Neto'te 22:2 - NTSHOB NSI

² Nsi tshob yi ndù: Lo' nshum o, z'a be wù ntshù', z'o be nkô i là, Isak, nèn yi mum ngô Morija, num mbat ze me nsi la'te wù là, nton i bwe fafa ngamt'àm yi.

Neto'te 22:2 Iomraidhean Croise

Neto'te 17:19

Là Nsi bèn ntshob ndù: A ke b'a ndùlala! Kua' nzwi o Sara nsi bwe mén mandum wù, o yab lén se ndù Isak. Me nsi wat kàn bag yi, wal à kàn s'a tswe matmat là, mba bag nzwil i.

Neto'te 21:12

Là Nsi tshob Abraham ndù: Kà lab wul o num nu nshum o Ismaél bo nkuan o ze mènnzwi Agar. Bam mba ke lo ze Sara nsi bètte wù là. Nummbe ko' yu nzwit nsi tum à num Isak.

Neto'te 21:3

Abraham tswi lén nshum i ndù Isak, nshum i ze bo bwe i, nshum i ze Sara bwe yi là.

Neto'te 22:12

Angél tshob ndù: Kà yab bu num mén nà! Kà ghù sàm kebwô num i. Me lèn ndonni ndù o be mbwôg Nsi, nummb'o ke' gha me nelo' nshum o ngamt'àm yi, yi z'a be nkwimén nà.

Neto'te 22:16

ntshob yi ndù: Tshùaben tshob ndù: Mb'o ghù ndùlala, ke gha me nelo' nshum o ngamt'àm yi, yi z'a be nkwimén nà,

Neto'te 22:3

Abraham lo nsi mà nkebnjù, nabte kekwèn i, ndo' ghafa' tse bàa, mba nshum i Isak. A bag ntshwèn jule'te Nsi z'a nsi ton nà, ntam nze nenèn dù' ze Nsi na' ntshob yi là.

Neto'te 22:9

Ndùse bo zin nkum dù' ze Nsi la'te là, Abraham bom tômbwôg bwe, njab ntshwèn mbwôge, ngom nshum i Isak nkule, njab i num tômbwôge, num ntshwèn.

Neto'te 8:20

Noa kut tômbwôg le'te Tshùaben. A lo' nyàm netèt tse nelàne, ndo' nsaṅ netèt mi nelàne, nton yub Tshùaben num tômbwôg le'te Nsi.

2 Fenfen 3:27

Ndùlala, a lo' tuswe i z'a na' mbwô ndù a bèn ntô num ze dù' là, nton i num kàbngô num jule'te. Yen nu là kam mo' yantù ndùb num ba Israél, bo lo mbaṅ mfen Moab nkù mbèn ntùm yub ngô.

2 Kronika 3:1

Salomon to' nekut ba' Tshùaben Yérusalém, num mbat Morija, dù' ze bo la'te tàab David là. David lo nabte yen dù' là num dù' netsham nsa Ornan ze Yébusia.

Mika 6:7

Tshùaben nsi bam nkomnjù ntsha'ntsha' ke nete' mfèt ntsha' gham no ké? Be me fà à tuswe àm num mfànnu màm ke ju z'a tum zwe' àm nà num nukebwô ntù àm ké?

Yohané 3:16

Nummbe Nsi lo kô njù neshu, kà mfà nkwi Mén i ntshù' ndù mba we lo z'a bam i là, k'a bi, là ndù a ghù yôg matmat.

Roma 5:8

là Nsi num nda'te kua' nkôni i be: Ngelaṅ ze be na' nke' à ben kebwô là, Kristô lo kwù num be.

Roma 8:32

Yi z'a na' mbe ke faṅ ko' Mén i, là mfà i num njoṅ be fa là, a nsi be ke fà njoṅ tshu fa be, bag à bin bo à ndùke?

Héber 11:17

Njam bamntù, Abraham ze Nsi laṅt'é là, lo fà Isak num jule'te Nsi, a fà nkwi mén i ntshù', yi z'a na' nkwé nka'ni,

Ghasa'kame 11:31

mba mba we lo z'a nsi tum ndà se' mbwe àm, ndùse me nsi be fe ju bon Ammon ke ṅwate là, me nsi fà i Tshùaben, ton i Tshùaben à kua' fafa.

Ghasa'kame 11:39

Ṅwù bàa lo be tôg ngon Yéfté bèn njam mbaṅ i, a zwiagte nka'ni a na' ngù là num i. A lo be ndù a ke' yoṅ ndèn mén mandum.