Neto'te 23:2 - NTSHOB NSI

² Sara kwù Kirjat-Arba z'a be Hébron ntùm ngô Kanaan nà. Abraham nèn ndàn vù Sara, nkua' i neshu.

Neto'te 23:2 Iomraidhean Croise

Neto'te 13:18

Abram tsho' ntàb i bwe nèn ntswe mbaṅ ntù mbwe' mi a be Mamré nze bag Hébron nà. A bom tômbwôg le'te Tshùaben yi bwe.

Neto'te 23:1

Sara lo tswe ntùm njù ngu'njù ntshob sammbàa bon bàa nkù. Tshù njoṅ ngu'njù tse Sara yôg yi là.

Neto'te 23:19

Yen nà lo be tôge, Abraham yab fe nzwi i Sara mum fi ntùm ngabloṅ z'a be fèn mà Makpéla, mbwe Mamré z'a be Hébron ntùm ngô Kanaan nà.

Neto'te 24:67

Isak lo' Rébéka ntsho i mum ntàb i. A lo' i k'a tù' nzwi i. A kô i. Ntù Isak fite mb'a na' mbe be ndù màab kwù là.

Neto'te 27:41

Esau tam njam Yakob mum yantù i, num nu kàn se tàab yab yi là, ntshob ntùm ntù i ndù: Tse lé'njù tàa ghebte, ndùlala me nsi zwi mfèl àm Yakob ndùse tàa nsi kwù là.

Neto'te 35:27

Yakob zin nkum mbaṅ tàab Isak Mamré ze bo be mbèn ntsiaṅ ndù Kiriat-Arba ke ndù Hébron no là. A b'a dù' ze Abraham mba Isak na' ntswe là.

Neto'te 37:14

A bùnte ndù: Tshù me li! Israél tshob yi ndù: Nèn njen mbe ze fèt tsho tswe mebwô, nyàm bèn mbe ntùn nà, o se' nsoṅ àm tshô. Israél tum Yosèf, a lo mà tômbo' Hébron nèn nkum Sikém.

Neto'te 50:1

Yosèf tum ngwù num se tàab, ndo' ntsenyà njo' i yi, ntat'é.

Neto'te 50:10

Bo zin nkum Athad z'a be yoṅ Yordan nà, bo kua' vù bwe, ndàn vù bwe tata; Yosèf làn vù tàab lé'njù sammbàa.

2 Samuél 1:12

Bo tswe nsi vù, nkua'a, ntswe nziku' tà nkum mfetnjù, ngù ndùlal'a num Saulo bo Yonatan nshum i, num nzwit mèn Tshùaben boa tunndà Israél tse bo kwùte num ntshùag ṅwi là.

2 Samuél 1:17

David nabte kwi nsindàvù num Saulo mba num Yonatan nshum i,

2 Samuél 2:11

David tô tunndà Yuda ngu'njù sammbàa ṅwù ntôge, nke ntswe Hébron.

2 Samuél 5:3

Ndùlala njoṅ ghakwé mbwe ba Israél fa nèn mbaṅ mfen mà Hébron, mfen David wat kàn boa bo bwe mbwe Tshùaben. Bo yo' David ndo' i ngù mfen yi ntùm ngô Israél.

2 Samuél 5:5

ntô num ngu'njù sammbàa ṅwù ntôge, nke ntswe Hébron; a bèn ntô Israél bo Yuda ngu'njù ntshob tat ṅam ntat, nke ntswe Yérusalém.

1 Kronika 6:57

Ndèn ntusô mi bo fà bo num dù' tsha' nzwit Isakar là, b'a Kedès mba dù' tsha' ts'a be mbaṅ bwe là, Daberat mba dù' tsha' z'a be mbaṅ bwe là,

2 Kronika 35:25

Yérémia nabte kwi nsivù num Yosias; njoṅ ghayob tshu fa tse bandum mba tse bènnzwi fa num ntsi lén Yosias ntùm nkwi mub tà nse' nkum sènni. Bo te yen ju là k'a tù' matnu Israél. Bo kite men nkwi là ntùm ṅwa'ni nkwi nsivù.

