Neto'te 26:12 - NTSHOB NSI

¹² Isak ywit tshu ntùm yen ngô là. Ntsho' tshu yen ngu'njù là, a yàm ntshùa tsemo' ngu'njù yoṅ nkù; nummbe Tshùaben lo yab kàn yi.

Neto'te 26:12 Iomraidhean Croise

Neto'te 24:1

Abraham lo ywène, ngu'njù tse nèn mbwe, ndùlala Tshùaben yab kàn Abraham, a be ngafu' num njoṅ tshu fa.

Neto'te 24:35

Tshùaben lo' tàfa' àm ngù ngafu' yi, a tù' ngafu' ze ndùb: A fà mbwe boa ba nyàmna' yi, mfà nkàb bo gol yi, mfà ghafa' tse bandum boa tse bènnzwi yi, mfà ba kamél bo nkekwèn yi.

Neto'te 25:11

Ndùse Abraham kwù là, Nsi yab kàn nshum i Isak. A ke ntswe à mbaṅ tôntse Lakaï-Roi.

Neto'te 26:29

O ke nsi ghù sàm kebwô num bag, be ndaṅndaṅ bag lo ke kwag o, là ngù be nda' mebwô num o, nta' o ntùm fite. Ndonni o b'a mèn ze Tshùaben yab kàn yi là.

Neto'te 26:3

Tswe mum yen ngô li. Me nsi be bag wù, yab kàn wù, nummbe me nsi fà tshen ngô li wù mba nzwil o, me nsi ghù ndù nu ze me na' nka' tàan Abraham nà bumte;

Neto'te 30:30

Tshu ts'o na' ngù kà me nse' là lo ke be sàm ju, là fe ngelaṅ me se' là, tshu tsho yàm neshu, Tshùaben bèn ntam ntse wù. Ndonni me nsi fa' num ko' yàm tunndà à ndùke?

ṄWA'NI YOB 42:12

Yob lo be miagte ngu'njù tse, Tshùaben tam ntse yi, ntshùa mb'a na' ntam yi tà mbwe là. A ghù mbwe ntsha' ntshob kuà gham, kamél ntsha' ntôge, nyàmna' ntsha' bàa, kekwèn ntsha' mbùm.

Yobkwi 67:6

O Nsi, ngôngô be ngamt'o! Njoṅ ngôngô fa be ngamt'o!

Yobkwi 72:16

Ngefet nsi yàm ntùm ngô, num tu ba mbale, nko' ngefet nsi nyi'te mba ntù mi a Liban nà; benntùn nsi te' ntùm ba ngô mba nenà num tsha' là.

Tànkùt 10:22

Mbotni mi a fe Tshùaben nà bèn nke mfà fu' a ke' be bam ndù mo' sàm zwe be njam sen fu' là.

Nzenu 11:6

Ke njwit nzwit ju o nkebnjù, ke bèn mbam ndù bu o tswe banban mfetnjù, nummb'o ke' lèn bag i z'o nsi ju' mebwô bwe là. Mbèn mbe, a nèn num men mfa' mbàa là, o ke' lèn a be z'a tamte fa mb'a mfa' mebwô là.

Sakaria 8:12

Nummbe tshu tse bo ywit nsi là nsi bile, nkùa fà ntàm mi, tsha' yam ntàm mi, kamànyam tum meme'; me nsi fà tshen tshu là yen tshé' nzwit mèn ni.

Matio 13:23

Dù' tsha' mebwô dù' ze bo ma' nsa bwe là, b'a mèn z'a num nju' ntshob Nsi ntshùb là; yen mèn ni num njame, ngù ntàme, mo' nkù, mo' ṅam ntôge, mo' ṅam ntat.

Matio 13:8

Là mo' bag i vù ntùm dù' tsha' mebwô, njam tsha tse, mo' miag nkù, mo' ṅam ntôge, mo' ṅam ntat.

Marko 4:8

Mo' bag i vù ntùm dù' tsha' mebwô, njam tsha tse, a ku', ngu'u, ngù miag mi yàme: Mo' tsha i ghù miag ṅam ntat, mo' ṅam ntôge, mo' nkù.

1 Korintô 3:6

Me lo ywile, Apôlô zwi', là Nsi ghù a ku'.