Neto'te 32:6 - NTSHOB NSI

⁶ Ben tse Yakob tum nà bèn njam ntshob yi ndù: Bag nèn mbaṅ mfèl o Esau; tshù i là z'a tshwèt nse' bin yi bumte boa benntùn nkù kuà là.

Neto'te 32:6 Iomraidhean Croise

Neto'te 31:18

A lo' njoṅ nyàm tse fa nèn yi, ndo' njoṅ tshu fa ts'a ghù là. Nyàm ts'a be ko' tse, ts'a na' ngù Padan Aram nà, nèn mbaṅ tàab Isak mà Kanaan.

Neto'te 32:11

Netsho'o, kwé àm bu mfèl àm, bu Esau! Nummbe me tshwèt mbwôg ndù k'a se' mbiagte yage, ke faṅ mà ke bon no.

Neto'te 32:7

Yakob ju', mbwôg neshu, wul i fét. A ghabte tse ben nkam mbàa, mbwe, nyàmna' boa kamél, ntshob ntù i ndù.

Neto'te 32:8

A be ze Esau se' ma' mo' kam benntùn ndab yub là, mba kam i z'a tù' là nsi yôg àm.

Neto'te 33:1

Yakob bù' miag mi ndôte, mbe yen Esau nke nse' boa benntùn nkù kuà. A ghabte bon netèt Léa, Rashél boa ghafa' tse tse bènnzwi bàa.

Neto'te 33:15

Esau tshob ndù: M'a' faṅ mo' bag benntùn netèt ben tshàm wù! Yakob bùnte ndù: Mb'a kua' numke? A bwô, nda' ndù be tshùaben àm ke faṅ ndùlala ké?

Neto'te 33:8

Esau tshob ndù: Tshen njoṅ bwoṅ tshu bag a bo bumte là b'a numke? Yakob bùnte ndù: A b'a nelo' mbètte kondèn yi tshùaben àm.

Neto'te 34:11

Sikém tshob tà Dina boa fèt tse ndù: Be bin ko ndèn màm à! Me nsi fà ju ze bin kô là.

Neto'te 47:25

Bo bùnte ndù: O neyôg yage! A be ze tshùaben ko ndèn mag là, mba bag nsi be kuan Faraon.

Amos 5:19

Bin nsi be mba mèn z'a tshwèt nkù ngwayit, mbumte bo nzwimàntô là, bin nsi be mba mèn z'a bèn njam ndà i, njé'te mbaṅ ba', nyu tshôg i là.

ṄWA'NI RUT 2:13

A tshob ndù: O tshùaben àm, o la'te kondèn o num àm! Nummb'o fite ntù àm, ntshob nu ntù ngafa' o ze mènnzwi, mba mba me ke' be ndaṅndaṅ mba mo' ta' ghafa' tsho tse bènnzwi là.

ṄWA'NI RUT 2:2

Rut ngon Moab tshob Naomi ndù: Me le't'o ndù o faṅ me nèn ntswitte ntsha' ngefet mum nà mèn z'a be a ko ndèn màm, mbam me là. Naomi tshob yi ndù: Ngon àm, nène.

1 Samuél 1:18

Ana tshob ndù: A bwô ngafa' o ze mènnzwi tum mènfen num miag mo. Mènnzwi là tshob ndùlala nène. A jù ju, se i ke bèn mb'a mbe mi.