Neto'te 24:16 - NTSHOB NSI

¹⁶ Ménngon nà lo bwô neshu, num se i, mbe ketabte, sàm mandum ke yoṅ ndèn i. A swe' ntsho ntse, ntu' ntse k'a dun, a tum.

Neto'te 24:16 Iomraidhean Croise

Neto'te 12:11

Ngelaṅ z'a ke ngebte netsho mà Egipto là, a tshob nzwi i Saraï ndù: Tshù, me lèn ndù o b'a mènnzwi ndù ntshù mu bwô.

Neto'te 26:7

Ngelaṅ ze ba la' ke mbètt'é nu num nzwi i là, a tshob ndù a b'a mfèl i. Nummb'a lo ke mbwôg ndù a be z'a tshob ndù a b'a nzwi i là, mba bo nsi zwi i, nummbe Rébéka lo bwô neshu.

Neto'te 29:17

Miag Léa ziag neshu, là Rashél lo bwô num mbaṅ wut mba num se i.

Neto'te 39:6

Potifar faṅ njoṅ tshu fa ts'a ghù là mum mbu Yosèf, ke bèn nke ngùtni num sàm ju k'a ke nda' nebètte ze jujù. Yosèf lo ghù ntsewut mebwô mba se z'a bwô là.

Neto'te 4:1

Mandum lo' nzwi i Eva, a lét, mbwe Kaïn. Ndùlala mènnzwi tshob ndù: Tshùaben ywimt'àm, me ghù ta' mén mandum.

Nkwi Nkwi 5:2

Ménngon bùnte ndù: Me lo ke nzi, là ntù àm nke nzi tshùalo. nju' nze nshun àm, a nke nke'te nzendà, nke ntshob ndù: Mfèl àm ze mènnzwi, mbe nshun àm, ghab nzendà me là. O b'a yàm bwoṅsaṅ z'a bwô miagte là! Nummbe meme' fim tu àm fa. Nyiaṅtu tshàm tse me ba' là dun ntàm ntse mi a lo mbe njam nà.