Néhémi 11:25

Tse nshum Yuda tete ntùm ba ngô, num tsha' tshobe. Bo tete Kirjat-Arba dù' ts'a ghebte bwe là, ntete Dibon mba dù' ts'a ghebte bwe là, ntete Yékabtséel mba dù' ts'a ghebte bwe là;

Yérémia 22:10

Yérémia tshob ndù: Kà bin làn mèn z'a kwù là, kà bin lab wut tsin num i. Bin làne, ndàn à mèn z'a tshwèt nèn nà, nummb'a ke nsi bèn se'e, a ke nsi bèn yen ko' ze ngô bo bwe i bwe là.

Yérémia 22:18

A ndùlala tshù ju ze Tshùaben tshob num Yoyakim nshum Yosias, mfen Yuda li: Bo ke nsi làn i tshob ndù: Wé, mfèl àm ze mandum! Wé, mfèl àm ze mènnzwi! Wé, tshùaben! Wé, mfen diba.

Nesiaṅe 13:22

Bo ko' Negéf, tà nèn nkum Hébron, dù' ze Ahima, Shedai, mba Telai, nzwit Anak na' nke ntswe bwe là. Bo lo kut Hébron, a tswe ngu'njù sammbàa kà bo nkut Tanisi mà Egipto.

Nesiaṅe 20:29

Njoṅ mbumte fa yen mbe ze nu Aron yà mi, njoṅ tunndà Israél fa làn i num lé'njù ṅam ntat.

Yohané 11:31

Ndùlala ba Yuda tse bo be boa Maria ntùm ndà, tse bo ke mfite ntù i là, be yen mb'a lo nsi ndende ntum nà, ntam njam i, nke nkwate ndù a nèn à tufi num nelàn bwe.

Yohané 11:35

Yésu fètte ntsenyà.

Mfa' Ghantum 8:2

Là ben tse bo ke mbwôg Nsi là tshoṅ Etiènne, ngù vù se yàme.

Nebwôgte 34:8

Bon Israél làn Mosé num lé'njù ṅam ntat, mà ntùm ntômbo' mi a Moab là. Tshen lé'njù vù Mosé là mi ndùse bo kum num ndù i là.

Yoshua 10:39

a lo' ngô bo mfen, ndo' ntaṅla' mi, ngwatte benntùn, ntam bu' num njoṅ tshu fa tse bo ghù zwiag là, ke bam sàm mèn tum. A ghù num Debir bo mfen i, mb'a na' ngù num Hébron, Libna bo mfen i là.

Yoshua 15:13

Bo fà mo' ze bag tsha' Kaléb nshum Yéfoné netèt bon Yuda, ndaṅndaṅ mba Tshùaben na' ntshob Yoshua là. Bo fà Kirjat-Araba z'a b'a Hébron nà yi. Araba na' mb'a tà Anak.

Yoshua 15:54

Humta, Kirjat-Araba z'a be Hébron bo Tsior là. Njoṅ i fa ntusô bwe'e boa ntaṅla' mube.

Yoshua 20:7

Ndùlala bo yab men ntusô li njam: Kédesh z'a Galiléa, num mbat Néftali là; Sikém z'a num mbat Efraim nà; Kiriat-Araba z'a b'a Hébron num mbat Yuda là;

Yoshua 21:11

Bo fà Kirjat-Araba z'a be Hébron, num mbat Yuda là bo boa dù' ts'a lam i mbum nà. Araba na' mb'a tà Anak.

Ghasa'kame 1:10

Yuda zin num ba Kanania tse bo be Hébron ndù bo na' ke ntsiaṅ yub mba ndù Kiriat-Arba là. A ma' ntshùa Shéshaï, Ahiman mba Taïmaï.

1 Samuél 20:31

Nummb'o ke nsi tswe fite, yu nufen ke tswe fite mba zit ngelaṅ no ze David, nshum Isaï ke' ntùn num nsitsha' là. Ndonni, tum bo nèn ndo' i nse' yi mbwe àm, nummb'a b'a ze mèn vùkob.

1 Samuél 25:1

Samuél kwù. Njoṅ ba Israél fa tse'te ndàn i. Bo tshoṅ i ntùm ze dù' Rama. Ndùlala David lo ntum nèn kônkwa Paran.

1 Samuél 28:3

Samuél lo à kwù; ba Israél fa lo làn i, ntshoṅ i Rama, tusô se bo bwe i bwe là. Saulo lo sô njoṅ benntùn fa tse bo ke ntshobte boa fe ben boa tse bo ke ntshob nu ndamnjù là ntùm ngô.