Neto'te 3:15 - NTSHOB NSI

¹⁵ Me nsi yab nkembàn netèl o bin mènnzwi, netèt nzwil o bo ze nzwit. Nzwil i nsi ke nya' tu o, tu wul o, o ke nya' i, tshôg tun ku i.

Neto'te 3:15 Iomraidhean Croise

Neto'te 49:17

Dan nsi be nyu num manze, mbe swenyu num ntshagnze; a nsi ke tshôg tunku nyàmdiaṅ ze ngako' i nsi tum tam nsi njam njam nà!

Yobkwi 132:11

Tshùaben lo tshob nsaṅlaṅ bwe David; a b'a nenùne, a ke nsi gha yen nu là. Me nsi lo' mén à num mèn z'a tum zwe' o là kà yab num ko'fen s'a be so là.

Esaya 53:12

A ndùlala, me nsi fà ze dù' boa ben ndùbndùb. A nsi ghabte ntsha' boa ben neta, nummb'a lo fà wul i vùkob ze tu, bo bèn njab i netèt ben kebwô, nummb'a ket nukebwô benntùn yàme, mbèn nke mbu' mbu Nsi num tu ghavù ntsha.

Esaya 7:14

A ndùlala ze tu wut Tshùaben nsi fà ta' nsa bin nà. Tshù nsa mbit li: Ménngon nsi be jùm, bwe mén mandum, tswi lén se ndù Emmanuél, yen nà bagt'a ndù: Bag à bin Nsi bèn mbe.

Yérémia 31:22

Bin b'a mba ngon z'a bi là, bin nsi ke tsha be netsha tà nkum à ndùke? Nummbe me Tshùaben nabte mo' nu nswe num nsitsha'a. Mènnzwi nsi diag ndu i.

Daniel 9:26

Ngabnjù ntshob bàa ṅam ntôg nsi be tshùa bo biagte ta' Ngayo' z'a ke bèn mbe là. Mbe se' mba ngô bo mbwe' là, nzwit mo' mfen z'a nsi se' là nsi sate yube. Ze nemiagte nsi b'a mba ntse nedun nà. Nsi jù' ndù nesate bo ntsho nsi be tà kum num miagt'é.

Amos 9:3

Bo lem be mfe tu mbat Karmél mba me nsi diag yub bwe tshùb yube. A be ze bo lo num miag màm, nèn bam dibantse là, mba me nsi tshob nyu ntse a tshôg yub bwe.

Mika 5:3

A nsi lo tù tshagte bwoṅ ben tse ntùm neta Tshùaben, num ghamte lén Tshùaben Nsi i, dù'ntswe yub ke nsi kamte. Nummbe ze netô nsi nèn tà kum num ntôg njù.

Matio 1:23

Tshù, ménngon nsi be jùm, bwe mén mandum, bo tswi lén se ndù Emmanuél, yen nà bagt'a ndù: Be à Nsi bèn mbe.

Matio 1:25

Là, a ke lèn i tà nkum ngelaṅ z'a na' mbwe mén mandum, a tswi lén se Yésu là.

Matio 12:34

Nzwit ngamnyu, be bin ben kebwô ku'ni netshob numebwô à ndùke. Nummbe ju z'a dun ntùm ntù mèn nà, ntshu ke ntshob à be yi.

Matio 13:38

Nà b'a njù; nzwit ju mebwô b'a bon nufen Nsi; nzwit ju kebwô b'a bon mèn kebwô.

Matio 23:33

Ba nyu, nzwit ngamnyu, be bin kù nevù ntsha z'a ma' zin ntùm dù' mbwôg l'à ndùke?

Matio 3:7

A be yen mba ba Férésia mba ba Sadukai yàm tshwèt nse' num kwéntse là, ntshob bo ndù: Nzwit ngamnyu, we bèn ntshob bin ndù bin kù yantù z'a nsi se' l'à?

Marko 16:18

Bo nsi ke ghom nyu mbu; a be ze bo bèn nu mba tsheb là, mb'a ke ghùtni yube. Bo nsi yab mbu mub num ghangokèt, bo yate.

Lukas 1:76

Wù ménfi, bo nsi ke tsiaṅ o ndù ngatshob ntshob Nsi mfe tù, nummbe o nsi ke nzin mbwe Tshùaben, num nenabte manze tse;

Lukas 10:19

Bin ju'u, me lo fà ngù' nenyiaṅ nyu nku, nenyiaṅ nenya'tshum mba netshùa neta ghakeban bin, ndù kà sàm ju ghùtni zine.

