Neto'te 24:1 - NTSHOB NSI

¹ Abraham lo ywène, ngu'njù tse nèn mbwe, ndùlala Tshùaben yab kàn Abraham, a be ngafu' num njoṅ tshu fa.

Neto'te 24:1 Iomraidhean Croise

Neto'te 12:2

Me nsi lo' o ghù tàa nzwit ndùb yi. Me nsi yab kàn wù, ghù lén so ju'ni. Kàn nsi ke fe à wù.

Neto'te 13:2

Abram lo b'a ngafu' num nyàm, nkàb bo gol.

Neto'te 18:11

Abraham bo Sara lo ywène, ngu'njù tshob nèn mbwe neshu. A lo be be ndù Sara ke' bèn neyen ṅwù.

Neto'te 21:5

Bo lo be bwe Isak ndù Abraham ghù ngu'njù nkù.

Neto'te 24:35

Tshùaben lo' tàfa' àm ngù ngafu' yi, a tù' ngafu' ze ndùb: A fà mbwe boa ba nyàmna' yi, mfà nkàb bo gol yi, mfà ghafa' tse bandum boa tse bènnzwi yi, mfà ba kamél bo nkekwèn yi.

Neto'te 25:20

Isak lo ghù ngu'njù ṅam nkuà kà nso nzwi i Rébéka ngon Bétuél ze Aram mà Padan-Aram bo Laban ze Aram, mfèt Rébéka.

Neto'te 26:12

Isak ywit tshu ntùm yen ngô là. Ntsho' tshu yen ngu'njù là, a yàm ntshùa tsemo' ngu'njù yoṅ nkù; nummbe Tshùaben lo yab kàn yi.

Neto'te 49:25

Yen nà fe à Nsi tàan. A bwô ndù a ywimt'o! Yen nà fe a Nganeta Tshùate z'a yab kàn wù, lèn kàn z'a fe mfe tù, lèn kàn s'a ko' mà ntùm ntse, lèn kàn s'a tum ntùm mbùn mi a tum mum mbùn màm nà!

1 Fenfen 1:1

Mfen David lo ywène, ngu'njù tse nèn mbwe neshu. Bo kabt'é nzwe mfùag mba ndùke lo, wul i ke dumte.

Tànkùt 10:22

Mbotni mi a fe Tshùaben nà bèn nke mfà fu' a ke' be bam ndù mo' sàm zwe be njam sen fu' là.

Esaya 51:2

Bin yen tà zin Abraham bo mà zin Sara z'a bwe zin njene! Nummbe me na' ntsiaṅ Abraham à ndùs'a na' nke' à tù' i là. Me lo tam ntse yi, ngù nzwil i yàm.

Matio 6:33

Bin bwôgmbwe ndiag à nufen Nsi mba nunetsin Nsi, njoṅ tshen tshu là fa nsi se' bin njam bwe.

Lukas 1:7

Bo lo ke ghù mén, nummbe Elisabèt na' mb'a kebwe, ntu tshob bàa fa bèn njwène.

Galatia 3:9

Ndùlala, njoṅ ghabamntù fa ghù mbotni boa Abraham ngabamntù.

Efésô 1:3

Ghamte be Nsi mba Tà Tshùaben be Yésu Kristô, z'a naṅ njoṅ mbotni Ywèt fa ts'a mfe kamànyam nà num be, num Kristô là.

1 Timôtio 4:8

nummbe nefà wut num sa ywimt'a metsili, là neghamte Nsi ywimte num njoṅ i fa, ngù nka'ni num yôg, se ndonni mba s'a nsi se' là.