Neto'te 24:40 - NTSHOB NSI

⁴⁰ Abraham tshob me ndù: Tshùaben ze me ke nzin mbwe i là nsi tum Angél i wù bin yi nène, a nsi ghù ndù o jù bin yu nkatte: O nsi diag nzwi nshum àm à ntùm tunndà àm, ntùm ndà tàa.

Neto'te 24:40 Iomraidhean Croise

Neto'te 17:1

Ngelaṅ ze Abram kum ngu'njù ntshob bwe'e ṅam bwe'e là, Tshùaben ṅwag mbaṅ i ntshob yi ndù: Me b'a Nsi Nganeta ntshùate, ke nzin mbwe àm, mbe kelo'.

Neto'te 24:56

L'a bùnte bo ndù: Mba Tshùaben ghù njoṅ i fa bumte là, kà bin bèn ngù me ghubte nsen ni. Bin faṅ me nène, nèn ju tàfa' àm.

Neto'te 24:7

Tshùaben, Nsi kamànyam, z'a na' ndo' àm ntùm ndà tàa, mba mum ngô ze bo bwe àm bwe là, lo tshob me nsaṅlaṅ bwe, ntshob ndù: Me nsi fà yen ngô li nzwil o. Tu wul i nsi tum Angél i mbwe o; o nsi nèn à bwe diag nzwi nshum àm bwe.

Neto'te 48:15

A yab kàn bo ntshob ndù: A bwô ndù Nsi ze tà tshàm Abraham bo Isak ke nzin mbwe i là yab kàn tshen bonnshum ni. A bwô ndù Nsi z'a be Ngabéb àm fe lé'njù se me be tà nse' nkum sènni là yab kàn bo.

Neto'te 5:22

Hénok nke nzin bo Nsi. A bwe Metusalem, mbèn ntswe ngu'njù nkù tat, mbwe bon bandum boa tse bènnzwi.

Neto'te 5:24

Hénok lo ke nzin bo Nsi, ke bèn nebe, nummbe Nsi lo lo' i nèn yi.

Neto'te 6:9

Tshù tshô Noa li: Noa na' mb'a mèn netsine, mèn mebwô netèt benntùn tse bo be num ze ngelaṅ nà. Noa lo ke nzin à bo Nsi.

1 Fenfen 2:3

Ze ntshù' Tshùaben Nsi o, nke nzin num tse manze, nke ntshùb ntshù' mi, ntag mi, tshu ts'a kô là boa nkàn mi, mba bo kite ntùm ntshù' Mosé là. A nsi tshùa ndùlala tsho tshunu ke ngwù lag mba yà lo dù' z'o nèn bwe là.

1 Fenfen 3:6

Salomon bùnte ndù: O lo la'te bwôntù ndùb num ngafa' o David, tàa, tu wul i bèn nke nzin mbwe o ntùm nenùne, ntùm netsin bo ndaṅndaṅ njoṅ ntù i fa. O lo ke séb yen bwôntù ndùb là num i, mbèn mbam yi mba ndù mo' nshum i tswe num diaṅkwa se sènni.

1 Fenfen 8:23

O! Tshùaben Nsi Israél! Mo' Nsi ke bwe z'a fut'o là, ke mfe tù mfe kamànyam, ke mànsi num nsitsha' lo. O be ntshùb kàn bo kondèn o num ghafa' tsho tse bo be nzin mbwe o njoṅ ngô ntù yub fa là.

2 Fenfen 20:3

Wù Tshùaben, kwimte ndù me lo zin num miag mu ntùm neju' ntshu, ntùm nefà wut nsi ntùm ntù. Bèn nkwimte ndù me lo ghù numebwô num miag mu! Ezékia fètte ntsenyà kua' yàme.

Yobkwi 1:3

A be ndaṅndaṅ à mba tù se bo bwe kaṅntse, a nke njam ntàm mi num ngelaṅ i; mfu mi ke be tsho' là. Mba ke lo ze mènfen num ngù là be ngwù lag.

Yobkwi 16:8

Me be nkwimte Tshùaben njoṅ ndù fa. Ngelaṅ z'a b'a num bag bu àm ze zwim nà, mba me ke nsi vù nsi.

Yobkwi 91:11

Nummb'a nsi tshob Angél tse, ndù bo ke mbéb o num njoṅ manze tsho fa.

Netume 23:20

Me nsi tum Angél mbwe o ndù a béb o num manze, mbèn ngù o tsho dù' ze me na' nabte là.

Netume 33:2

M'a' tum ta' Angél i mbwe o, nta' ba Kanaan, ba Amor, ba Hít, ba Férésia, ba Hévia boa ba Yébusia.

Daniel 3:28

Nébukanetsar tshob ndù: Ghamte be Nsi Sadrak, Mésak mba Abed-Négo, nummb'a lo ntum Angél i, njôg ghafa' tse tse bo yab ntù num i, mfàn ntshù' mfen nà. Bo bam nefà wut tshob ntshùa nefa' ke neghamte mo' nsi ghua kà ke b'a nda' yub Nsi.

Héber 1:14

Njoṅ yub fa ke b'a ywèt tse bo num mfa'a, tse bo tum yub num fa' ben tse bo nsi kwé yôg mba ntsi' là ké?

Apokalipse 22:16

Tu wul àm Yésu, me lo tum à Angél àm ndù a kwé nta tshen tshu là ts'a be num ntse'te benkristô là bin. Me b'a nga nzwit David, sa nelàn se nkebnjù.

Apokalipse 22:8

Me Yohané, me na' mbèn nju' mbèn njen tshen tshu li. Ngelaṅ me na' nju'u, mbèn njen nà, me vù nsi num nku Angél z'a ke nda'te tshen tshu li me là, neghamt'é.