Neto'te 27:41 - NTSHOB NSI

⁴¹ Esau tam njam Yakob mum yantù i, num nu kàn se tàab yab yi là, ntshob ntùm ntù i ndù: Tse lé'njù tàa ghebte, ndùlala me nsi zwi mfèl àm Yakob ndùse tàa nsi kwù là.

Neto'te 27:41 Iomraidhean Croise

Neto'te 27:42

Bo nèn nsoṅ Rébéka nkwate Esau, z'a be tuswe i là. Rébéka tum bo nèn ntsiaṅ nshum i Yakob, ntù'njam, a tshob yi ndù: Tshù mfèl o Esau là z'a tshwèt ndiag neyagte mba' wù, nzwi o là.

Neto'te 32:11

Netsho'o, kwé àm bu mfèl àm, bu Esau! Nummbe me tshwèt mbwôg ndù k'a se' mbiagte yage, ke faṅ mà ke bon no.

Neto'te 32:3

Yakob tum benntùn mbwe i, mbaṅ mfèl i Esau, mà Seir, ntùm ngô Edom.

Neto'te 32:6

Ben tse Yakob tum nà bèn njam ntshob yi ndù: Bag nèn mbaṅ mfèl o Esau; tshù i là z'a tshwèt nse' bin yi bumte boa benntùn nkù kuà là.

Neto'te 35:29

A kwù, bo tshoṅ i mbaṅ ze nzwit mèn ndù a ywène, ngu'njù tse yàm neshu; bon tse, Esau bo Yakob tshoṅ i.

Neto'te 37:18

Bo tsin njen i ngùanesà; a be zin kum mbaṅ bo ndù bo à nabte netèt bo nezwi i.

Neto'te 37:4

Fèt tse be yen mba tà yub ke nkô i ntshùa njoṅ yub fa là, nto' nebàn i. Bo ke bèn ndo' ntù nkôni ntshob nu yi yi.

Neto'te 37:8

Fèt tse tshob yi ndù: O nsi ghù sa' yag ké? Ndù o nsi ghù tô yag ké? Bo bèn mbàn i mo' yoṅ i num njem tse, mba num ntshob mi.

Neto'te 50:15

Fèt Yosèf be yen mba tà yub kwù là ntshob ndù: A be Yosèf lo' be mba tse ghakeban mba' nukebwô tse be na' ngù yi là be l'o?

Neto'te 50:2

Yosèf tshob ghatshwinte tse bo ke mfa' yi là ndù bo se' fe tàab ndù k'a bi, bo se' fe tàab Israél.

2 Kronika 35:24

Ben tse sô i ntùm kalig se, njab i ntùm semo' kalig se ndo' i nèn yi Yérusalém, a tsho bwe nkwù. Bo tshoṅ i ntùm mi mfi tà tse. Njoṅ ba Yuda fa boa ba Yérusalém làn Yosias.

Yobkwi 142:3

Me be njab yàm ngùtni mbwe i, me be nsoṅ i yàm nge'.

Yobkwi 35:14

Me lo ke nsoṅ wul à nsi mb'a b'a num mo' nshun nà, mb'a b'a num mo' mfèt là, nke ntse'te wut ntùm nge' mb'a b'a num vù mo' mà là.

Yobkwi 37:16

Mebwô b'a metsit ju ze mèn netsin ghù là, ntshùa fu' se ghatshùagntù yàm be ntùm bwe là.

Tànkùt 1:16

nummbe nku mub be mfùag nsi num nukebwô, bo nke nànte nefètte lem.

Tànkùt 18:19

O be nkag mfaṅ ntù mfèl o nebèn ntsho num i ta ntshùa tusô se bo kut ntsham ntsiag là; tse ntanta fètfèt b'a mba mfùn ta' tusô là.

Tànkùt 6:14

A b'a nda' kebwô bèn mbe ntù i, a ke' be fite nekwate nukebwô, bo neywit ntanta nsi.

Nzenu 7:9

Kà bam ndù ntù o ke nja nde, nummbe yantù ke ntswe à ntùm ntù ba kagni.

Ezékia 35:5

Mb'o na' ngù nkembàn z'a ghô matmat num bon Israél, ndo' ṅwi ntam yi njam bo mum lé'njù nge' sobe, num ngelaṅ ze mfànnu mub dun nte ntshèt là,

Nebwôgte 34:8

Bon Israél làn Mosé num lé'njù ṅam ntat, mà ntùm ntômbo' mi a Moab là. Tshen lé'njù vù Mosé là mi ndùse bo kum num ndù i là.

Titô 3:3

Nummbe mba be na' mb'a kagni mo' ngelaṅ, ghakeju' ntshu, ben tse bo fùte yub là, kuan ghe'te mba ngùa nzenze, nke njôg ntùm nukebwô mba ghe'te, ben newage, nke mbàn wut be, be be.