Neto'te 37:2 - NTSHOB NSI

² Tshù tunndà Yakob li: Yosèf lo ghù ngu'njù ntshob sammbàa gham, nke mbéb nyàm tàab boa fèt tse, tse bo b'a bon Bila bo Zilpa zwi tàab là. Yosèf nke nsoṅ tàab bon tshu kebwô tse fèt tse ke ngù là.

Neto'te 37:2 Iomraidhean Croise

Neto'te 10:1

Tshù tunndà bon Noa tse bandum, Sém, Kam bo Yafét li: Bo lo bwe bon bandum ngelaṅ dibambaṅ tôg là.

Neto'te 2:4

Tshù neto'te kamànyam bo tsha' ngelaṅ ze Nsi nabte yub là. Num lé'njù se Tshùaben nabte tsha' bo kamànyam nà,

Neto'te 30:4

Ndùlala, a fà ngafa' i ze mènnzwi Bila Yakob mba nzwi i là. Yakob lo' i.

Neto'te 30:9

Léa yen mb'a keb bwe là, ndo' ngafa' i ze mènnzwi Zilpa mfà Yakob mba nzwi i là.

Neto'te 35:22

Ngelaṅ ze Israél ke ntswe ntùm yen dù' là là, Rubèn lo' Bila màndà tàab. Israél lèn yen nu là. Bon Yakob tse bandum lo be ntu ntshob bàa gham.

Neto'te 41:46

Yosèf lo be nèn mbwe Faraon mfen Egipto ndù a ghù ngu'njù ṅam ntat; ndùs'a lo mbwe Faraon nà, a katte ntùm njoṅ ngô Egipto fa.

Neto'te 42:8

Yosèf lèn fèt tse, là yub tu wut ke lèn i.

Neto'te 45:6

Tshù, a ndonni ngu'njù bàa mba nziku' se ka mum ngô là, a nke ntù' ngu'njù tàn ze fa' nedù' tsha' bo netsho' tshu ke nsi be là.

Neto'te 46:34

bètte ju ze bin ke mfa' là, bin bùnte yi ndù: Ghafa' tsho b'a ghakwiagte nyàm, fe ngelaṅ mônke' tà nkum sènni, ke b'a nda' bag, mba tà tshage. A nsi tshùa ndùlala bin tswe Gosen, nummbe njoṅ ba Egipto fa ke' be kô ghabéb mbwe.

Neto'te 5:1

Tshù ṅwa'ni tunndà Adam ni: A lo be lé'njù se Nsi nabte Adam nà, a nabt'é num mfuni Nsi.

Neto'te 6:9

Tshù tshô Noa li: Noa na' mb'a mèn netsine, mèn mebwô netèt benntùn tse bo be num ze ngelaṅ nà. Noa lo ke nzin à bo Nsi.

Yohané 7:7

Njù ke' ku' nebàn zine, là, a tshwèt mbàn àm, nummbe me tshwèt nkwé nta num i ntshob ndù mfa' mi b'a mi kebwô.

1 Korintô 1:11

Fèt tshàm, me lo ju' ben Klôé ndù ntsha num netèt bin.

1 Korintô 11:18

Mbwe i, me ju' ndù ngelaṅ bin num ntse'te bin bin benkristô là, fagte be netèt bin, me bam yen nu là mo' mén njoṅ i.

1 Korintô 5:1

Bo num nju' njoṅ dù' fa ndù kat num netèt bin, lèn kat z'a ke' be mba netèt ghakelèn Nsi là; a ndùlala, mo' mèn netèt bin lo' nzwi tàab.