Neto'te 37:4 - NTSHOB NSI

⁴ Fèt tse be yen mba tà yub ke nkô i ntshùa njoṅ yub fa là, nto' nebàn i. Bo ke bèn ndo' ntù nkôni ntshob nu yi yi.

Neto'te 37:4 Iomraidhean Croise

Neto'te 27:41

Esau tam njam Yakob mum yantù i, num nu kàn se tàab yab yi là, ntshob ntùm ntù i ndù: Tse lé'njù tàa ghebte, ndùlala me nsi zwi mfèl àm Yakob ndùse tàa nsi kwù là.

Neto'te 37:11

Fèt tse te miag ghe'te num i, mbàn i ntshùate; là tàab yab njoṅ tshen nu là fa ntù i nke nkwimte.

Neto'te 37:5

Yosèf zi njem, nsoṅ fèt tse, bo bèn mbàn i neshu.

Neto'te 4:5

Là Tshùaben ke bam Kaïn, mba ze ju bwôntù. Ntù Kaïn ya neshu, se i tshùaṅ.

Neto'te 49:23

Bo kamt'é, bo tam i nkô, ghama' nkét bàn i tà miagte;

Yobkwi 38:19

Nummbe me bam mfànnu màm, me tshwèt mbwôg num nukebwô àm.

Yobkwi 69:4

Me kua' tà mbole, nzetô àm jum. Miag màm yub nze num nebéb Nsi àm.

Yérémia 12:6

Nummbe mba kua' fèt tsho tse bo tunndà tàan nà ze ntsham o. Mba bo tshwèt nto ku' njam o. Kà fà wul o bo, mba ndùse bo nsi tshob ntshob ntùn wù là.

Marko 3:25

A be ze tunndà ghabte wul i là, mba yen tunndà là ke' ku' netswe.

Titô 3:3

Nummbe mba be na' mb'a kagni mo' ngelaṅ, ghakeju' ntshu, ben tse bo fùte yub là, kuan ghe'te mba ngùa nzenze, nke njôg ntùm nukebwô mba ghe'te, ben newage, nke mbàn wut be, be be.

1 Yohané 2:11

Là mèn z'a num mbàn mfèl i là mb'a b'a ntùm njame, nke nzin ntùm njame, ke lèn dù' z'a tshwèt nèn nà, nummbe njam kag fù miag i.

1 Yohané 3:10

Yen nà be ngù bo lèn bon Nsi mba bon Satan. Mba we lo z'a ke' be ghù nunetsin nà ke' fe à Nsi, ke mèn z'a ke' be kô mfèl i là lo.

1 Yohané 3:12

Kà bag à bin fute Kaïn z'a na' mfe à mèn kebwô, nzwi mfèl i là; a na' nzwi i à numke? Nummbe mfa' mi na' mb'a mi kebwô, mi mfèl i be mi netsine.

1 Yohané 4:20

A be ze mèn tshob ndù: Me num nkô Nsi, là nke mbàn mfèl i là, mb'a b'a ngatatte. Nummbe mèn z'a ke' kô mfèl i z'a num njen nà, ke' ku'ni nekô Nsi z'a ke' be yen nà.

1 Samuél 17:28

Eliab ntshùambwe David z'a ju' a tshob tshen ben nà là, ya ntù David kua' kebwô, ntshob yi ndù: Numk'o nswe' nse' nsen ni à? O faṅ metshé' mbwe là z'a tù' l'a wù kônkwa à? Me lèn mb'o be nka'te tsho là, ndèn lamte kebwô z'a ntù o là. O swe' nse' yen à ntsho.