Neto'te 22:18 - NTSHOB NSI

¹⁸ Me nsi tshùa njam nzwil o kà yab kàn ngôngô ts'a nsitsha' là, nummb'o ju' ntshu àm.

Neto'te 22:18 Iomraidhean Croise

Neto'te 12:2

Me nsi lo' o ghù tàa nzwit ndùb yi. Me nsi yab kàn wù, ghù lén so ju'ni. Kàn nsi ke fe à wù.

Neto'te 12:3

Me nsi yab kàn ben tse bo nsi yab kàn wù là, so ndon tu ben tse bo nsi so ndon tu o là. Njoṅ nzwit benntùn fa nsitsha' nsi tshùa à njam o kà kwé kàn.

Neto'te 18:18

Abraham a' tù' tànjam ngô mba ze neta. Bo nsi tshùa à njam i kà yab kàn njoṅ ngôngô fa nsitsha'a.

Neto'te 18:19

Nummbe me lo tsho' i, ndù a tshob bon tse tse bandum boa njoṅ tunndà i fa ndù bo tù' nke nzin num manz'àm, nke ngù nunetsin bo ze ndaṅndaṅ. A nsi tshùa ndùlala ju ze me Tshùaben na' mbù Abraham nà bumte.

Neto'te 22:10

Abraham tshag bu ndo' bi nese tô nshum i yi.

Neto'te 22:3

Abraham lo nsi mà nkebnjù, nabte kekwèn i, ndo' ghafa' tse bàa, mba nshum i Isak. A bag ntshwèn jule'te Nsi z'a nsi ton nà, ntam nze nenèn dù' ze Nsi na' ntshob yi là.

Neto'te 28:14

Nzwil o nsi b'a mba mbab mi a num nsitsha' là. O nsi sa neto' fe bag ntumnyam nèn nkum bag mbinyam, sa fe tu nèn kum mà ntèn. Njoṅ tunndà fa nsitsha' nsi tshùa njam o bo njam nzwil o kà kwé kàn.

Yobkwi 72:17

A bwô ndù lén se be njoṅ ndù fa. A bwô ndù lén se be njoṅ ndù fa ze lagnyam ke' ntum nà; benntùn nsi tshùa njam i yab kàn bo bo. Njoṅ ngôngô fa nsi tshob ndù a b'a mènfen.

Netume 7:6

Mosé bo Aron ghù ju ze Tshùaben na' ntshob bo là, ngù be ndaṅndaṅ.

Yérémia 4:2

A be z'o lo' tu wut Tshùaben nsaṅlaṅ yi, ntùm nenùne, ntùm ndaṅndaṅ, ntùm netsin nà, mba bo nsi tshùa njam i tam ntse ngôngô, ngôngô bèn nke ṅwate njam i.

Yérémia 7:23

Là, tshù nu ze me na' ntshob bo li: Bin ju' nz'àm mba me nsi be Nsi zin, tu wut tsin be yàm nzwit mèn. Bin zin num tshàm manze tse me na' ntshob bin nà, ndùlala ndù bin be ghafen.

Matio 1:1

Ṅwa'ni tunndà Yésu Kristô, mén David, mén Abraham.

Mfa' Ghantum 3:25

Bin b'a bon ghatshob ntshob Nsi mba bon kàn se Nsi na' ngwat boa tà be là, a lo tshob Abraham ndù: Njam nzwil o, njoṅ nzwit benntùn fa ntùm njù nsi ghù mbotni.

Roma 1:3

mfà num mén i, Yésu Kristô Tshùaben be: Num mat mbàb wut, a tum ntùm nzwit David;

Galatia 3:16

Là Nsi na' ngù nka'ni à Abraham mba nzwil i, a ke' tshob ndù: Mba nzwit tse, mb'a b'a tse yàm nà, là, a b'a nda' ta' i ntshù': Mba nzwil o, yen nà b'a ndù Kristô.

Galatia 3:18

Nummbe, a be ze ntsi' b'a num ntshù' là, mb'a ke bèn mb'a nka'ni, là Nsi na' mfà ju kondèn Abraham à njam nka'ni.

Efésô 1:3

Ghamte be Nsi mba Tà Tshùaben be Yésu Kristô, z'a naṅ njoṅ mbotni Ywèt fa ts'a mfe kamànyam nà num be, num Kristô là.

1 Samuél 2:30

Ndùlala Tshùaben, Nsi Israél tshob ndù: Me lo tshob mbe tunndà o bo ze tàan nsi fa' me matmat. Là, ndonni yen nu là mi. M'a' ghù nku'ni ben tse bo ghamt'àm nà; ngwag ben tse bo wag àm nà, Tshùaben bèn ntshob ndùlala.