Neto'te 27:2 - NTSHOB NSI

² Isak tshob ndù: Tshù me li m'a ywèn nà; me ke' lèn lé'njù vù sàm.

Neto'te 27:2 Iomraidhean Croise

Neto'te 27:3

Me le't'o ndù o lo' tshuntshùag tsho, mfe' nkél o bo ngoṅkél o ndonni, nèn mà tshwèt ntam nyàm me bwe.

Neto'te 47:29

Ngelaṅ ze ntswe'njù vù ghebte Israél là, a tsiaṅ nshum i Yosèf ntshob yi ndù: A be z'o ko ndèn màm nà, o yab bu o bam tammbwe àm, ngù nu bwôntù mba nenùn num àm; me le't'o ndù k'o tshoṅ àm Egipto.

Neto'te 48:21

Israél be miagte mbèn ntshob Yosèf ndù: Tshù, m'a' kwù. Bin à Nsi nsi tù' bèn mbe, a bèn ndo' zin mbèn yi ngô tà tsine.

Tànkùt 27:1

Kà ka'te num nu ndamnjù nummb'o ke' lèn mba sènni lo' be yi là.

Nzenu 9:10

Mba kelo z'o yen ndù a bwô neghù, o ku'ni neghù là, o ghù nummbe dù' z'o tshwèt nèn nà, sàm fa', sàm njo, sàm nkwate ke sàm zenu lo ke nsi be bwe.

Esaya 38:1

Ezékia tam ngokèt num yen ngelaṅ n'a vùvù. Ngatshob ntshob Nsi Esaya, nshum Amots, se' mbaṅ i, ntshob yi ndù: Tshù, Tshùaben tshob mb'o tag vù yu tunndà, nummb'o a' kwù. O ke nsi lo num yen ngokèt li.

Esaya 38:3

Tshùaben, a bwô o lène, nkwimte ndù me lo zin mbwe o ntùm nenùne, mba ntùm nefà wut nsi ntùm ntù, mba ndù me lo ghù numebwô num miag mu! Ezékia fètte ntsenyà yàme.

Marko 13:35

Ndùlala bin zi tshùalo, nummbe bin ke' lèn ngelaṅ tàndà nsi se' là, k'a mfetnjù lo, k'a tshaṅ tèttswe' lo, k'a ntô kù'ngab lo, k'a nkebnjù lo,

Yakobo 4:14

bin tse bin ke' lèn ju ze ndamnjù nsi be yi là. Yôg sin b'a ke? Bin b'a ywèt tshaṅ ts'a be ntume, ke ghubte, mbèn mi là.

1 Samuél 20:3

Là David saṅlaṅ num bwe, ntshob ndù: Tàan lèn ndù nu tshàm num mbwô o. Mo' ndù a tshob ntù i ndù: A ke' bwô Yonatan lèn yen nu li, nummbe mba nu ts'a' toṅ i neshu. Me nu ngu wù num lén Tshùaben bo so lén ndù me tù' à mèn vùkob.