Neto'te 30:1 - NTSHOB NSI

¹ Rashél yen mba bo Yakob ke' bwe mén nà, nto' nete miag lànghe' num mfèl i Léa, ntshob Yakob ndù: Ghù me bwe bon bandum, ntag ndùlala mba m'a' kwù.

Neto'te 30:1 Iomraidhean Croise

Neto'te 29:31

Tshùaben be yen mba bo me'te Léa là, ngù a lét; là Rashél be kebwe.

Neto'te 37:11

Fèt tse te miag ghe'te num i, mbàn i ntshùate; là tàab yab njoṅ tshen nu là fa ntù i nke nkwimte.

1 Fenfen 19:4

Tu wul i nèn nkum kônkwa, ndù a zin ta' lé'njù, ntswe nsi tun netshùm, mbètte vùkob, ntshob ndù: A ku' ndùlala. A bwô ndù Tshùaben lo' zwiag sàm ndonni, nummbe me ke' b'a mèn mebwô ntshùa tà tshàm.

ṄWA'NI YOB 13:19

Mèn bwe z'a diag neta ntshu num àm nà ké? A be ndùlala mba m'a' tswe ntshu mi'i, nkwù tshàm.

ṄWA'NI YOB 3:11

Numke me na' mbe ke kwù bam màa à? Numke me na' mbe tum tun i ke yoṅ nkwù à?

ṄWA'NI YOB 5:2

Nkagni be mbi ntùm yantù i, mbabun nke nkwù ntùm tse vôgte.

Yobkwi 106:16

Bo la'te ntùm kaṅ dù' ze bo be là ndù bo ghù ntù ghe'te num Mosé. mba Aron, mèn nelàn Tshùaben.

Tànkùt 14:30

Ntù nebétni b'a yôg wut mèn, là ghe'te b'a nyu' z'a ntùm mvôg là.

Tànkùt 30:16

Ngô fe ben, mènnzwi z'a ke' bwe là, tsha' ts'a ke ngwag ntse à newag là bo mbwôge, nummb'a ke' be tshob ndù a ku'u!

Nzenu 4:4

Me num ndôte yàm njoṅ mfa' fa, boa bin ze bo num ngù bwe là, njen ghe'te ze tsemo' ben num ngù num tsemo' là, ntshob ndù njoṅ i fa b'a banban mbèn mb'a neghom mfùag.

Nesiaṅe 11:15

A bwô nezwi àm yoṅ ntshù' ntshùa neghù num àm ndùlala. A be ze me b'a ngafen mbwe o là, o ghù me ndùlala, ntshùa neghù me nke njen nge'.

Nesiaṅe 11:29

Mosé tshob yi ndù: O tù' bèn nja ntù num yàm tu ké? Njoṅ benntùn fa lo ntù' ghatshob ntshob Nsi, mba Tshùaben so ywèt tse num bo.

Yohané 4:3

a tum Yudéa mbèn njam mà Galiléa.

Yohané 4:8

Nummbe ghazi'te nu i lo nèn ntùm ngô jun jujù.

1 Korintô 3:3

nummbe bin ke' à ben mbàb wut. Tshù, ghe'te mba ntsha ke' netèt bin; bin ke b'a ben mbàb wut ké? Bin ke ke nzin à num ze mat mènntùn ké?

2 Korintô 7:10

Nummbe ngùtni z'a b'a num ze nekô Nsi là num njam nekaṅ ntù num yôg se bo ke' be tshàm nà, là ngùtni z'a b'a ze njù là, num njam vù.

Galatia 5:21

miag ghe'te, nebum ndu', nejù yàme, mba tsemo' tshu ts'a fute tshen ni là; me bwôgmbwe ntshob bin, me lo à to' tshob bin ndù ben tse bo num ngù lèn tshen tshu li là ke nsi ghù yub bag i ntùm nufen Nsi.

Titô 3:3

Nummbe mba be na' mb'a kagni mo' ngelaṅ, ghakeju' ntshu, ben tse bo fùte yub là, kuan ghe'te mba ngùa nzenze, nke njôg ntùm nukebwô mba ghe'te, ben newage, nke mbàn wut be, be be.

Yakobo 3:14

Là, a be ze bin ghù ghe'te nezwe mba ntsha ntùm ntù tsin nà, kà bin ta' nsoṅe, ke tshob tatte num nunenùne.

Yakobo 4:5

Bin kwate ndù ṅwa'ni ke ntshob à banban ndù: A num nge'te Ywèt ts'a yab num be là ntùm ghe'te ké?

1 Samuél 1:10

A le'te Tshùaben, ndù zwe dun ntù i, mfètte ntsenyà yàme.