Neto'te 26:24 - NTSHOB NSI

²⁴ Tshùaben ṅwag, ntèl i yen tèttswe' là ntshob yi ndù: Me b'a Nsi tàan Abraham. Kà bwôg sàm ju, bag wù bèn mbe, me nsi yab kàn wù, ghù nzwil o yàm num lén ngafa' àm Abraham.

Neto'te 26:24 Iomraidhean Croise

Neto'te 13:16

me nsi ghù nzwil o yàm mba mbab mi a nsitsha' là; be mèn ku'ni nesiaṅ nzwil o à ngelaṅ z'a ku'ni nesiaṅ mbab mi a nsitsha' là.

Neto'te 15:1

Tshen nu li lo be tshùa, Tshùaben tshob Abram mum njem ndù: Kà bwôg me Abram! Me b'a yu tshètntsho, nda' o nsi b'a ze ndùb.

Neto'te 17:7

Me nsi wat kàn bag wù, wat kàn bag nzwil o, ndùlala num ngu'ngu', kàn sen nà tswe matmat, ndùlala ndù me be Nsi o mba ze nzwil o.

Neto'te 17:8

Me nsi fà ngô z'o be ngùn ntùm bwe là wù bin nzwil o, boa njoṅ ngô Kanaan fa, a tù' yu matmat. Me nsi be Nsi zin.

Neto'te 21:17

Nsi ju' nze mén; Angél Nsi tsin mfe kamànyam ntsiaṅ Agar, ntshob yi ndù: A ke Agar? Kà bwôg nummbe Nsi ju' nze mén mum dù' z'a be bwe là.

Neto'te 22:17

me nsi yab kàn wù, ghù nzwil o yàm mba nsa mi a mfe kamànyam nà, njàm mba nkwango' mbaṅ dibantse là, ghù ndùlala kà nzwil o lo' ngô ghakeban tse.

Neto'te 22:19

Ndùlala Abraham bèn njam mbaṅ ghafa' tse, boa bo lo ku ntshù' nèn Ber-Shéba dù' ze Abraham ke ntswe là.

Neto'te 24:12

A tshob ndù: Tshùaben, Nsi tàfa' àm Abraham, ghù me fon ju ze me tshwèt ndiag là sènni, ghù bwôntù num tàfa' àm Abraham.

Neto'te 28:13

Tshùaben lo tsin mfe tu tuko' ntshob ndù: Me b'a Tshùaben Nsi tàan Abraham bo Nsi Isak. Dù' tsha' z'o nô num bwe là, me nsi fà i wù mba nzwil o.

Neto'te 28:15

Tshù, bag wù bèn mbe, me nsi béb o num njoṅ dù' fa ts'o nsi nèn nà, bèn lo' o se' yi mum yen ngô li, nummbe me ke nsi ghua' o ke be ndù me ghù ju ze me tshob wù là bumte.

Neto'te 28:3

A bwô ndù El-Shaddaï yab kàn wù ngù o bwe nzwil o yàme, ntù' mbumte ngôngô.

Neto'te 30:27

Laban tshob yi ndù: Bam me ndù me tshob nu wù. Me tshaṅ ngàm njen ndù Tshùaben tshùa à njam o kà ntam ntse me.

Neto'te 31:5

A tshob bo ndù: Me yen num se tà zin ndù a ke' bèn nebe num àm à mb'a be mbwe là; nda' ndù bag Nsi tàa bèn mbe.

Neto'te 39:2

Tshùaben nke mbe bo Yosèf, nke ngù a njôg ntùm fen; a nke ntswe mum ndà tàfa' i ze Egipto.

Neto'te 39:3

Tàfa' yen ndù Tshùaben lo ke mbe bo Yosèf, mba ndù tshu tse ts'a be ntùm mbu mi là lo ke nèn mbwe, mba ndùke lo z'a kô nefa' ju là.

Neto'te 46:1

Israél lo' njoṅ tshu fa ts'a ghù là nène, nzin nkum Ber-Shéba mfà jule'te Nsi tàab Isak bwe.

1 Fenfen 17:13

Elia tshob yi ndù: Kà bwôg, bèn njam ndà ngù mb'o tshob là. Nda' ndù bwôgmbwe nkate meju tag nse' mfà me, kà njôg nabte zin bin nshum o.

Netume 14:13

Mosé bùnte ngô ndù: Kà bin bwôg. Bin tswe ndù kam. Bin nsi yen mba Tshùaben nsi tshu' zin nà sènni. Tshen ba Egipto li tse bin tshwèt njen yub sènni là, bin ke nsi zi bèn yen yube.

