Neto'te 22:7 - NTSHOB NSI

⁷ Isak bétte tàab Abraham ndù: Tàa, a bùnte ndù: Ṅ nshum àm. Isak bèn ntshob ndù: Tshù mbwôg bo ntshwèn nà, là, njùmbwe ze be nsi ton nà yà?

Neto'te 22:7 Iomraidhean Croise

Neto'te 22:8

Abraham bùnte ndù: Nshum àm, a b'a Nsi nsi bèn fà njùmbwe ze be nsi ton yi là be; bo yi nèn ntu tshob bàa ku ntshù'.

Neto'te 8:20

Noa kut tômbwôg le'te Tshùaben. A lo' nyàm netèt tse nelàne, ndo' nsaṅ netèt mi nelàne, nton yub Tshùaben num tômbwôg le'te Nsi.

Netume 12:3

Bin tshob njoṅ nzwit Israél fa ndù: A mbe lé'njù gham ntùm yen maṅwù li, bo lo' ta' mén mbwe ntùm mba zit tunndà lo, ndo' ta' mén mbwe mba ntùm zit ndà lo.

Netume 29:38

Bèn ntshù ju z'o nsi ke nèn yi tômbwôg li: Njùmbwe tse bo ghù tamngu' là, bàa num ta' lé'njù, ndùlala matmat.

Matio 26:39

A nèn mén nda'nda', ngwù nsi kabkab, nde'te Nsi, ntshob ndù: Tà, a be z'o kô là, o ghù yen ntu' li tôg àm. Là ke b'a mba me kô là, là mb'o kô là.

Matio 26:42

A bèn nèn nde'te Nsi num mbatte yoṅ bàa, ntshob ndù: Tà, a be ze yen nà ke' ku' netôg ke me nu i là, yu nekô bumte!

Yohané 1:29

Njù be làne, Yohané yen Yésu, a nke nse' mbaṅ i, a tshob ndù: Tshù mén njùmbwe Nsi z'a ket nukebwô njù là.

Yohané 1:36

a be yen Yésu z'a ke ntshùa là, nte miag mi num i, ntshob ndù: Tshù Mén njùmbwe Nsi là.

Yohané 18:11

Ndùlala Yésu tshob Pétro ndù: so ṅwi mbàn! Me ke nu ntu' ze Tà na' mfà me là ké?

Roma 8:15

Bin lo ke kwé à Ywèt kuan num nebèn nke mbwôge, là bin lo kwé à Ywèt bon nekwiagte, tse bag à bin be nkua' ntùm bwe ndù: Abba! Tà!

Apokalipse 13:8

Njoṅ ba ntùm njù fa nsi ghamt'é, ben tse bo ke' kite lén sob fe ngelaṅ nenabte njù, ntùm ṅwa'ni yôg mén njùmbwe ze bo na' nse tô i là.