ba Egipto fà tshu tse bo lon nà bo. Ndùlala bo sô tshu bu ba Egipto fa.

Netume 3:21

Me nsi ghù bin be ghafen num miag ngô Egipto, a be ndùse bin nsi nène, bin be tum ke b'a mbu ndaṅe!

Tànkùt 16:7

Tshùaben be mbam tse manze mèn mb'a fà mba ghakeban tse yi.

Esaya 41:10

Kà bwôg sàm ju, nummbe bag wù bèn mbe. Kà ke ma' miag ngabwôg, nummbe me b'a Nsi o. Me so neta num o, me se' ywimt'o; me lo' bu àm ze tshùa ntsho ze zwim ntomt'o yi.

Esaya 43:2

A be z'o dut ntse là, mba bag wù nsi bèn be. A be z'o dut nta'ntse là, mb'a ke nsi dut num tu o. A be z'o zin mba ntùm mbwôg là mb'a ke nsi kù o, mba lambwôg ke nsi zwe' o.

Daniel 1:9

Nsi ghù Daniel fon fen bo kondèn mbwe ngakwé mbwe netèt ba njabmfenkun.

Daniel 6:22

Daniel tshob mfen ndù: Mfen, tswe matmat.

Roma 8:37

Là num njoṅ tshen nà fa, bag à bin b'a kua' ghatshùa ntsho njam mèn z'a kô be là.

1 Pétro 3:17

Nummbe a bwô neyen nge', a be z'a b'a ze nekô Nsi là, ngù numebwô ntshùa neghù nukebwô.