Neto'te 22:17 - NTSHOB NSI

¹⁷ me nsi yab kàn wù, ghù nzwil o yàm mba nsa mi a mfe kamànyam nà, njàm mba nkwango' mbaṅ dibantse là, ghù ndùlala kà nzwil o lo' ngô ghakeban tse.

Neto'te 22:17 Iomraidhean Croise

Neto'te 12:2

Me nsi lo' o ghù tàa nzwit ndùb yi. Me nsi yab kàn wù, ghù lén so ju'ni. Kàn nsi ke fe à wù.

Neto'te 13:16

me nsi ghù nzwil o yàm mba mbab mi a nsitsha' là; be mèn ku'ni nesiaṅ nzwil o à ngelaṅ z'a ku'ni nesiaṅ mbab mi a nsitsha' là.

Neto'te 15:5

A tshob ndùlala, ndo' Abram ntum yi njù, ntshob yi ndù: Bù' miag mu mfe kamànyam nsiaṅ nsa, a be ze b'o ku'ni nesiaṅ nà. Tshùaben tshob Abram ndù a b'a mba nzwil i nsi be là.

Neto'te 17:6

Me nsi ghù o bwe bon neshu; tsemo' netèt bo nsi tù' fenfen. Ngô yàm nsi tum num o.

Neto'te 24:60

Bo yab kàn Rébéka ntshob ndù: Mfèt yag, a bwô ndù ben ntsha'ntsha', ben ntshu'ntshu' tum num o! A bwô ndù nzwil o lo' ngô ghakeban tse.

Neto'te 25:11

Ndùse Abraham kwù là, Nsi yab kàn nshum i Isak. A ke ntswe à mbaṅ tôntse Lakaï-Roi.

Neto'te 26:24

Tshùaben ṅwag, ntèl i yen tèttswe' là ntshob yi ndù: Me b'a Nsi tàan Abraham. Kà bwôg sàm ju, bag wù bèn mbe, me nsi yab kàn wù, ghù nzwil o yàm num lén ngafa' àm Abraham.

Neto'te 26:4

me nsi ghù nzwil o yàm mba nsa mi a mfe kamànyam nà, me bèn mfà tshen ngô li nzwil o; me nsi tshùa njam nzwil o kà yab kàn njoṅ ngôngô nsitsha' fa.

Neto'te 28:3

A bwô ndù El-Shaddaï yab kàn wù ngù o bwe nzwil o yàme, ntù' mbumte ngôngô.

Neto'te 28:4

A bwô ndù a yab kàn wù bin nzwil o ndaṅndaṅ mb'a na' njab kàn Abraham nà, nedù ngô z'o be ngùn ntùm bwe ndù a lo fà Abraham nà tù' yu.

Neto'te 32:12

Tu wul o lo tshob ndù: Me nsi ghù mebwô wù; me nsi ghù nzwil o be mba nkwango' mi a dibantse là, njàm kà mèn ke ku'ni nesiaṅ yube.

Neto'te 32:13

Yakob na' nzi à yen dù' là. A lo' ju num z'a ghù bu i là, mfà nda' yi mfèl i Esau.

2 Samuél 17:11

Màm ntag b'a ndù njoṅ ba Israél fa tse'te mbaṅ o, neto' Dan nèn nkum Ber-Shéba, njàm mba nkwango' mi a num nkaṅ dibantse là. Tu wul o kwé mbwe num ntsho.

1 Fenfen 4:20

Yuda bo Israél lo yàm neshu, mbe mba nkwango' mi a nkaṅ dibantse là. Bo lo ke njù, nu, nke ntsiaṅte.

1 Fenfen 9:26

Mfen Salomon nabte nsitima mà Etsjon-Guéber, mbaṅ Elot, num nkaṅ dibantse meba, ntùm ngô Edom.

1 Kronika 27:23

David lo ke siaṅ bon Israél tse bo ghù ngu'njù ṅam mbàa kà ntôgte là, nummbe Tshùaben lo ka' mb'a nsi ghù ba Israél yàm mba nsa mi a mfe kamànyam nà.

2 Kronika 1:9

Tshùaben Nsi, ndonni nka'ni z'o ka' tàa David bumte, nummb'o ghù me nke ntô ta' nzwit mèn z'a yàm mba mbab mi a nsitsha' là!

Néhémi 9:23

O lo ghù bon tshob tse bandum yàm mba nsa mi a mfe kamànyam nà, o ghù bo tsho ntùm ngô z'o na' ntshob tà tshob ndù bo nsi lo' a be yub là.

