Neto'te 28:5 - NTSHOB NSI

⁵ Isak tum Yakob Padan-Aram a nèn la' Laban, mén Bétuél ze Aram. Laban b'a mfèt Rébéka, màa Yakob bo Esau.

Neto'te 28:5 Iomraidhean Croise

Neto'te 22:23

Bétuél bwe Rébéka. Tshen benntùn fom ni b'a tse Milka na' mbwe Nakor, mfèt Abraham nà.

Neto'te 24:54

Bo jù mbèn nu, yi mba benntùn tse bo se' tshag i là, mbèn nzi. Njù làn, bo lo nsi, a tshob ndù: Bin faṅ me nèn ju tàfa' àm.

Neto'te 25:20

Isak lo ghù ngu'njù ṅam nkuà kà nso nzwi i Rébéka ngon Bétuél ze Aram mà Padan-Aram bo Laban ze Aram, mfèt Rébéka.

Neto'te 27:43

Ndonni, ju' ntshu àm ndo nsi nkù nèn la' mfèl àm Laban mà Karan me nshum àm.

Neto'te 28:2

Lo nsi nèn Padan-Aram, tunndà Bétuél tà màan, ndiag yu mènnzwi netèt ngonngon Laban, mfèt màan.

Neto'te 29:1

Yakob tam manze, nèn ntùm ngô bon bag ntumnyam.

Neto'te 29:12

Yakob soṅ Rashél ndù a b'a mfèt tàab, mbe nshum Rébéka. Rashél kù nde nèn ntshob tàab.

Neto'te 31:24

Là Nsi ṅwag Laban ze Aram mum njem tèttswe' ntshob yi ndù: Zete netshob mebwô ke kebwô lo num Yakob.

Neto'te 35:27

Yakob zin nkum mbaṅ tàab Isak Mamré ze bo be mbèn ntsiaṅ ndù Kiriat-Arba ke ndù Hébron no là. A b'a dù' ze Abraham mba Isak na' ntswe là.

Ezékia 27:16

Bin ngô Siria lo ke nta ntàne, a nke ndo' mbwômbwô nzwe nevèn boa ndoṅ tanjoṅ njun tshu wù yi.

ṄWA'NI OSÉ 12:12

A be ze Galad b'a ju banban nà, mba bo nsi biagt'é. Bo tshwèt nton ba mfô mà Guilgal. Ndùlala ntômbwôg le'te Nsi mub nsi tù' mba tse ndoṅ nà, num ngônà ts'a fèn nà.

Nebwôgte 26:5

O nsi bèn tshob mbwe Tshùaben Nsi o ndù: Tàa na' mb'a ze Aram, ngakag nyàm. A lo swe' nèn Egipto nte bwe. Ben tse lo ke yàm. Là, a tsho bwe njàm kà ntù' b'a ngô ndùb, ben neta, ndù bo yàm neshu.