Neto'te 38:9 - NTSHOB NSI

⁹ Là, Onan na' lèn ndù a bwe mén bo nzwi mfèl i mba bo ke yen i mba ze là. Ndùlala njoṅ ngelaṅ fa z'a lo' nzwi mfèl i là, a ghù ntse wut mi fètt'a nsi ndù k'a bwe mén ngù tunndà mfèl i yi.

Neto'te 38:9 Iomraidhean Croise

Neto'te 38:10

Ju z'a ke ngù là bag num miag Tshùaben, a ghù mba yi kwù.

ṄWA'NI YOB 5:2

Nkagni be mbi ntùm yantù i, mbabun nke nkwù ntùm tse vôgte.

Tànkùt 27:4

Tshùaben be njab nu, yantù nke mbùn dù', là we z'a ku'ni netsin tù mbwe lànghe' à?

Nebwôgte 25:5

Ndùse fètfèt bàa tswe dù' ntshù', mo' kwù mfaṅ nzwi i ke be ndù a ghù nshumnshum nà, mb'a ke' bwô ndù mfôg mfe nandà bo ta' ngùn, là a bwô mfèt mfe ndu i nèn mbaṅ i, ndo' i ngù nzwi i yi.

Nebwôgte 25:6

Mbwe nshum ze yen mènnzwi là nsi bwe là nsi jù ndà mfe, lo' lén se, ndùlala ndù kà lén mfe bi ntùm ngô Israél.

Titô 3:3

Nummbe mba be na' mb'a kagni mo' ngelaṅ, ghakeju' ntshu, ben tse bo fùte yub là, kuan ghe'te mba ngùa nzenze, nke njôg ntùm nukebwô mba ghe'te, ben newage, nke mbàn wut be, be be.

Yakobo 3:14

Là, a be ze bin ghù ghe'te nezwe mba ntsha ntùm ntù tsin nà, kà bin ta' nsoṅe, ke tshob tatte num nunenùne.

Yakobo 3:16

Nummbe dù' ze ghe'te mba ntsha be là, tshu'tu mba njoṅ mfa' kebwô fa num bwe.

Yakobo 4:5

Bin kwate ndù ṅwa'ni ke ntshob à banban ndù: A num nge'te Ywèt ts'a yab num be là ntùm ghe'te ké?

ṄWA'NI RUT 1:11

Là Naomi tshob ndù: Ngonngon tshàm, bin bèn njam. Bin yôg ntam njam àm à numke? Bin kwate ndù bon bèn nke' bam àm tse be bo be du tsin nà ké?

ṄWA'NI RUT 4:10

mbèn ndo' mba Rut ngon Moab z'a na' mbe nzwi Maklon nà mba yàm mènnzwi là. Me nsi bù'te lén mfe mum ntsi' mi, ndù kà lén mfe bi netèt fèt tse mba ntùm ngô yube. Bin b'a ghakwénta sènni.