Neto'te 3:6 - NTSHOB NSI

⁶ Mènnzwi yen ndù tàm tù bwô nejù mba neyene, nta njoṅ, nke nga' nze zenu. Ndùlala, a lo' tàm se njù, mbèn mfà mba se ndu i z'a be mbaṅ i là, a jù.

Neto'te 3:6 Iomraidhean Croise

Neto'te 3:12

Mandum bùnte ndù: Mènnzwi z'o yab mbaṅ àm nà fà tàm tù me, kà me njù.

Neto'te 3:17

Tshùaben Nsi se' num mandum ntshob ndù: Mb'o ju' ntshu nzwi o, njù tàm tù se me na' ntshù' o yi là, ndon tshùa num tu o ntsho num tsha'a. O nsi ke sô yu ju neyôg yi bw'a ntùm nge' yàme, ndùlala num njoṅ lé'njù yôg so fa.

Neto'te 39:7

Tshen nu li lo be tôge, nzwi tàfa' Yosèf te lag num i, ntshob ndù: Be be!

Neto'te 6:2

bon ba mfetù yen ndù ngonngon benntùn bwô yube, ndùlala bo lo' ts'a bwô yub là.

2 Samuél 11:2

A be mo' mfetnjù, David lo num kunndà se; ndùs'a ke nkatte num tuba' fen nà, a tsin njen mo' mènnzwi a nke nsôg wul i, ndù a bwô num se i neshu.

1 Fenfen 13:19

Mèn Nsi bèn njam bo ngatshob ntshob Nsi, njù bàn, nu ntse ndà i.

ṄWA'NI YOB 31:1

Me lo wat kàn bag miag màm, mbe ndù be me ke lôte ménngon bo ke' yoṅ ntabt'é là miag mbàa.

Ezékia 24:16

Mén mèn, m'a' lo' vù nkwé nshun yôg o z'a be ngù ntù o ṅwate là yi. A ke' bwô ndù o làn wul o, kà kua', kà ntsenyà tum tu o.

Ezékia 24:21

Tshob tunndà Israél ndù: Tshù mba Tshùaben Nsi tshob là li: Tshù, m'a' sagte dù' àm ze nelàne (mbwe' àm) dù' ze ka'te zin neta be mfe là, dù' ze bin be nte miag bwe nke ntsiaṅte là, dù' ze bin be nkô neshu là. Bon tsin tse bandum boa tse bènnzwi tse bin nsi faṅ bwe nèn nà nsi kwùt'a num ntshùag ṅwi.

Ezékia 24:25

Wù mén mèn, lé'njù se me nsi lo' ju ze yub neta be mfe bwe, tsiaṅte yub bo ka'te yub, ju ze bo be nte miag mub num bwe, nke nkô i neshu là boa bon tshob tse bandum mba tse bènnzwi là;

ṄWA'NI OSÉ 6:7

Bo lo fàn kàn ngelaṅ ze bo tsho ntùm ngô Kanaan nà. A bwe là ze bo na' nga àm nà.

Matio 5:28

Là, tu wul àm, me tshob bin ndù: Mèn z'a lôte mènnzwi, nge't'é là, mb'a ghù màndà bo yi ntùm ntù i.

1 Timôtio 2:14

Bo lo ke tatt'a Adam, là mènnzwi ze bo tatt'é là lo vù ntùm mfànnu.

Yoshua 7:21

Me lo yen mo' kummbaṅ mebwô ntùm ntsha', lèn s'a fe Shinear là, boa ndô nkàb silba nkù bàa, ta' tu' gol nguan ndô nkàb ṅam ntàn. Me lo ghe'te tshen tshu là ndo'o. Me lem tshen tshu là ntùm tsha' tètndà àm netèt ntàb àm, silba b'a bam kummbaṅ.

1 Yohané 2:16

Nummbe njoṅ tshu fa ts'a be ntùm njù là, ghe'te mbàb wut, ghe'te miag, ko'tewut ntùm yôg, ke fe à Tà, a fe à njù.

Ghasa'kame 14:17

A nke nkua' mbaṅ i num lé'njù sammbàa, njoṅ ze jùa tswe là; a be mbatte lé'njù sammbàa a bagte ntun mi yi, nummb'a lo tshu ntù i neshu. Mènnzwi là fà mbagte ntun tànkùt bon ngô i.