Neto'te 22:3 - NTSHOB NSI

³ Abraham lo nsi mà nkebnjù, nabte kekwèn i, ndo' ghafa' tse bàa, mba nshum i Isak. A bag ntshwèn jule'te Nsi z'a nsi ton nà, ntam nze nenèn dù' ze Nsi na' ntshob yi là.

Neto'te 22:3 Iomraidhean Croise

Neto'te 17:23

Ndùlala Abraham lo' mén i Ismaél boa njoṅ benntùn fa tse bo bwe yub ndà i là, njoṅ ts'a lo' nkàb i njun yub yi là; nekebte b'a ndù a lo' njoṅ bon bandum fa, nsi ngub z'a ntshu ket bo là num sen lé'njù là, ndaṅndaṅ mba Nsi na' ntshob yi là.

Neto'te 21:14

Abraham lo nsi mà nkebnjù ndo' bàn bo ntu' ntse mfà Agar, njab nshum i num nkembe' i, nta' i. A nèn mfàn manze nke ntsha num kônkwa Ber-Shéba.

Neto'te 22:18

Me nsi tshùa njam nzwil o kà yab kàn ngôngô ts'a nsitsha' là, nummb'o ju' ntshu àm.

Neto'te 22:2

Nsi tshob yi ndù: Lo' nshum o, z'a be wù ntshù', z'o be nkô i là, Isak, nèn yi mum ngô Morija, num mbat ze me nsi la'te wù là, nton i bwe fafa ngamt'àm yi.

Neto'te 22:4

A be kum lé'njù tat Abraham bù' miag mi njen dù' là tà ngùanesà.

Yobkwi 119:60

Me be nànte, ke ghubte neze nkàn mu.

Nzenu 9:10

Mba kelo z'o yen ndù a bwô neghù, o ku'ni neghù là, o ghù nummbe dù' z'o tshwèt nèn nà, sàm fa', sàm njo, sàm nkwate ke sàm zenu lo ke nsi be bwe.

Matio 10:37

Mèn z'a kô tàab ke màab lo ntshùa àm nà, a ke' ku'ni num àm. Mèn z'a kô nshum i ke ngon i lo ntshùa àm nà, a ke' ku'ni num àm.

Lukas 14:26

A be ze mèn se' me ke gha tàab, màab, nzwi i, mba kua' se yôg là, mb'a ke' ku'ni nebe ngazi'te nu àm.

Galatia 1:16

nela'te Mén i me, ndù me tshob i netèt ghakelèn Nsi; yen ngelaṅ nà, me nèn Arabia be ndùse, ke kwé ntag mbàb mba lem,

Héber 11:8

Njam bamntù, Abraham ze Nsi na' ntsiaṅ i là lo ju' ntshu i, nèn du' z'a nsi tù' ntsi' mi là, a nèn ke lèn du' z'a nèn nà.

Yoshua 3:1

Njù làn nkebnjù, Yoshua tsho' mbàn Sittim boa njoṅ bon Israél fa. Bo zin nkum mbaṅ Yordan, ntsin bwe kà njôg ndule.

Yoshua 8:10

Yoshua lo nsi kua' mà nkebnjù, ntsha' ntshu ntsho, nèn num Aï boa njoṅ tse ghakwé mbwe ba Israél fa, ndù bo tsin tu ngô.