Neto'te 23:9 - NTSHOB NSI

⁹ ndù a swèn ngabloṅ z'a be yi Makpéla là me; me tshob à ngabloṅ z'a be tôg fèn i là. A bwô ndù a swèn me, me fà njoṅ nkàb i yi mbwe bin, ndù yen dù' là tù' sag tufi netèt bin.

Neto'te 23:9 Iomraidhean Croise

Neto'te 23:10

Efron lo tswe nsi netèt ba Hétia. Efron mèn Hétia bùnte Abraham mbwe ba Hétia boa njoṅ benntùn fa tse bo tsho nsém nà ndù:

Neto'te 23:4

Me b'a ngùn, nke ntswe netèt bin; bin fà dù' tsha' me, me tswe' fi nzwi àm bwe, ntshoṅ fe i bwe ndù a lo num miag màm.

Neto'te 23:8

Ntshob bo ndù: A be ze bin bam ndù me yab fe nzwi àm ntùm fi, ndé' i num miag màm nà, bin ju' mba me tshob là, mbu' mbu Efron, nshum Sokar,

Neto'te 25:10

A b'a fèn ze Abraham na' njun ba Hétia là. Bo lo tshoṅ Abraham bwe mba nzwi i Sara.

Neto'te 49:29

A tshob nu bo, ntshob ndù: Bin nsi lo' àm nèn tshoṅ mbaṅ nzwit yag: Bin tshoṅ àm ntùm fi, mbaṅ tà tshàm, ntùm ngabloṅ z'a be ntùm fèn Efron ze Hétia là.

Neto'te 50:13

Bo kel i nèn yi mum ngô Kanaan ntshoṅ i mum ngabloṅ ntùm fèn mà Makpéla, fèn ze Abraham na' njun Efron ze Hétia, num nelo' ngù dù' tufi sob yi là. Yen dù' b'a mbwe Mamré.

1 Kronika 21:22

David tshob yi ndù: Fà dù' netsham nsa me, me kut tômbwôg Tshùaben bwe. Fà me nsoṅ àm njoṅ nkàb me fà là, ndù mfaṅ z'a be ntùm ngô là tum bwe.

1 Kronika 21:24

Là mfen David tshob Ornan ndù: Nga, m'a' fà nkàb z'a ku'ni njoṅ i là, nummb'a ke' bwô ndù me fà à ju z'a fe wù là Tshùaben. A ke' bwô me ton ju Tshùaben ke be ndù yen nà tsho sàm ju me.

Roma 12:17

Kà bin lo' nukebwô njagte nukebwô yi sàm mèn. Bin diag nu z'a bwô là mbwe njoṅ benntùn fa.

Roma 13:8

Kà bin faṅ njo mèn bam bin, k'a ke nda' nkôni bin bin; nummbe mèn z'a num nkô mo' mèn nà, ghù ntshù' bumte.