Netume 3:6

A bèn ntshob ndù: Me b'a Nsi tàan Abraham, Nsi Isak, mba Nsi Yakob. Mosé lem se i, ke bam nelôte Nsi.

Esaya 12:2

Yen mbe Nsi b'a ngatshu' àm, me yab ntù àm num i koṅkoṅ, me ke nsi bèn bwôg sàm ju. Nummbe Tshùaben, Tshùaben bèn mbe yàm neta, bo yàm tunu nenyàmte. A yi na' mbèn njôg àm.

Esaya 41:10

Kà bwôg sàm ju, nummbe bag wù bèn mbe. Kà ke ma' miag ngabwôg, nummbe me b'a Nsi o. Me so neta num o, me se' ywimt'o; me lo' bu àm ze tshùa ntsho ze zwim ntomt'o yi.

Esaya 44:2

Kà bwôg me ngafa' àm Yakob, me Israél àm ze me na' ntsho'o. A Tshùaben z'a nabt'o, mbom o fe bam màan nà bèn ntshobe; a yi bèn mbe yu ntom.

Esaya 51:12

A b'a me, a kua' me bèn nke mfite ntù tsine. O b'a we kà nke mbwôg mènntùn z'a be nkwù, mén mènntùn z'a be mba nenà l'à?

Esaya 51:7

A bwô ndù bin tse bin lèn nunetsin nà ju' àm, wù nzwit mèn z'o ghù ntshù' àm ntù o là. Kà bin ghù tuswe z'a fe à benntùn nà, ke vètte mbwe tshabte tshobe.

Nsindàvù 3:57

Num lé'njù me na' ntsiaṅ o là. O lo kù'te nse' mbaṅ àm ntshob ndù: Kà bwôg!

Lévitiko 26:42

Me nsi kwimte kàn sàm se bag Yakob wat là, kàn se bag Isak wat là, kwimte kàn se bag Abraham wat là, kwimte mba ngô.

Lévitiko 26:45

Me nsi bèn kwimte njwèn kàn àm num yub tu. Njam sen kàn nà, me lo sô yub Egipto, num miag ngôngô, ndù me be Nsi yub. Me b'a Tshùaben.

Matio 22:32

Me b'a Nsi Abraham, mba Nsi Isak, mba Nsi Yakob; a ke' b'a Nsi fe ben, là, a b'a Nsi ben bo be ntùn nà.

Lukas 12:32

Kà bwôg me metsit bwoṅ njùmbwe, nummbe Tà lo yen ndù a bwô nefà nufen se bin.

Mfa' Ghantum 7:32

Me b'a Nsi ba tà tsho, Nsi Abraham, Isak mba Yakob. Mosé vètte ke bèn mfèn ntù nelôte.

Nebwôgte 13:17

O nsi kùmte ntsha' fa netèt ngô ton tusô fafa boa ntsha' ntsho num miag Tshùaben Nsi o. Sen tusô là nsi tù' z'a ta' fèt se ndùlala, mèn be ke bèn nkul i.

Nebwôgte 31:6

Fènntù, ndo' neta. Kà bwôg yube, ke vètte, nummb'a b'a Tshùaben Nsi o bèn nkwé mbwe, nke nzin mbwe o, mbe ndù bin yi nsi bèn ke be. A ke nsi ghua' o sàm ngelaṅ.

Héber 11:16

Là nzi ngô mebwô bèn nke nja yube, ngô kamànyam. A ndùlala Nsi ke' ko tuswe netsiaṅ tu wul i Nsi yub; nummbe a nabte mo' ngô bo.

Héber 13:6

A ndùlala, be ghù nefèn ntù ntshob ndù: Tshùaben b'a ngaywimt'àm, me ke nsi bwôge. Mènntùn ku'ni neghù ke m'à?

Apokalipse 1:17

Me lo yen i ngwù num nku mi mba mèn nekwù là. A yab bu i ze zwim num àm, ntshob ndù: Kà bwôg! Tu wul àm, me b'a mbwe mèn mba miagt'é;

ṄWA'NI RUT 3:11

Ngon àm, ndonni kà bwôg sàm ju. Me nsi ghù mba ke lo z'o tshob là wù; nummbe njoṅ benntùn fa mum ngô lèn ndù o b'a mènnzwi ntùn, nku'ni.