Neto'te 28:4 - NTSHOB NSI

⁴ A bwô ndù a yab kàn wù bin nzwil o ndaṅndaṅ mb'a na' njab kàn Abraham nà, nedù ngô z'o be ngùn ntùm bwe ndù a lo fà Abraham nà tù' yu.

Neto'te 28:4 Iomraidhean Croise

Neto'te 12:7

Tshùaben se' ntèt Abram ntshob ndù: Me nsi fà yen ngô li nzwil o. A bom tômbwôg le'te Tshùaben bwe, Tshùaben z'a se' ntèl i là.

Neto'te 15:8

Abram tshob ndù: Tshùaben Nsi, me lèn à ndùke ndù me nsi ghù yen ngô l'à?

Neto'te 27:33

Ndùlala Isak to' nevètte kua' yàme, ntshob ndù: K'a b'a kua' we z'a se' mfà mbàb z'a tam nà m'à? M'a fèt njoṅ i fa njab kàn yi, k'o njôg nse'e. Tshù, sen kàn nà ghô num i.

Neto'te 37:1

Yakob tswe ntùm ngô Kanaan, dù' ze tàab na' ntswe là.

1 Kronika 29:15

Bag be num miag mu à mba ba ghùn nà, mba ghatshùanze, ndaṅndaṅ mba tà tshag là; lé'njù tshag ke ntshùa à mba netshaṅ nà, sàm mèn ke ku'ni nekwimte.

Yobkwi 39:12

O be ntshobte mèn, naṅ ntsha tu i num mfànnu mi. O be mfèt ju z'a tanjoṅ yi là ndaṅndaṅ mba bangùa be mfèt tshu là. Ṅ, mba zit mèn no b'a mba ywèt ntshu là.

Yobkwi 72:17

A bwô ndù lén se be njoṅ ndù fa. A bwô ndù lén se be njoṅ ndù fa ze lagnyam ke' ntum nà; benntùn nsi tshùa njam i yab kàn bo bo. Njoṅ ngôngô fa nsi tshob ndù a b'a mènfen.

Netume 6:4

Me lo bèn ngwat kàn bag à bo, num nefà ngô Kanaan, ngô ze bo be kù ntswe ntùm bwe, ndù bo lo tswe ntùm bwe là.

Galatia 3:14

ndùlala ndù mbotni Abraham se' num ghakelèn Nsi njam Yésu Kristô, mba ndù bag à bin kwé nka'ni Ywèt njam bamntù.

Galatia 3:8

Ṅwa'ni Nsi lo bwôgmbwe njen ndù Nsi ghù ghakelèn Nsi tù' ben netsin ntùm bamntù, a ndùlala, a lo bwôgmbwe ntshob yen nkùn mebwô là Abraham: Njoṅ ngô njù fa nsi ghù mbotni à num o.

Efésô 1:3

Ghamte be Nsi mba Tà Tshùaben be Yésu Kristô, z'a naṅ njoṅ mbotni Ywèt fa ts'a mfe kamànyam nà num be, num Kristô là.