Neto'te 23:16 - NTSHOB NSI

¹⁶ Abraham ju' mba Efron tshob là, mfi' nkàb njoṅ ze Efron tshob là mfà yi mbwe ba Hétia, mfà ndô nkàb nkù kuà yi, kua' num ntshu ntàn ngantàne.

Neto'te 23:16 Iomraidhean Croise

Neto'te 23:15

Tshùaben àm, ju' ju ze me tshob wù là. Mekam tsha' ze njoṅ i be nguan ndô nkàb nkù kuà là b'a kua' ke netèt be à? Yab fe nzwi o ntùm fi!

Neto'te 43:21

Ndùse bag zin nkum dù' bag zi là, bag gha' mbàm mage; mba we lo tèt ze nkàb ntshu bàm i, a b'a kua' njoṅ i. Bag lo' yen nkàb là nse' yi.

Neto'te 49:29

A tshob nu bo, ntshob ndù: Bin nsi lo' àm nèn tshoṅ mbaṅ nzwit yag: Bin tshoṅ àm ntùm fi, mbaṅ tà tshàm, ntùm ngabloṅ z'a be ntùm fèn Efron ze Hétia là.

Neto'te 50:13

Bo kel i nèn yi mum ngô Kanaan ntshoṅ i mum ngabloṅ ntùm fèn mà Makpéla, fèn ze Abraham na' njun Efron ze Hétia, num nelo' ngù dù' tufi sob yi là. Yen dù' b'a mbwe Mamré.

2 Samuél 14:26

Ndùs'a kom tu i mb'a ke nkom i tamngu' là, nyiaṅtu tse sag, ndèle. Nyiaṅtu tse lo ke ndèt nguan kilô bàa, nku'ni njoṅ ze fen be ndèt yi là.

2 Samuél 24:24

Là mfen tshob Aravna ndù: Nga, me kô nejun wù, mfà njoṅ nkàb i wù. Mbèn mbe, me ke' kô neton tshule'te ts'a ke' ghù njoṅ i là Tshùaben Nsi àm. David jun dù' netsham nsa boa nyàmna' ndô nkàb silba ṅam ntàn.

ṄWA'NI YOB 28:15

Be bo ke lo' gol nelàn mbate zenu yi, be bo ke fi' silba ndo' njun i yi;

Netume 30:13

Tshù ju ze ben bo siaṅ yub nsi fà li: A b'a ta' kam ndô nkàb, num lèn ndô nkàb dù' nelàne, z'a b'a guéra ṅam mbàa là; ta' kam ndô nkàb b'a njoṅ ju nefà ze bo kwé num lén Tshùaben nà.

Yérémia 32:10

Me kite ṅwa'ni num yen nu li, nte màkwa bwe, ndo' ghakwénta, nèn mfi' silba num kilô.

Yérémia 32:9

Me jun nà Hanamél nshum mfèl àm, nà z'a be Anatot là. Me fi' nkàb silba ntshob sammbàa gham mfà yi.

Ezékia 45:12

Ta' ndô nkàb nsi b'a guéra mbàa. Ta' mina zin nsi b'a ndô nkàb ṅam mbàa, ntshob tàn gham.

Sakaria 11:12

Me tshob bo ndù: A be ze bin yen ndù a bwô là, bin fà yàm nkàbfa' me.

Matio 7:12

Njoṅ tshu fa tse bin num nkô ndù benntùn ke ngù bin nà, mba bin bèn nke ngù zin be ndaṅndaṅ num bo; nummbe a b'a ntshù' mba ghatshob ntshob Nsi.

Mfa' Ghantum 7:16

Bo ket yub nèn yi Sikém, njab yub ntùm fi se Abraham na' njun bon Hamor mà Sikém, mfà silba bo là.

Roma 13:8

Kà bin faṅ njo mèn bam bin, k'a ke nda' nkôni bin bin; nummbe mèn z'a num nkô mo' mèn nà, ghù ntshù' bumte.

Filipi 4:8

Fèt tshàm, ndonni njoṅ tshu nenùn fa, njoṅ tshu neghamte fa, njoṅ tshu netsin fa, njoṅ tshu nelàn fa, njoṅ tshu nkôni fa, njoṅ tshu ntshob mebwô fa, a be ze ju bwô là, a be ze ju ku'ni nenyàmte là, bin kwate tshen tshu là.

1 Tésalônikà 4:6

Kà mba we lo tôg mfi', ke fùte wul i ntùm ze'te, ntùm ntàne, nummbe Tshùaben num njagte mba' num lèn tshen nà, ndaṅndaṅ mba bag na' ntshob bin, mbèn nkwé nta là.