Neto'te 33:3 - NTSHOB NSI

³ Mbe se' mba Yakob là, a tshùa mbwe bo, nkwim ntunkekwi' mi nsi yoṅ sammbàa, tà nkum ndùs'a ghebte mbaṅ mfèl i là.

Neto'te 33:3 Iomraidhean Croise

Neto'te 18:2

A bù' miag mi, njen benntùn tat ndù bo tsinte ngelaṅ mbaṅ i. Ndùs'a yen yub là, a lo ntshu ntàb nkù nde nèn mbumte boa bo, ngwù nsi num tsha'a,

Neto'te 33:2

Ndùlala nte ghafa' tse tse bènnzwi bàa mbwe boa bon tshobe, nte Léa boa bon tse njam bo, nte Rashél bo Yosèf njam bo.

Neto'te 42:6

Yosèf na' mbèn nke nsa' ntùm ngô; a yi bèn nke nswèn nsa benntùn fa mum ngô. Fèt Yosèf se' ngwù nsi mbwe i kabkab.

Neto'te 43:26

Ndùse Yosèf bèn ndà là, bo fà nda' ze bo se' yi là yi, ngwù nsi mbwe i num tsha' kabkab.

Neto'te 48:12

Ndùlala Yosèf sô yub neta' tàab nkwim ntunkekwi' mi nsi, nkab se i num tsha'a.

Tànkùt 6:3

Nshum àm, a mbe ndùlala o sô bu o bwe, nummb'o vù ntùm mbu mfèl o; nène, ngwù nsi mbwe i nde't'é.

Nzenu 10:4

A be ze ntù tàfa' ya num o là, mb'a ke' bwô tse ndù o faṅ yu ntshufa' nsi, nummbe newag nu num ntshètte manze nukebwô yàme.

Lukas 14:11

Nummbe mèn z'a num ndo' wul i nèn yi tù là, bo nsi tèn i fà nsi; mèn z'a num ndo' wul i nèn yi nsi là, bo nsi bù' i fà tù.

Yohané 10:15

Be ndaṅndaṅ mba Tà lèn àm, mba me yàm bèn ndèn Tà là, me fà yôg sàm num njùmbwe.

Yohané 10:4

A num mbe ngelaṅ z'a tum njoṅ tse njùmbwe fa njù là, a zin mbwe bo, njùmbwe tam njam i, nummbe bo lèn nz'é.

1 Samuél 2:5

Ben tse bo na' njwèt là tshwèt ntshwèt wut tshob num bàn; tse bo na' ntswe nziku' là nke mfite; mba kua' kebwe mènnzwi bwe yoṅ sammbàa. Mènnzwi z'a ghù bon yàm nà ke bèn nebwe.