Neto'te 34:3 - NTSHOB NSI

³ A yab ntù num Dina, ngon Yakob; a kô ménngon nà neshu kà ntam tsham toṅ i.

Neto'te 34:3 Iomraidhean Croise

Neto'te 34:2

Sikém nshum Hamor, mfen ntùm ngô yen i. A ghom Dina, nèn ndo' i, mbagt'é.

Neto'te 34:4

Sikém tshob tàab Hamor ndù: Fà ménngon din me, me ghù nzwi àm yi.

Neto'te 50:21

Kà bin bwôg; me nsi lôte zine, bin mba bon tsine. A fite ntù yube, ntshob nu ts'a b'a kwag ntù yub là.

2 Samuél 19:7

O num nkô ben tse bo num mbàn o là, nke mbàn ben tse bo num nkô o là, nummb'o la'te bag sènni mbe fenfen ke ghafa' lo ke tse bwe num yu tu; me lèn ndonni mbe Absalom lo mbe ntùn, njoṅ yag fa kwù mba yen nà bwô o neshu.

2 Kronika 30:22

Ezékia tshob nu ntùm ntù njoṅ ben Lévi fa tse bo ke nda'te siaṅte yàm ntùm fa' Tshùaben nà. Bo fèt nyàm tse bo zwite là mum lé'njù sammbàa, nke mfà tshule'te tse nenyàmte, nke ngamte Tshùaben, Nsi tà tshobe.

Esaya 40:2

Bin lo' nku'ni ntshob nu yi Yérusalém, nkua' neta ntshob yi ndù ze ngelaṅ sobni mi mba di, bin tshob yi mbe mfànnu mi mi mba di! Bin tshob yi ndù a lo kwé nevù ntsha mum mbu Tshùaben yoṅ tse bàa, mbe ndùlal'a num nukebwô tse.

ṄWA'NI OSÉ 2:14

M'a' sate nkùa i, nsate nten mi, tshu ts'a be ntshob num bwe ndù: A b'a tshu tshàm, mbe nda' ze màndà tshàm fà me là. M'a' lo' njoṅ i fa nkaṅ fèn yi, nyàm tshwèt sate njoṅ i fa.

ṄWA'NI OSÉ 2:16

A ndùlala, m'a' yo't'é nèn yi kônkwa, ntshob nu ntù i;

Ghasa'kame 19:3

Ndu i nèn ntèl i bwe, mfite ntù i ndo' i bèn yi la' i. Mandum nà lo ghù ngafa' i boa kekwèn bàa. Mènnzwi lo' i ntsho yi ndà tàab. Tà mènnzwi là be yen i, ndo' i kua' mebwô, ntùm tsiaṅte.

ṄWA'NI RUT 1:14

Bo bèn mfà nze yub tù, ndàne. Orpa tsiag, tate màndu i, là Rut ṅat num màndu i.

1 Samuél 18:1

Ndùse David miagte netshobte bo Saulo là, ntù Yonatan yab num David, Yonatan nke nkô i kua' mba ze tu wut là.