Neto'te 31:3 - NTSHOB NSI

³ Ndùlala Tshùaben tshob Yakob ndù: Bèn njam mum ngô tà tsho dù' ze bo bwe o là, me nsi be bag wù.

Neto'te 31:3 Iomraidhean Croise

Neto'te 13:15

nummbe me nsi fà njoṅ yen ngô là z'o tshwèt njen nà wù mba nzwil o matmat;

Neto'te 21:22

Num yen ngelaṅ nà Abimélék bo tàndà ntsho i Pikol tshob Abraham ndù: Bin Nsi be mbe num njoṅ tshu fa ts'o be ngù là.

Neto'te 26:24

Tshùaben ṅwag, ntèl i yen tèttswe' là ntshob yi ndù: Me b'a Nsi tàan Abraham. Kà bwôg sàm ju, bag wù bèn mbe, me nsi yab kàn wù, ghù nzwil o yàm num lén ngafa' àm Abraham.

Neto'te 28:13

Tshùaben lo tsin mfe tu tuko' ntshob ndù: Me b'a Tshùaben Nsi tàan Abraham bo Nsi Isak. Dù' tsha' z'o nô num bwe là, me nsi fà i wù mba nzwil o.

Neto'te 28:15

Tshù, bag wù bèn mbe, me nsi béb o num njoṅ dù' fa ts'o nsi nèn nà, bèn lo' o se' yi mum yen ngô li, nummbe me ke nsi ghua' o ke be ndù me ghù ju ze me tshob wù là bumte.

Neto'te 28:4

A bwô ndù a yab kàn wù bin nzwil o ndaṅndaṅ mb'a na' njab kàn Abraham nà, nedù ngô z'o be ngùn ntùm bwe ndù a lo fà Abraham nà tù' yu.

Neto'te 30:25

A lo be ngelaṅ Rashél bwe Yosèf là, Yakob tshob Laban ndù: Faṅ me nène, ndù me nèn la' bag, ntùm yàm ngô.

Neto'te 31:13

Me b'a Nsi z'a ṅwag wù Bétél, dù' z'o na' njo' loṅla' bwe, dù' z'o na' ngù nka'ni me là. Ndonni lo tù, tum ntùm yen ngô li, mbèn njam ntùm ngô ze bo bwe o bwe là.

Neto'te 31:18

A lo' njoṅ nyàm tse fa nèn yi, ndo' njoṅ tshu fa ts'a ghù là. Nyàm ts'a be ko' tse, ts'a na' ngù Padan Aram nà, nèn mbaṅ tàab Isak mà Kanaan.

Neto'te 31:2

Yakob yen yen nà, mba num se Laban, njen ndù a ke' bèn mbe num i à mb'a be mbwe là.

Neto'te 31:4

Yakob ghù bo tsiaṅ Rashél bo Léa ndù bo se' ntèl i mbaṅ mbwe mà tshwèt.

Neto'te 32:10

Me kag neshu num njoṅ mfu' fa mi o fà me, me ze me be nkuan o là. Nummbe me lo dut Yordan bag kôg sàm, ndonni me tshwèt ngabte ben tshàm nkam mbàa.

Neto'te 32:5

A ghù nyàmna', nkekwène, mbwe, ghafa' tse bandum boa tse bènnzwi; a bèn ntum bo se' nsoṅ o ndù o ko ndèn mi.

Neto'te 32:9

Yakob le'te Nsi ntshob ndù: Nsi tàa Abraham, Nsi tàa Isak, wù Tshùaben lo tshob me ndù: Bèn njam ntùm ngô dù' ze bo bwe o là, me nsi ghù mebwô wù!

Neto'te 35:1

Nsi tshob Yakob ndù: Lo tù nko' nèn Bétél ntswe bwe; tsho bwe mbom tômbwôg le'te Nsi z'a na' ṅwag wù ndùs'o ke nkù mfèl o Esau là.

Neto'te 35:3

Bag bin nsi lo ko' nèn Bétél; me nsi tsho bwe bom tômbwôg le'te Nsi z'a na' nju' nz'àm ngelaṅ nge' là; bag yi lo ke mbe num njoṅ ngelaṅ fa me be tshwèt nkatte là.

Neto'te 50:24

Yosèf tshob fèt tse ndù: Me nsi kwù! Là Nsi a' lôte zine, ghù bin tum mà ntùm yen ngô li nko' nèn ntùm ngô z'a na' nsaṅlaṅ bwe fà Abraham, Isak mba Yakob là.

Yobkwi 46:1

Ntshagte yobkwi. Se bon Koré. Ntùm medub màndô. Yobkwi.

Yobkwi 50:15

Tsiaṅ àm mum lé'njù nge'; me nsi yôg o, o ke ngamt'àm.

Yobkwi 90:15

Fà lé'njù tsiaṅte bag à be njoṅ z'o na' mfà lé'njù laṅte bag là. Mfà ngu'njù bag be njoṅ ze bag ghù ntùm nge' là.

Netume 3:12

Nsi bùnte ndù: Bag wù nsi ke be; tshù keki z'a tshwèt nda'te mbe me bèn ntum o li: Ndùs'o nsi ghù nzwit mèn àm tum Egipto là, bin à bo nsi ghamt'àm num yen mbat li.

Esaya 41:10

Kà bwôg sàm ju, nummbe bag wù bèn mbe. Kà ke ma' miag ngabwôg, nummbe me b'a Nsi o. Me so neta num o, me se' ywimt'o; me lo' bu àm ze tshùa ntsho ze zwim ntomt'o yi.

Héber 13:5

Kà nkôni nkàb tô nkwate zin, là bin tsiaṅte num ju ze bin ghù là, nummbe tu wut Nsi tshob ndù: Me ke nsi faṅ o, me ke nsi ghua' o.