Netume 32:13

Kwimte Abraham, Isak bo Israél, ghafa' tsho ts'o na' ndo' tu wul o nsaṅlaṅ yi, ntshob ndù: M'a' ghù nzwit zin yàm mba nsà mi a kamànyam nà. O lo bèn ntshob mba ndù: Me nsi fà njoṅ ngô fa me na' ntshob là tunndà o, a tù' yub ju matmat.

Esaya 48:19

Mba nzwil o b'a mba kwango' là, mba nzwit z'a tum zwe' o là b'a mba nkwango' là. mba bo ke nsi bwete lén so, ke biagte lén so mbwe àm.

Yérémia 32:22

O lo fà yen ngô li bo, ngô z'o na' nsaṅlaṅ bwe tà tshob ndù o nsi fà bo là, ngô ze mbùn be nswe' bwe bo ṅwa' là.

Yérémia 33:22

Ndaṅndaṅ mb'a be mèn ke siaṅ ntshu ntsho mfe kamànyam, ke fi' nkwango' mi a dibantse là, be ndaṅndaṅ me nsi ghù nzwit David ngafa' àm yàme, bo ze ben Lévi tse bo num mfa' num yàm ntshufa' là.

ṄWA'NI OSÉ 2:1

Mba ndùlala, bon Israél nsi yàm mba nkwango' mi a dibantse là, be mèn ke ku'ni nefi'i, ke bèn nsiaṅ i; bo nsi tsiaṅ yub ndù bon Nsi z'a be ntùn nà, ntùm dù' ze bo tshwèt ntshob bo ndù: Bin ke' b'a yàm nzwit mèn nà:

Mika 1:9

Nummbe mfaṅ nèn tà nkum mà Yuda, nèn tà nkum nzendà yàm nzwit mèn, nèn tà nkum Yérusalém. Tshen mfaṅ nà b'a ketùn mfaṅe.

Roma 4:13

Nummbe Nsi lo ka' Abraham ke nzwil i lo ndù njù nsi be ju ntsi' i, ke b'a num ntshù' là num nunetsin ze bamntù num mfà là.

Roma 9:27

Là, Esaya kua' num Israél ndù: Bon Israél lo njàm be mba nkwa dibantse là, mba tshé' i nsi bèn yôge.

1 Korintô 15:57

Ghamte be Nsi z'a fà netshùa ntsho be njam Tshùaben be Yésu Kristô là.

Efésô 1:3

Ghamte be Nsi mba Tà Tshùaben be Yésu Kristô, z'a naṅ njoṅ mbotni Ywèt fa ts'a mfe kamànyam nà num be, num Kristô là.

Nebwôgte 1:10

Tshùaben Nsi zin ghù bin yàm ndonni kà ntù' b'a mba nsa mi a mfe kamànyam nà.

Nebwôgte 1:11

A bwô ndù Tshùaben Nsi tà tsin kwi'te zin ndùlala yoṅ ntsha' mbùm ntshùate, mbèn ntam ntse bin mb'a na' mbù bin nà.

Nebwôgte 10:22

Tà tsho lo swe' nèn Egipto, benntùn ntu ṅam sammbàa, ndonni Tshùaben Nsi o lo' o ngù ta' bwoṅ benntùn yi, z'a yàm mba nsa maṅwù là me Israél.

Nebwôgte 13:17

O nsi kùmte ntsha' fa netèt ngô ton tusô fafa boa ntsha' ntsho num miag Tshùaben Nsi o. Sen tusô là nsi tù' z'a ta' fèt se ndùlala, mèn be ke bèn nkul i.

Nebwôgte 13:18

A ke' bwô ndù sàm ju ze bo tam ntshù' bwe là ghô bu o, mbwôg ndù kà tonte yantù Tshùaben kam num o, mba a fà kondèn i wù, ntshàm ndèn mu, ngù o yàm, nsin mb'a na' ntshob nsaṅlaṅ bwe tà tsho là.

Nebwôgte 21:19

mb'a bwô ndù tàab bo màab lo' i nèn yi mbwe ghakwé mbwe ntùm se tusô, num nsém tusô s'a be ntswe bwe là.

Héber 11:12

A ndùlala, ta' mèn lo bwe benntùn yàme, mba mb'a na' ntù' nekwù là, bo yàm mba nsa mfe kamànyam nà, njàm mba nkwa kaṅ dibantse là, mèn ke ku'ni nesiaṅte.

Héber 6:14

ntshob ndù: Kua' nenùne, me nsi naṅ mbotni num o yàme, me nsi ghù o yàm nga' mbu.

Apokalipse 11:15

Mbatte Angél sammbàa tô nta: Ba nze ndùbndùb tshob mfe kamànyam ndù: Nufen njù tù' se Tshùaben be mba Kristô i, a nsi be mfen num ngu'ngu'.