Neto'te 24:7 - NTSHOB NSI

⁷ Tshùaben, Nsi kamànyam, z'a na' ndo' àm ntùm ndà tàa, mba mum ngô ze bo bwe àm bwe là, lo tshob me nsaṅlaṅ bwe, ntshob ndù: Me nsi fà yen ngô li nzwil o. Tu wul i nsi tum Angél i mbwe o; o nsi nèn à bwe diag nzwi nshum àm bwe.

Neto'te 24:7 Iomraidhean Croise

Neto'te 13:15

nummbe me nsi fà njoṅ yen ngô là z'o tshwèt njen nà wù mba nzwil o matmat;

Neto'te 15:18

Num sen lé'njù là, Tshùaben wat kàn bo Abram ntshob ndù: Me nsi fà yen ngô li nzwil o, neto' fe num ta'ntse z'a Egipto là tà nèn nkum ta'ntse ndùb, ta'ntse Efrat,

Neto'te 16:7

Angél Tshùaben yen Agar mbaṅ mo' tumnsi ntse num kônkwa, mbaṅ tumnsi ntse z'a be num manze Shur là,

Neto'te 17:8

Me nsi fà ngô z'o be ngùn ntùm bwe là wù bin nzwil o, boa njoṅ ngô Kanaan fa, a tù' yu matmat. Me nsi be Nsi zin.

Neto'te 21:17

Nsi ju' nze mén; Angél Nsi tsin mfe kamànyam ntsiaṅ Agar, ntshob yi ndù: A ke Agar? Kà bwôg nummbe Nsi ju' nze mén mum dù' z'a be bwe là.

Neto'te 22:11

Là Angél Tshùaben tsin mfe kamànyam ntsiaṅ i, ntshob ndù: Abraham! Abraham! Abraham bùnte ndù: Tshù me li,

Neto'te 24:3

ndù me ghù o kàn mfe num lén Tshùaben. Kàn mfe num lén Nsi nganabte kamànyam bo tsha' ndù o ke nsi diag nzwi nshum àm à netèt ngonngon Kanaan, tse me tshwèt ntswe netèt bo là.

Neto'te 24:40

Abraham tshob me ndù: Tshùaben ze me ke nzin mbwe i là nsi tum Angél i wù bin yi nène, a nsi ghù ndù o jù bin yu nkatte: O nsi diag nzwi nshum àm à ntùm tunndà àm, ntùm ndà tàa.

Neto'te 26:24

Tshùaben ṅwag, ntèl i yen tèttswe' là ntshob yi ndù: Me b'a Nsi tàan Abraham. Kà bwôg sàm ju, bag wù bèn mbe, me nsi yab kàn wù, ghù nzwil o yàm num lén ngafa' àm Abraham.

Esdra 1:2

Tshù ju ze Kirus mfen Persia tshob li: Tshùaben, Nsi Nganeta kamànyam fà njoṅ nufen nsitsha' me fa, mbètt'àm ndù me kut ta' ba' yi Yérusalém, mà Yuda.

Yobkwi 103:20

Bin ghamte Tshùaben, bin Angél tse, bin ghatshùa ntsho tse neta, tse bin be nke ngù tshu ts'a tshobe, ndùse bin ju' fin ntshob mi là.

Yobkwi 136:26

Bin ghamte Nsi z'a kamànyam nà, nummbe kondèn i be ntswe matmat.

Yobkwi 32:8

Tshùaben tshob ndù: Me nsi tswit'o, la't'o manze z'o nsi zin bwe là, Me nsi tagt'o, me nsi te miag màm num o.

Yobkwi 34:7

A num mbe ngelaṅ ngayennge' kua' là, Tshùaben ju' nz'é, njôg i num njoṅ nge' tse fa.

Yobkwi 73:24

O nsi tshùa njam ntag mu tshagt'àm; o nsi bèn lo' àm ntùm ghamte.

Netume 13:5

A ndùlala, ndùse Tshùaben nsi tshag o ntùm ngô ba Kanaan, ba Hétia, ba Amor, ba Hévia bo ba Yébusia, ts'a na' nsaṅlaṅ bwe tà tsho ndù a nsi fà wù là, o nsi ke ze yen nu li be num maṅwù mbile. Mbùn nyàm bo ṅwa' be nké nswe' ntùm yen ngô là.

Netume 32:13

Kwimte Abraham, Isak bo Israél, ghafa' tsho ts'o na' ndo' tu wul o nsaṅlaṅ yi, ntshob ndù: M'a' ghù nzwit zin yàm mba nsà mi a kamànyam nà. O lo bèn ntshob mba ndù: Me nsi fà njoṅ ngô fa me na' ntshob là tunndà o, a tù' yub ju matmat.

