Neto'te 32:11 - NTSHOB NSI

¹¹ Netsho'o, kwé àm bu mfèl àm, bu Esau! Nummbe me tshwèt mbwôg ndù k'a se' mbiagte yage, ke faṅ mà ke bon no.

Neto'te 32:11 Iomraidhean Croise

Neto'te 24:27

Ntshob ndù: Ghamte be Tshùaben, Nsi tàfa' àm Abraham; a ghù bwôntù i num tàfa' àm, mbèn mbe mèn nenùn yi. A Tshùaben bèn ntshagt'àm num manze tà nèn nkum ndà fèt tàfa' àm.

Neto'te 27:41

Esau tam njam Yakob mum yantù i, num nu kàn se tàab yab yi là, ntshob ntùm ntù i ndù: Tse lé'njù tàa ghebte, ndùlala me nsi zwi mfèl àm Yakob ndùse tàa nsi kwù là.

Neto'te 27:42

Bo nèn nsoṅ Rébéka nkwate Esau, z'a be tuswe i là. Rébéka tum bo nèn ntsiaṅ nshum i Yakob, ntù'njam, a tshob yi ndù: Tshù mfèl o Esau là z'a tshwèt ndiag neyagte mba' wù, nzwi o là.

Neto'te 32:3

Yakob tum benntùn mbwe i, mbaṅ mfèl i Esau, mà Seir, ntùm ngô Edom.

Neto'te 32:7

Yakob ju', mbwôg neshu, wul i fét. A ghabte tse ben nkam mbàa, mbwe, nyàmna' boa kamél, ntshob ntù i ndù.

Neto'te 33:4

Là Esau kù nde, mbumte bo Yakob, ntsiag i, ngwù num tô i, ntat'é, ṅwate bo yi.

2 Samuél 7:18

Mfen David nèn ntsin mbwe Tshùaben ntshob ndù: Tshùaben Nsi, me b'a we, yàm tunndà b'a zit k'o ngù me nse' tà nkum nsen ni dù' me be à?

Yobkwi 119:134

Tshu' àm bu ma'ni benntùn. Ndùlala ndù me ze ntshù' mu.

Yobkwi 142:6

Tshùaben, me lo kua' wù ntshob ndù: o bèn mbe yàm ndàlem, yàm bag i ze me ghù mum njù benntùn nà!

Yobkwi 16:1

Miktam David. O Nsi, béb àm! Nummbe yàm ndàlem b'a num o.

Yobkwi 25:20

Lem ntù àm, yôg àm! Kà bam ndù tuswe ko àm, ngelaṅ me tshwèt ndiag dù' nelem num o là.

Yobkwi 31:2

Tshùaben! Me ke ndiag yàm ndàlem à num o. Kà bam ndù tuswe zi nko àm! Tshu' àm num yu nunetsine.

Yobkwi 43:1

O Nsi, ghù nunetsin me, tshètt'àm num nzwit ben tse kondèn ke bo là, tshu' àm mbu ghafùte mba ghafànnu.

Tànkùt 18:19

O be nkag mfaṅ ntù mfèl o nebèn ntsho num i ta ntshùa tusô se bo kut ntsham ntsiag là; tse ntanta fètfèt b'a mba mfùn ta' tusô là.

Daniel 3:17

Mfen, a be ze Nsi yag ze bag num mfa' yi kô neyôg yag là, mb'a nsi yôg yag mum ndà mbwôg ze mbwôg tshwèt nkù bwe là, mba mum mbu mu.

ṄWA'NI OSÉ 10:14

A ndùlala mo' tshu'te ntsho lo netèt tsho ben, kà nke mbagte tsho ngô fa, mba mfen Shalman na' mbagte Béth-Arbèl mum lé'njù ntsho, nzwi ba mà boa bon yoṅ ntshù' là.

Matio 6:13

Kà tshag yag ntùm laṅte, là kwé yag bu nukebwô. Nummbe nufen, neta, mba nekuni, b'a yu yoṅ ntshù' là, amén.

Nebwôgte 22:6

A be z'o be zinte num manze njen nkàn saṅ num tù ke num tsha' lo boa bon ke mbum no, ndù mà saṅ nô num bon ke mbum no là, mb'o ke nsi lo' mà saṅ boa bon;

1 Samuél 12:10

Bo bèn nkua' ntsiaṅ Tshùaben, ntshob ndù: Bag ghù nukebwô, nummbe bag lo ghua' Tshùaben, nke mfa' ba Baal boa Astarté; tshu' yag ndonni ntùm mbu ghakeban tshage, bag nsi tù' ke fa' a wù.

1 Samuél 24:15

Mfen Israél ke njab à njam we ndù à? O ke njab à njam ta' ntshèt ngwa.