Neto'te 32:10 - NTSHOB NSI

¹⁰ Me kag neshu num njoṅ mfu' fa mi o fà me, me ze me be nkuan o là. Nummbe me lo dut Yordan bag kôg sàm, ndonni me tshwèt ngabte ben tshàm nkam mbàa.

Neto'te 32:10 Iomraidhean Croise

Neto'te 18:27

Abraham bèn ntshob ndù: Me ze me be mbabe, mbe bwembwôg là fèn ntù netshob nu Tshùaben àm.

Neto'te 24:12

A tshob ndù: Tshùaben, Nsi tàfa' àm Abraham, ghù me fon ju ze me tshwèt ndiag là sènni, ghù bwôntù num tàfa' àm Abraham.

Neto'te 24:27

Ntshob ndù: Ghamte be Tshùaben, Nsi tàfa' àm Abraham; a ghù bwôntù i num tàfa' àm, mbèn mbe mèn nenùn yi. A Tshùaben bèn ntshagt'àm num manze tà nèn nkum ndà fèt tàfa' àm.

Neto'te 28:13

Tshùaben lo tsin mfe tu tuko' ntshob ndù: Me b'a Tshùaben Nsi tàan Abraham bo Nsi Isak. Dù' tsha' z'o nô num bwe là, me nsi fà i wù mba nzwil o.

Neto'te 28:15

Tshù, bag wù bèn mbe, me nsi béb o num njoṅ dù' fa ts'o nsi nèn nà, bèn lo' o se' yi mum yen ngô li, nummbe me ke nsi ghua' o ke be ndù me ghù ju ze me tshob wù là bumte.

Neto'te 30:43

Ndùlala mandum nà tù' kua' ngafu' ze ndùb, ngù mbwe yàm neshu, ngù ghafa' tse bènnzwi boa tse bandum, ngù ba Kamél bo nkekwène.

Neto'te 31:3

Ndùlala Tshùaben tshob Yakob ndù: Bèn njam mum ngô tà tsho dù' ze bo bwe o là, me nsi be bag wù.

Neto'te 32:5

A ghù nyàmna', nkekwène, mbwe, ghafa' tse bandum boa tse bènnzwi; a bèn ntum bo se' nsoṅ o ndù o ko ndèn mi.

Neto'te 32:7

Yakob ju', mbwôg neshu, wul i fét. A ghabte tse ben nkam mbàa, mbwe, nyàmna' boa kamél, ntshob ntù i ndù.

2 Samuél 17:24

David zin nkum Mahanaim. Absalom boa njoṅ ba Israél fa tse bo be njam i là dut Yordan.

2 Samuél 7:18

Mfen David nèn ntsin mbwe Tshùaben ntshob ndù: Tshùaben Nsi, me b'a we, yàm tunndà b'a zit k'o ngù me nse' tà nkum nsen ni dù' me be à?

ṄWA'NI YOB 17:9

Mba ndùlala mèn netsin bèn ntshùb ze nze kua' neta, mèn ze mbu mi làn nà bèn ndun fènntù.

ṄWA'NI YOB 8:7

Yu njwèn fu' nsi b'a metsit nu num s'a lem wù, ndù a zi neshu là.

Yobkwi 16:2

Me be ntshob Tshùaben ndù: O b'a Tshùaben àm. Njoṅ yàm fu' fa b'a mbaṅ o.

Yobkwi 18:35

A lo zi'te mbu màm nema' ntsho, mbu màm lo dù' ngoṅkét tùne.

Yobkwi 61:7

Kwi'te lé'njù yàm num tse lé'njù mfen, ndù ngu'njù tse nèn mbwe, ntswe ngu'ngu'.

Yobkwi 8:5

ntshob ndù mènntùn b'a ke, k'o nke nkwimt'é, mén Adam b'a ke, k'o nke nkwimt'é ndù à?

Yobkwi 84:7

Ngelaṅ bo tshwèt ndut tômbo' Baka là, bo ghù a tù' tumnsi ntse, mbwe mbaṅ naṅ mbotni num i.

Yobkwi 85:10

Ṅ, yôg se b'a mbaṅ ben tse bo be mbwôg i là. Ndùlala ndù ghamte tswe ntùm ze be ngô.

Tànkùt 4:18

Ze manze ben netsin b'a mba nelàn z'a tshwèt nké' là, ndù ze neziag be nèn tà nkum netèt lé'njù.

Esaya 6:5

Ndùlala me tshob ndù: Njennge' mba me là, m'a kwù. Tshù, me b'a mèn ze nkub ntshu mi ke' làn nà; me ke ntswe à netèt ben tse nkub ntshu mub ke' làn nà. Tshù là, miag màm yen mfen Tshùaben tàndà ntsho.

Esaya 63:7

Me nsi soṅ kondèn Tshùaben, soṅ ghamte Tshùaben, soṅ à ndaṅndaṅ njoṅ mfi' mb'a ghù num be là. Me nsi tshob nu num bwôntù ndùb z'a ghù num tunndà Israél là. Nummb'a ghù yi à mfi' mba kondèn i bo fu' nkôni yi Tshùaben be yi là.

Mika 7:20

Kwé nta yu nunetsin num Yakob, kwé nta bwôntù o num Abraham mb'o na' nka' ba tà tshag fe mbwembwe là.

Lukas 17:10

Mba bin zin, ngelaṅ bin ghù ju ze bo tshob ndù bin ghù là, bin tshob ndù: Bag b'a ghafa' tse bo ke' ywimte là; bag ghù nda' ju z'a bwô ndù bag ghù là.

Lukas 5:8

Simon Pétro be yen ndùlala, ngwù num nku Yésu, ntshob ndù: Tshùaben, lo mbaṅ àm, nummbe me b'a mèn kebwô.

2 Korintô 12:11

Me lo nebà! Bin bèn ntènt'àm. A lo bwô ndù bin bèn nkwé nta màm, nummbe me lo ke b'a metsit mèn netèt mbwô ghantum, mba mba me ke' b'a sàm ju là.

Nebwôgte 8:18

Kwimte Tshùaben Nsi o, nummb'a yi nsi bèn fà neta wù neghù men mfu' là yi. A b'a mèn nenùn num kàn s'a wat boa tà tsho saṅlaṅ bwe là, a b'a mèn nenùn mb'o tshwèt njen kua' yu tu sènni là.

1 Pétro 5:5

Be ndaṅndaṅ, benkristô, bin fà wut nsi mbwe ghakwé mbwe. Njoṅ zin fa ke mfà wut nsi bin bin, nummbe Nsi be ntshètte ghako'tewut, là, a num mfà kondèn ghafà wut nsi.