Neto'te 24:3 - NTSHOB NSI

³ ndù me ghù o kàn mfe num lén Tshùaben. Kàn mfe num lén Nsi nganabte kamànyam bo tsha' ndù o ke nsi diag nzwi nshum àm à netèt ngonngon Kanaan, tse me tshwèt ntswe netèt bo là.

Neto'te 24:3 Iomraidhean Croise

Neto'te 14:19

A yab kàn Abram ntshob ndù: Nsi z'a be tà mfe tù, z'a nabte kamànyam bo tsha' là yab kàn Abram.

Neto'te 14:22

Abram tshob mfen Sodom ndù: Me nu ngu mbwe Tshùaben, Nsi z'a tà mfe tù là, Nganabte kamànyam bo tsha'a,

Neto'te 21:23

Ndùlala kàn mfe me num lén Nsi ndù o ke nsi zi tatt'àm, ke me, ke bon tshàm, ke nzwil àm no; bam me ndù mebwô ze me be ngù wù là, o nsi ghù a be yi me mba ngô z'o tshwèt ntswe mum bwe là.

Neto'te 24:7

Tshùaben, Nsi kamànyam, z'a na' ndo' àm ntùm ndà tàa, mba mum ngô ze bo bwe àm bwe là, lo tshob me nsaṅlaṅ bwe, ntshob ndù: Me nsi fà yen ngô li nzwil o. Tu wul i nsi tum Angél i mbwe o; o nsi nèn à bwe diag nzwi nshum àm bwe.

Neto'te 27:46

Rébéka tshob Isak ndù: Nu yôg ke' bèn nebwô àm num ngonngon Hétia. A be ze Yakob so mo' ngon Hétia mba tshen nà, mo' ngon netèt ngonngon yen ngô li là, mb'a ywimt'àm ke neke njôg à?

Neto'te 28:1

Isak Tsiaṅ Yakob, njab kàn yi, mfà ntag yi ntshob ndù: A ke' bwô ndù o so mènnzwi netèt ngonngon Kanaan.

Neto'te 28:8

Esau lèn ndù nu ngonngon Kanaan lo ke mbag tàab Isak.

Neto'te 34:9

Bag bin wat kàn; bin nsi fà tsin ngonngon bag, bèn ke lo' tshage.

Neto'te 38:2

Yuda tsho bwe, njen ngon mo' ze Kanaan lén se Shua; Yuda so ngon nà, ndo' i.

Neto'te 47:31

Yakob tshob ndù: Kàn mfe mbwe àm, Yosèf kàn mfe mbwe i, yen ngelaṅ nà Yakob labt'é nkwim ntunkekwi' mi nsi tu kun se.

Neto'te 50:25

Yosèf ghù bon Israél kàn mfe ndù bo nsi lo' mvôg mi tum yi Egipto ndùse Nsi a' se' lôte yub là.

Neto'te 6:2

bon ba mfetù yen ndù ngonngon benntùn bwô yube, ndùlala bo lo' ts'a bwô yub là.

Neto'te 6:4

Nsansa benntùn lo be num nsitsha' num yen ngelaṅ nà, mba num ngelaṅ z'a be njam yen nà là. Ngelaṅ bon ba mfetù ke ndo' ngonngon benntùn, bo bwe bon bo là, tshen bon nà na' mb'a ben neta bo be mbwembwe là, benntùn tse lén sob ju'ni là.

2 Fenfen 19:15

nde't'é ntshob yi ndù: Tshùaben Nsi Israél, wù z'o tswe num ba kérubim nà! A b'a wù bèn mbe Nsi njoṅ nufen fa ts'a num nsitsha' l'a. A b'a wù bèn nabte kamànyam bo tsha'a.

2 Kronika 2:12

Tshù ta' nkum mèn mbe ngasiaṅte là me tum wù là. A b'a Huram-Abi,

Esdra 5:11

Tshù mbùn ntshob mi bo fà bag li: Bag b'a ghafa' Nsi z'a ghù kamànyam bo tsha' là, bag ke mbèn nkul à ba' ze bo na' nkule, a ndonni ngu'njù yàm nà; mo' mfen ndùb ntùm ngô Israél lo kul i tà miagte.

Néhémi 13:25

Me kag yub nso ndon tu bo; ndab mba tsemo' benntùn netèt bo ntsho' nyiaṅtu tshobe; me bèn ngù bo kàn mfe tshob nu nsaṅlaṅ bwe num lén Nsi ndù: bin ke nsi fà bon tsin tse bènnzwi bon tshob tse bandum, ke bèn nke ndo' bon tshob tse bènnzwi mfà bon tsin tse bandum, ke bèn ne na ndà bin à bo.

Néhémi 9:6

A b'a wù Tshùaben, wù tù' o bèn nabte kamànyam, kamànyam fa bo yub ntshu ntsho, nabte tsha' boa mba ke lo z'a be num bwe là, dibantse boa tshu ts'a ntùm bwe là. O be mfà yôg njoṅ tshen tshu là fa. Ntshu ntsho mfe kamànyam num ngwù nsi mbwe o.

Yobkwi 115:15

A bwô ndù Tshùaben yab kàn bin, yi z'a nabte kamànyam mba tsha' là.

Yobkwi 136:26

Bin ghamte Nsi z'a kamànyam nà, nummbe kondèn i be ntswe matmat.

Netume 20:7

Kà tsi lén Tshùaben Nsi o ntùm tatte, nummbe Tshùaben ke' be kag mèn z'a tsi lén se ntùm tatte là, kà ke naṅ ntsha tu ng'é.

