Neto'te 3:16 - NTSHOB NSI

¹⁶ Tshùaben Nsi tshob mènnzwi ze ndù: M'a' kwi'te tsho nge', nkwi'te tsho nge' ndùs'o be jùm nà; o nsi bwe bon à ntùm nge' yàme; ntshàmntù nsi ke lo' o nèn yi mbaṅ ndu o, tu wul i ke ntô o.

Neto'te 3:16 Iomraidhean Croise

Neto'te 4:7

O lo ngù mebwô mb'o ke' bù' tu o tù ké? L'a be z'o ke' ghù mebwô là, mba nukebwô ke là nzendà ndù a nô bwe ké? A tshwèt nkwabt'o, a bwô ndù o tô i.

1 Kronika 4:9

Là, benntùn na' ghamte Yaebék ntshùa tsemo' fèt tse. Màab na' mbèn ntswi lén se ndù Yaebék, nke ntshob ndù: “Me bwe i à ntùm nge'.”

Esta 1:20

Ndùse ntshù' mfen nsi zin ntùm mà zi nufen se là, njoṅ bènnzwi fa nsi ku'ni du tshobe, neto' num tse ndùb nèn nkum num tse nke'e.

Yobkwi 48:6

Bo lo yene, nu lo tshùa yube. Bo lo bwôge, bo lo kù nène.

Esaya 13:8

Bwôg ghom yube, ntànntàn tshùb bam sobe, ya mem yube, bo nke ndù' wut yub mba mènnzwi z'a tshwèt ndùbte là. Bo tshwèt nke ndôte wut tshob bo bo, miag mub nke mba tu bo.

Esaya 21:3

A ndùlala ya keb zwe' àm, nge' tshùb àm, ngom àm à mba lèn z'a be ngom mènnzwi ndùs'a tshwèt ndùbte là.

Esaya 53:11

A nsi lôte ntàm mfa' mi, dun tsiaṅte. Mèn netsine, ngafa' àm, nsi ghù benntùn yàm be ben netsine, njam nelèn ze bo lèn i yi là; tu wul i nsi ket mfànnu mube.

Yérémia 13:21

Bin nsi tshob à mbe ke ndùs'a nsi so ntsha tu bin n'à? A be tu wut tsin na' mbèn ntswite yub netù' tàfa' tsho, netô o ndùlala là. Ya ke nsi kab mbu num bin, ndaṅndaṅ mba ze mènnzwi be ngù ndùs'a tshwèt ndùbte là ké?

Yérémia 22:23

Wù z'o be ntswe num Liban, nte nkàn o ntùm sédra là, o nsi tsham zwe à ndùke ndùse ba ya nsi kab mbu num o l'à? Tshen ya là nsi fute tse mènnzwi be ngù ndùs'a tshwèt ndùbte là.

Yérémia 4:31

Me ju' nkua', a fute nkua' ta' mènnzwi z'a tshwèt ndùbte là, nkua' nge', a fute mi mènnzwi z'a yôg nto' se bwe ngon nà. Men nà b'a nkua' ba Yérusalém. Bo tshwèt ntsham zwe, ndù bo tshag mbu mub tù, nke ntshob ndù: ghayennge' mba bag là, bag vù nsi mbwe ghazwi benntùn.

Yérémia 49:24

Ba Damas vù nsi, bo kaṅ wut nke nkù, fétwut ghom yube, nge' boa ba ya ghom yube, mba mènnzwi z'a tshwèt ndùbte là.

Yérémia 6:24

Ba Yérusalém tshob ndù: Tshu'te yub be njoṅ mbe ghebte mbu mag yub, nge' tsho yage, mba lèn ya ze mènnzwi be ngù ndùs'a tshwèt mbwe là.

Nesiaṅe 30:13

Là, a be ze ndu i tshob ndù a gha be num lé'njù z'a ju' là, mba yen nu là, z'a bam nà nsi b'a banban, ndu i gha yen nu là mba Tshùaben ke nsi bètt'é sàm nu bwe.

Yohané 16:21

Mènnzwi num mb'a ntùm zwe ngelaṅ z'a tshwèt mbwe là, nummbe ze ngelaṅ ku'u. Là ngelaṅ z'a bwe là, a ke bèn nekwimte nge', num tsiaṅte mba mènntùn se' ntùm njù là.

1 Korintô 11:3

Là me kô bin lèn ndù tu mba zit mandum no b'a Kristô, tu mènnzwi be mandum, tu Kristô be Nsi.

1 Korintô 14:34

a bwô ndù bènnzwi mi ntswe ntùm ntse'te benkristô, nummbe bo ke' bam bo ndù bo tshob sàm nu, là, a bwô bo ju'ni ndaṅndaṅ mba ntshù' num ntshob là.

1 Korintô 7:4

Mènnzwi ke bèn ngù wul i, là, a b'a ndu i; be ndaṅndaṅ mandum ke bèn ngù wul i, a b'a nzwi i.

Kolosé 3:18

Bènnzwi, bin ke nju'ni du tsine, mb'a ku'ni là, num Tshùaben.

1 Tésalônikà 5:3

Ngelaṅ ze bo nsi tshob ndù: Fite mba la' be tshaṅ nà, be ndùse nebagte nsi se' num bo ndende mba ya nebwe be nse' num mènnzwi jùm nà, bo ke nsi kù kà tume.

1 Timôtio 2:13

Nummbe Nsi na' mbwôg nabt'a Adam, mbatte Eva.

1 Timôtio 2:15

Là, a nsi tshùa njam nebwe bon, yôge, a be z'a ghô ntùm bamntù, ntùm nkôni mba ntùm nelàne, ngù zenu là.

Titô 2:5

mba ndù bo be ghazenu, ben nelàne, ghafa' ntùm ndà, ben mebwô, ghaju'ni du tshobe, ndùlala ndù kà ntshob Nsi vù ntùm tshabte.