Lukas 22:53

Njoṅ lé'njù fa, bag à bin lo ke mbe ntùm Ndà Nsi, bin ke nyit mbu num àm, là, a zin nyam ni, mba neta njame.

Lukas 24:27

A to' num Mosé nèn nkum num ghatshob ntshob Nsi fa, ntote njoṅ nu fa tse bo kite mfà num i là bo.

Yohané 8:44

Bin ghù tà zin z'a b'a Satan nà, a tse nekô tà zin nà tse bin tshwèt nkô neghù a bumte là. Yen mèn nà b'a ngazwimèn fe neto'te, a lo ke to' tsin ntùm nenùne. Nummbe nenùn ke' be num i. A num mbe ngelaṅ z'a tshob tatte là, a tshob à be kua' ju z'a be yi là, nummbe a b'a ngatatte, mba tà tatte.

Mfa' Ghantum 13:10

Ngankùnkù mba ngatatte, mén Satan, ngakeban njoṅ nunetsin fa, o ke' ku' nefaṅ ke bèn nebagte manze Tshùaben ts'a b'a tse netsin nà ké?

Roma 16:20

Nsi fite nsi gho' Satan tun nku min ndende. Kondèn Tshùaben Yésu Kristô be njoṅ zin fa. Amén.

Roma 3:13

Nzetô yub b'a fi s'a te nge là bo be ndo' lém sob mfùte benntùn yi,

Galatia 4:4

Là ngelaṅ lo ku'u, Nsi tum Mén i, ze mènnzwi bwe i là, ze bo bwe i tun ntshù' là,

Efésô 4:8

A ndùlala, bo tshob ndù: A lo be ko' nèn mfe tù ndo' ghandàtsha ts'a ma' yub ndàtsha là, a lo fà tshu benntùn.

Kolosé 2:15

nsô neta num ba netô mba ba ngù', ma' tuswe tu bo num miag njù, mb'a tshùa yub num i là.

Héber 2:18

Mba bo na' ndaṅte tu wul i ntùm nge' z'a na' njen nà, a ku'ni neywimte ben tse bo laṅte yub là.

Héber 5:7

A lo be ntùm lé'njù mbàb wul i, a fà nde'te Nsi mba le'te boa nekua' neta mba ntsenyà mèn z'a ku'ni neyôg i num vù là, Nsi lo ju' le't'é', nsô i ntùm lab wut.

1 Yohané 3:10

Yen nà be ngù bo lèn bon Nsi mba bon Satan. Mba we lo z'a ke' be ghù nunetsin nà ke' fe à Nsi, ke mèn z'a ke' be kô mfèl i là lo.

1 Yohané 3:8

Mèn z'a be ngù nukebwô là fe à Satan, nummbe Satan be ngù nukebwô fe neto'te. A ndùlala Mén Nsi lo se' ndù a bagte mfa' Satan.

1 Yohané 5:5

Mèn z'a tshwèt ntshùa njù là b'a we? A ke b'a mèn z'a bam ndù Yésu b'a Mén Nsi là ké?

Apokalipse 12:17

Ngamnyu ya ntù mènnzwi nèn ma' nzwil i z'a tù' là ntsho, ben tse bo num nze ntshù' Nsi, ngù kwénta Yésu là.

Apokalipse 13:7

Bo bam yi ndù a ma' ben nelàn ntsho, ntshùa yube, bo fà ngù' yi num njoṅ tunndà fa, njoṅ nzwit fa, njoṅ ntshob fa, mba num njoṅ ngô fa.

Apokalipse 2:10

Kà bwôg nge' ts'o nsi yen nà. Tshù, Satan nsi ma' tsemo' ben netèt bin ntùm ndàtsha, ndù laṅte se' bin; bin nsi yen nge' ntùm lé'njù gham. Be mèn nenùn tà nkum lé'njù vù, tu wul àm me nsi fà tshe' yôg wù.

Apokalipse 20:10

Bo ma' Satan z'a ke ntatte yub là ntùm lagmbwôge, mba zin, dù' ze nyàm mba ngatshob ntshob Nsi ze tatte na' njà be là; bo nsi ghùtni yub mbwôgtshù mba tèttswe' num ngu'ngu'.