Neto'te 32:30 - NTSHOB NSI

³⁰ Yakob yab lén dù' là ndù Peniel. Nummb'a lo tshob ndù: Tshù, me yen Nsi se se, mbèn nke nke' njôge.

Neto'te 32:30 Iomraidhean Croise

Neto'te 16:13

Agar yab lén Tshùaben z'a na' ntshob nu yi là ndù: O b'a Nsi z'a be njen nà. Nummb'a lo tshob ndù: A b'a kua' nsen ni ze me yen ntshùa mèn z'a ke njen àm nà ké?

Neto'te 28:19

A yab lén dù' là ndù Bétél; là lén ngô na' be mbwembwe mb'a ndù Luz.

Neto'te 35:9

Ndùse Yakob fe Padan-Aram nà, Nsi bèn ṅwag yi mo' yoṅ i, njab kàn yi.

1 Fenfen 12:25

Yéroboam kut kàbngô Sikém num mbat Efraim, ntswe bwe. A tum nèn nkut kàbngô mba Pénuel.

Netume 33:14

Tshùaben bùnte ndù: Bag wù nsi bèn ke zine, me bèn mfà fite wù.

Esaya 6:5

Ndùlala me tshob ndù: Njennge' mba me là, m'a kwù. Tshù, me b'a mèn ze nkub ntshu mi ke' làn nà; me ke ntswe à netèt ben tse nkub ntshu mub ke' làn nà. Tshù là, miag màm yen mfen Tshùaben tàndà ntsho.

Esaya 9:5

Tshù, bo bwe ta' mén mandum be. Nu netô njù b'a ntùm mbu mi. Bo nsi ghù tsiaṅ i Mèn neghamte, Ngafà ntage, Nsi neta, Tà z'a tswe matmat là, Mfen fite.

Nesiaṅe 12:8

Me ke ndo' à ntshobte kà nke ntshob nu yi, a nke njen àm, ke lo' à lamte ntshobe, ngù a nke njen netshaṅ mfi' wut Tshùaben. Numke bin nke ntshobte ngafa' àm Mosé à?

Yohané 1:18

Sàm mèn ke' yoṅ nto' yen Nsi; a b'a nkwi Mén Nsi ntshù' z'a be num ndàntù Tà là, a b'a yi bèn nto't'é.

1 Korintô 13:12

Nummbe ndonni bag à bin tshwèt njen à ntatntat ntùm yense, là, a nsi be mànjam bag à bin yen se se. Ndonni, yàm nelèn ke' ku', là, a nsi be mànjam me lène, mba bo lèn àm nà.

2 Korintô 3:18

Là njoṅ be fa tse se be b'a nge là, num ndôte nkuni Tshùaben; mi a kaṅ be num mfuni mi mi a tum ntùm nkuni, ntsho ntùm nkuni, mb'a bwô Tshùaben z'a b'a Ywèt là.

2 Korintô 4:6

Nummbe Nsi z'a tshob ndù: Nka' ké' ntùm njam nà, lo ké' ntùm ntù tshage, ndù nelèn nkuni Nsi z'a be num se Kristô là tswite wul i.

Galatia 1:6

Me tshàm mba bo sô zin ndende njam mèn z'a na' ntsiaṅ zin ntùm kondèn Kristô, bin bam mo' nkùn mebwô là.

Efésô 1:17

Ndùlala ndù Nsi Tshùaben be Yésu Kristô Tà nkuni fà Ywèt zenu mba làn miag bin ndù bin lèn i,

Nebwôgte 34:10

Sàm ta' ngatshob ntshob Nsi ke' bèn nto' tum ntùm ngô Israél mba Mosé, kà bo Tshùaben nke ntshobte se se.

Nebwôgte 5:24

Yene, Tshùaben Nsi yag la'te nkuni mi bo ze neghu'u, bag ju' nz'é netèt mbwôge. Sènni bag yen mbe Nsi tshob nu benntùn kà bo bèn nke' ntùn.

Kolosé 1:15

A b'a mfuni Nsi ze miag ke' ku'ni neyen i là, mbe tuswe num njoṅ tshu fa tse Nsi nabte là,

2 Timôtio 1:10

A la't'é ndonni, tshù mb'a la't'é li: Ngayôg be Kristô Yésu lo se'e, mbiagte vù, njam nkùn mebwô, njab yôg mba nebe ke kwù mbwe nka',

Héber 11:27

Njam bamntù, a lo tum Egipto ke bwôg yantù mfen, ngù tànntù mba mèn z'a yen ju ze mèn ke' be yen nà.

Yoshua 5:13

Ndùse Yoshua tsin mbaṅ Yériko là, a bù' miag mi nke ndôte, njen mo' mèn tsin mbwe i se se, ndù a tshùb ṅwi bu i. Yoshua kù' nèn mbaṅ i mbètt'é ndù: O b'a mo' yag mèn ké k'o b'a mo' ngakeban yag à?

Ghasa'kame 13:17

Ndùlala Manoak tshob Angél Tshùaben ndù: Lén so b'a we, bag ghù nyàmt'o ndùse ntshob mu nsi bumte l'à?

Ghasa'kame 13:18

Angél Tshùaben bùnte yi ndù: O bètte lén sàm à numke? A kuni neshu.

Ghasa'kame 8:17

A sate mba nesà ba' z'a Penuél là, nzwite benntùn tse bo be bwe là.

Ghasa'kame 8:8

A lo bwe nko' nèn Penuél, mbètte babwe be ju ntshù'. Bo bùnte yi be ndaṅndaṅ mba ba Sukkot na' mbùnte là.