Neto'te 3:19 - NTSHOB NSI

¹⁹ O nsi ke kwiaṅ ze'ni se o kà ghù ju z'o jù là, ndùlala tà nkum ndùs'o bèn njam mum tsha' là, nummb'a dù' ze bo lo' o bwe là. Tshù, o b'a mbabe, mbe ndù o nsi bèn tù' mbabe.

Neto'te 3:19 Iomraidhean Croise

Neto'te 18:27

Abraham bèn ntshob ndù: Me ze me be mbabe, mbe bwembwôg là fèn ntù netshob nu Tshùaben àm.

Neto'te 2:7

Tshùaben lo' tsha' mbom mèn yi, mfùag ywèt yôg ntùm mfaṅ ntselag mi, mèn tù' mènntùn.

Neto'te 23:4

Me b'a ngùn, nke ntswe netèt bin; bin fà dù' tsha' me, me tswe' fi nzwi àm bwe, ntshoṅ fe i bwe ndù a lo num miag màm.

Neto'te 3:18

Njô boa kwékwénàndô nsi bit num tsha'a, o ke mfèt nenà.

Neto'te 5:5

Adam lo tswe ngu'njù bon tat nkù bwe'e, nkwù.

ṄWA'NI YOB 1:21

ntshob ndù: Me na' ntum bam màa mbumbu, me nsi bèn ntùm tsha' à mbumbu. Tshùaben lo fà, Tshùaben bèn nkwé; lén Tshùaben b'a be neghamte!

ṄWA'NI YOB 10:9

Kwimte ndù o lo bom àm à mba tsha' nete kab yi là. O bèn nkô nelo' àm nkaṅ à mbab yi ké?

ṄWA'NI YOB 19:26

A' lo nsi ndùse ngub àm nsi bi fa tsho'te là. M'a' yen Nsi ndùse mbàb àm nsi sàmte là.

ṄWA'NI YOB 21:26

Ntu tshob bàa fa ke nèn à be ntùm tsha'a, ntu tshob bàa fa num ntù' jujù ywèt.

ṄWA'NI YOB 34:15

mb'a be benntùn kwùt'a be kua' ndùse. mb'a be mènntùn bèn ntùm mbabe.

ṄWA'NI YOB 4:19

A nsi tù' b'a ndùke num ben tse bo num ntswe ntùm wut ben tse Nsi lo' à tsha' nabte yi l'à? Be tum à ntùm mbabe, ndù bo ghù negho' be nku mba ta' ndô mbé' là.

Yobkwi 103:14

A lèn ju z'a nabte be yi là, a kwimte ndù be b'a mbabe.

Yobkwi 104:23

Yen ngelaṅ nà mènntùn tum nèn se fa', mfa' se fa' tà nkum mfetnjù.

Yobkwi 104:29

A be z'o lem se o là, mba bo a' biagte yube. O be nsô zwiag num bo, bo kwù, mbèn njam ntùm mbabe.

Yobkwi 127:2

Bin ke ndo nsi mà nkebnjù à banban, bin ke mbe zi nsèn à banban, nke njù bàn zwe à banban; a be mfà bàn ben ts'a be nkô yub là ntùm miaglo be ndaṅndaṅ.

Yobkwi 22:15

Me be à mba ntse mi a tshwèt nswe' là, mvôg màm kamte. Ntù àm be à mba nyiaṅṅwa' là. A be njag ntùm bam sàm.

Yobkwi 22:29

Nummbe nu nesa' fen b'a ze Tshùaben. A be ntô njoṅ ngôngô fa.

Yobkwi 90:3

O lo ghù benntùn bèn ntùm mbabe, o be ntshob ndù: Bon mèn nyiaṅtu, bin bèn mbène.

Tànkùt 21:16

Mèn z'a kag manze nezete ntsin ngùanesà là, nsi ghù ze dù'ntswe à ntùm mbumte fe ben.

Nzenu 1:13

Me lo' ntù àm nèn tsham yi, mbèn ndo' nkwate siaṅte mba bon tshu num nke ntôge tun bam kamànyam nà. A b'a kua' fa' ngùtni là ze Nsi fà bwoṅ benntùn nyiaṅtu ndù bo ke njen nge', mfa' mebwô là.

Nzenu 1:3

Bin ze be mènntùn nyiaṅtu jù num njoṅ mfa' fa mi a be njen bwe bam kamànyam nà b'a ke?

Nzenu 12:7

Bwôgmbwe nkwimte Mbom o kà mènntùn z'a be mbab là bèn njam ntùm tsha'a, z'a to' tum bwe là, kà ywèt bèn mbèn njam ntèt Nsi z'a to' fà i là.

Nzenu 3:20

Njoṅ yub fa ke nèn à dù' ntshù', njoṅ yub fa na' ntum à ntùm tsha'a, njoṅ yub fa nsi ghù bèn bèn njam ntùm tsha'a.

Nzenu 5:15

Mba yen nà bèn mb'a be nu ke ze i mba be mèn fe nse' mi là; ze bin mfa' mi a fa' là b'a ke?

Daniel 12:2

Mbe' yàm ben tse bo tshwèt nzi mum ngô mbab là nsi bame, tsemo' bam num yôg matmat, tsemo' bam num tuswe bo nge' matmat.

1 Korintô 15:47

Mbwe mèn ze bo nabt'é tsha' là b'a ze nsitsha'a, mbatte mèn b'a ze mfe kamànyam.

Efésô 4:28

Kà mèn z'a be njé là bèn neyi, a bwô ndù a fa' fa' mbu mi, ngù ju mebwô ndù a ywimte mèn z'a bwoṅ yi là.

1 Tésalônikà 2:9

Fèt tshag, bin kwimte fa' sage, mba ngùtni yag: Bag lo be tshob nkùn mebwô Nsi bin, nke mfa' tèttswe' mba mbwôgtshù ndù kà bag be lèt sàm mèn netèt bin.

2 Tésalônikà 3:10

Nummbe ngelaṅ bag na' mbe la' bin nà, bag lo tshob yen ni bin ndù: A be ze mèn ke' kô nefa' là, k'a nebèn njù ju.

Héber 9:27

Mb'a be ndù benntùn be nkwù yoṅ ntshù', ntù' ke mbéb à netsho'te ntsha là,