Netume 33:2

M'a' tum ta' Angél i mbwe o, nta' ba Kanaan, ba Amor, ba Hít, ba Férésia, ba Hévia boa ba Yébusia.

Esaya 63:9

Bo lo ke bwoṅ ywimte ntùm njoṅ nge' tshob fa, nummbe Angél z'a ke mbe mbwe i là lo yôg yube. Ze tu wut lo tshu' yub ntùm nkôni i bo kondèn i. A lo ke ntomte yube, nke nket yub ke faṅ sàm ngelaṅ, ntùm lé'njù ts'a na' ntôg là.

Daniel 2:44

Nsi nsi tsho' mo' nufen num ze ngelaṅ tshen fenfen nà, ze mo' ju ke nsi sat'é là; mo' nzwit mèn mba ntshù' ke nsi tô i. Tu wul i nsi be'te, biagte tshen nufen nà, tswe tse kua' matmat.

Yona 1:9

Yona bùnte, ntshob ndù: Me b'a mén Héber, nke mbwôg Tshùaben, Nsi mfe kamànyam z'a nabte dibantse mba tsha' là.

Nesiaṅe 11:12

Me bèn mbe jùm tshen ben ni ké? Me bèn mbwe yub ntùm njù ké? Numke o nke ntshob ndù, me ze yub mba bo num nze mén nà à? Nze yub Ndùlala tà nkum ntùm ngô z'o na' mbù ba tà tshob l'à?

Nesiaṅe 14:16

Tshùaben ke' ku'ni neghù ndù tshen ben ni tsho ntùm ngô z'a na' mbù bo là, ndùlala kà zwite yub kônkwa.

Nesiaṅe 14:30

Me tshob nsaṅlaṅ bwe, bin ke nsi tsho ntùm ngô ze me na' mbù nete zin bwe là, kà ke nda' Kaléb, nshum Yéfuné bo Yoshua, nshum Nun.

Nesiaṅe 32:11

A ghù be ke lo, mba tshen ben ni tse bo ko' Egipto, tse ngu'njù 20 mba tse bo tshùate là, ke nsi yen tsha'a ze me na' mbù Abraham, Isak mba Yakob là, nummbe bo lèt wut num netam njam àm!

Mfa' Ghantum 7:5

A ke fà mo' ju yi nsen ni, mba nda' dù' nete ku i bwe; a ka' yi mba mb'a na' mbe ke ghù mén nà ndù a' fà tshu yi mba tunndà i.

Nebwôgte 1:8

Tshù, me yab ngô là mbwe bin. Bin tsho bwe ndo' a tù' zine. A ngô ze me Tshùaben na' mbam, mbù tà tsin Abraham, Isak mba Yakob nefà bo boa nzwit yub fafa là.

Nebwôgte 34:4

Tshùaben tshob yi ndù: Yen ni b'a ngô ze me na' ntshob nsaṅlaṅ num bwe ndù m'a' fà Abraham, Isak mba Yakob là. Me lo tshob ndù m'a fà nzwil i. Me ghù o lo' kua' miag mu njen yi, nda' ndù o ke nsi tsho bwe.

Héber 1:14

Njoṅ yub fa ke b'a ywèt tse bo num mfa'a, tse bo tum yub num fa' ben tse bo nsi kwé yôg mba ntsi' là ké?

Héber 11:9

Njam bamntù, a lo be ngùn ntùm ngô nka'ni mb'a b'a ntùm ngô ba tum nà, ntswe ntùm ntàb, bo Isak mba Yakob, tse bo be jùndà nka'ni ntshù' là.

Yoshua 1:6

Ghù tànntù bo fènntù; a wù bèn lo' yen nzwit mèn ni tsho yi ntùm ngô ze me na' ntshob nsaṅlaṅ bwe tà tshob ndù me nsi fà bo là.

Yoshua 24:3

Me lo lo' tà zin Abraham mo' yoṅ ta'ntse, ngù a zinte ntùm ngô Kanaan fa; me ghù nzwil i yàm, mfà Isak yi.

Apokalipse 11:13

Be kua' yen nyam nà, tsha' nyi'te kua' neta, ta' bag ngô ntshù' num bag tse gham vù; ntùm yen tsha' nenyi'te là, benntùn ntsha' sammbàa lo kwù. Ben tse bo tù' là bwôg neshu, mfà ghamte Nsi kamànyam.

Ghasa'kame 2:1

Angél Tshùaben lo mà Guilgal nko' nkum Bokim, ntshob ndù: Me na' nsô zin ntum yi Egipto à ndù bin se' ntsho ntùm ngô ze me na' nsaṅlaṅ bwe tà tsin mbe me nsi fà bin nà. Me na' tshob ndù: Mba lé' ntshù' me ke nsi bagte kàn se bag bin wat là.