Netume 22:11

L'a be ze bo yi nyàm à ju i là, mb'a fà kwibtu i nga nyàm.

Netume 23:13

Bin nsi ke ze njoṅ i fa ze me tshob bin nà. Kà bin tsi lén tsemo' nsi, ke bam ndù bo ju' lén sub tum ntshu bin.

Netume 34:16

A be z'o bètte ngonngon tshob mfà tsho bon nà, mba bo a' be kat boa nsi tshob nsoṅte bon tsho mba bo kat yub boa nsi tshobe.

Esaya 45:23

Me lo tshob nsaṅlaṅ bwe, nenùn tum ntshu àm, mbe ndù mo' ju ke nsi tsi num ntshob màm. Ntunkekwi' fa nsi te nsi mbwe àm, njoṅ ntshob fa ke nkàn mfe num lén sàm.

Esaya 48:1

Tunndà Yakob, bin ju'u, bin tse bin be ndo' lén Israél, ndù bin tum à ntùm ntse Yuda là; bin be ndo' lén Tshùaben nkàn mfe yi, nke ntsiaṅ lén Nsi Israél. Là, nunenùn bo nu ndaṅndaṅ ke be nsi!

Esaya 65:16

Mèn z'a nsi kô ndù mbotni be yi ntùm ngô là, mb'a bwô ndù a lon yen ju l'a num lén Nsi nenùne. Mèn z'a nsi kô nekàn mfe ntùm ngô là, mb'a bwô ndù a kàn mfe à num lén Nsi nenùne. Nummbe me nsi lagte njwèn nge' fa. Tshen njwèn nge' là nsi lem num miag màm.

Yérémia 10:11

Bin nsi tshob bo ndù: Tshen nsi là tse bo ke' bèn nabte kamànyam bo tsha' là nsi mi nsitsha'a, tun bam kamànyam.

Yérémia 12:16

A be ze bo zi'te tse manze yàm nzwit mèn, nke ndo' lén sàm nsaṅlaṅ yi, ntshob ndù Tshùaben b'a ntùn, ndaṅndaṅ mba tu wut tshob na' nzi'te yàm nzwit mèn nelo' lén Baal nsaṅlaṅ yi là, mb'a nsi tshùa ndùlala bo be ntùm fu' netèt yàm nzwit mèn.

Yérémia 29:6

Bin so bènnzwi, mbwe bonnshum boa bonngon; bin diag zwi bon tsine; bin fà ngonngon tsin ntùm nandà ndù bo bwe bonnshum boa bonngon. A bwô ndù bin tsin nsen nà, ntshùa neke mite be nemite.

Yérémia 4:2

A be z'o lo' tu wut Tshùaben nsaṅlaṅ yi, ntùm nenùne, ntùm ndaṅndaṅ, ntùm netsin nà, mba bo nsi tshùa njam i tam ntse ngôngô, ngôngô bèn nke ṅwate njam i.

Lévitiko 19:12

Kà bin lo' lén sàm nsa' kam tatte yi, nummb'a be ndùlala mb'o lo' lén Nsi o mba ju banban nà. Me b'a Tshùaben.

Sofoni 1:5

Me nsi biagte ben tse bo be nkwim ntunkekwi' mub nsi num ntu mba' nsa mfe kamànyam, ben tse bo be nkwim ntunkekwi' mub nsi, nkàn mfe num lén Tshùaben, nkàn mfe num lén mfen yub là.

Nesiaṅe 5:21

mba ngale'te nsi yob ndon num lén Nsi bètte ndù Nsi so ndon tu o, njoṅ benntùn fa kù o, nku mu jume, bam su ghu'u.

1 Korintô 7:39

Mènnzwi lat num ndu i njoṅ ngelaṅ fa z'a ke' ntùn nà. Là, a be ze ndu i kwù là, mb'a ku'ni neghù mo' ndu mb'a kô là, là nda' num Tshùaben.

Nebwôgte 10:20

Israél, o nsi ke bwôg Tshùaben Nsi o, ke fa' yi, so wut num i, ke lo' lén se kàn mfe yi.

Nebwôgte 6:13

O nsi bwôg Tshùaben Nsi o, ke fa' yi, ke lo' lén se kàn mfe yi.

Héber 6:16

Nummbe benntùn be nkàn mfe à num mèn ndùb, mfe ze bo kàn nà be lèn ndù bo miagte ntsha.

Yoshua 2:12

Ndonni, me le'te zine, a bwô bin nu ngu me num lén Tshùaben ndù bin nsi ghù lèn bwôntù ze me ghù num bin nà num tunndà tàa.

Ghasa'kame 14:3

Tàab bo màab tshob yi ndù: Mènnzwi ke netèt bon fèt tsho ke ntùm ze be ngô lo ké k'o nèn so mènnzwi netèt ba Filistia tse bo b'a ba kesikel à? Samson tshob tàab ndù: Bètt'é me nummbe nu tse bwô àm.

1 Samuél 20:17

Yonatan bèn nda'te nkôni David kà nu ngu bwe, nummb'a lo ke nkô i mba kua' ze tu wut là.

1 Samuél 30:15

David tshob yi ndù: B'o ghù me nèn mbaṅ tshen soyé là ké? A bùnte ndù: Nu ngu me num lén Nsi ndù o ke nsi zwi àm, ke fà àm mum mbu tàfa' àm, m'a' lo' o nèn yi mbaṅ tshen soyé là.