Neto'te 32:3 - NTSHOB NSI

³ Yakob tum benntùn mbwe i, mbaṅ mfèl i Esau, mà Seir, ntùm ngô Edom.

Neto'te 32:3 Iomraidhean Croise

Neto'te 14:6

boa ba Horia num mbat Seir tà nèn nkum tu kônga Paran z'a be mbaṅ kônkwa là.

Neto'te 25:30

Esau tshob Yakob ndù: Faṅ me fèt meju nkun meba, nummbe me bot. A ndùlala ze bo yab lén Esau ndù Edom nà.

Neto'te 32:11

Netsho'o, kwé àm bu mfèl àm, bu Esau! Nummbe me tshwèt mbwôg ndù k'a se' mbiagte yage, ke faṅ mà ke bon no.

Neto'te 32:7

Yakob ju', mbwôg neshu, wul i fét. A ghabte tse ben nkam mbàa, mbwe, nyàmna' boa kamél, ntshob ntù i ndù.

Neto'te 33:14

A bwô ndù tshùaben àm tam mbwe nkuan i, tu wul àm, me nsi ke se' mba me ku'ni là. A bwô ndù me zin à num ze ku ben tse bo be mbwe àm nà, mba num ze ku bônke' boa nyàm tà nkum ndùse me kum la' tshùaben àm, Seir là.

Neto'te 33:16

Esau lo be num sen lé'njù là mbèn njam Seir.

2 Samuél 2:8

Mba tà ndùlala Abner nshum Ner, tàndà ntsho Saulo, lo' Ish-Boshet nshum Saulo nèn yi Mahanaim.

2 Fenfen 6:17

Ndùlala Elisa le'te Nsi ntshob ndù: Tshùaben gha' miag ngafa' a yen mba nyàmdiaṅ boa nkalig mbwôg be num mbat ndiaṅ Elisa mbum nà.

1 Kronika 12:23

Njoṅ lé'njù fa, bo nke nse' ywimte David tà nkum ngelaṅ ze yub ntshu ntsho na' njàm mba ze ntshu ntsho Nsi là.

Nkwi Nkwi 7:1

Ngonngon tsiaṅ i ntshob ndù: Bèn nse'e, bèn nse' me ngon Sulam. Bèn nse', bèn nse' bag lôt'o. Ménnshum bètte yub ndù: Ke ze bin lôte num ngon Sulam, mb'a b'a ta' ju nenyiaṅ ze bo tshwèt mbam kwi se ndaṅ mbàa à?

Esaya 21:11

Ntshob Nsi num Duma. Bo tsin Seir nkua' ntshob me ndù: Ntom, tèttswe' yà? Ntom, tèttswe' yà?

Yérémia 49:7

Num Edom, tshù mba Tshùaben tàndà ntsho tshob li: Ndù zenu ke' bèn nebe bag ngô Téman ké? Ndù zete ke' bèn nebe netèt ghasiaṅte ké? Zenu yub vù vù ké?

Malashi 3:1

Tshù, me nsi tum ngantum àm; a nsi nabte manze mbwe àm. Be ndùse Tshùaben ze bin be ndiag i là nsi tsho ntùm ndà i. Tshù ngantum kàn ze bin be nkô là z'a se' là, Tshùaben tàndà ntsho bèn ntshobe.

Nesiaṅe 24:18

Ngô Edom nsi vù ntsho. Ghakeban Seir nsi ma' ntsho ton i. Israél la'te neta i.

Lukas 9:52

A tum ghantum mbwe i, bo tam manze, nzin ntsho ntùm mo' ngô ba Samaria num nenabte dù' nezi bwe.

Nebwôgte 1:2

Nelo Horéb, ntshùa manze z'a num mbat Seir là tà nèn nkum Kadèsh-Barnéa ghù lé'njù zin ntshob ntshù' gham.

Nebwôgte 2:22

Tshù mba Tshùaben na' ngù num bon Esau tse bo num ntswe Seir, ndùs'a biagte ben Hor mbwe bo là; bo ta' yube, nte num yub dù' tà nse' nkum sènni.

Nebwôgte 2:5

Kà bin kam yube; nummbe me ke nsi fà mba nda' dù' nete ku zin bwe bin ntùm ngô yube. Me lo fà Seir Esau a tù' ze ju.

Yoshua 13:30

Tshob tsha' to' Mahanaim, njoṅ Basan fa, njoṅ ze nufen Og, mfen Basan fa mba taṅ ngô Yaïr Basan fa. A ghù ntusô ṅam ntôge.

Yoshua 24:4

Me lo fà Yakob bo Esau Isak, mfà mbat Seir Esau mba tse tsha' là, là ngù Yakob boa bon tse swe' nèn mà Egipto.