Neto'te 37:5 - NTSHOB NSI

⁵ Yosèf zi njem, nsoṅ fèt tse, bo bèn mbàn i neshu.

Neto'te 37:5 Iomraidhean Croise

Neto'te 20:3

Ndùlala Nsi se' ntshob Abimélék mum njem ndù: Tshù, o nsi kwù num nu mènnzwi z'o ghom nà, nummbe ndu i num bwe.

Neto'te 28:12

A zi mo' njem, njen ndù mo' tuko' te num nsitsha'a, tu i nèn nkum mfe kamànyam. A yen Angél Nsi, tse bo tshwèt nko' num yen tuko' là mbèn nke nswe' là.

Neto'te 31:10

Ngelaṅ ze njùmbwe ke mbèt sôg là, me bù' miag màm njen mum njem ndù nkomnjù mi a ke nko' yub là lo b'a ntshobntshob, nto'nto'o, mbàbmbàbe.

Neto'te 31:11

Angél Nsi tshob me mum njem ndù: Yakob, me bùnte ndù: Tshù me li.

Neto'te 37:4

Fèt tse be yen mba tà yub ke nkô i ntshùa njoṅ yub fa là, nto' nebàn i. Bo ke bèn ndo' ntù nkôni ntshob nu yi yi.

Neto'te 37:6

A tshob bo ndù: Bin ju' me soṅ zin njem ze me yen nà.

Neto'te 37:8

Fèt tse tshob yi ndù: O nsi ghù sa' yag ké? Ndù o nsi ghù tô yag ké? Bo bèn mbàn i mo' yoṅ i num njem tse, mba num ntshob mi.

Neto'te 40:5

A be mo' tèttswe', ntu tshob bàa fa, ngama' ndu' bo ngana bàn mfen Egipto, zi njem ntùm ndàtsha dù' ze bo fùn yub là; mba we lo ghù ze lèn njem, mbagte ntun mi ke be ju ntshù'.

Neto'te 41:1

A lo be kum ngu'njù bàa ndaṅndaṅ, Faraon yen njem. A yen ntùm njem mb'a tsin kaṅntse Nil là;

Neto'te 42:9

Yosèf kwimte njem ts'a na' njen num bo là, ntshob bo ndù: Bin b'a ba ntom. Bin se' netsha' à dù' ts'a fà bu bin nà ntùm ngô.

Neto'te 49:23

Bo kamt'é, bo tam i nkô, ghama' nkét bàn i tà miagte;

1 Fenfen 3:5

Tshùaben ṅwag mum njem tèttswe', mà Gabaon, Nsi tshob Salomon ndù: Bètt'àm ju z'o kô là, me fà wù.

Yobkwi 25:14

Tshùaben la'te tsham se à ben tse bo be mbwôg i là, tsham se mbit be ntswite yub kàn Tshùaben.

Daniel 2:1

Ntùm mbatte ngu'njù bàa mba Nébukanetsar be mfen nà, a zi ba njem. Tu i tshu', miaglo keb tu i.

Daniel 4:5

Me lo zi mo' njem a kag bwôg num àm; nkwate mi a ke ngùtni àm num kunndà sàm bo tshùalo tse me ke njen nà lo ma' fétwut num àm.

Amos 3:7

Nummbe Tshùaben Nsi ke' be ghù sàm ju ke be ndù a te bu num ghafa' tse, ba ghatshob ntshob Nsi.

Nesiaṅe 12:6

A tshob bo ndù: Bin ju' ntshob màm. A be ze ngatshob ntshob Nsi be netèt bin nà, mba me Tshùaben, bèn nse' ntùm njem ntshob nu yi.

Yohané 17:14

Me lo fà ntshob mu bo, njù mbàn yube, nummbe bo ke' b'a ba ntùm njù, mba tu wul àm, me ke' b'a ze ntùm njù là.