Neto'te 22:12 - NTSHOB NSI

¹² Angél tshob ndù: Kà yab bu num mén nà! Kà ghù sàm kebwô num i. Me lèn ndonni ndù o be mbwôg Nsi, nummb'o ke' gha me nelo' nshum o ngamt'àm yi, yi z'a be nkwimén nà.

Neto'te 22:12 Iomraidhean Croise

Neto'te 20:11

Abraham bùnte ndù: Me lo kwate ndù sàm mèn ke' be bwôg Nsi mum yen ngô li, ndùlala, nkwate mbe bo ghù nezwi àm num tu nzwi àm.

Neto'te 22:13

Abraham bù' miag mi njen mo' komnjù ndù ndù' lamte num ndô mi num tswe'tù. Abraham nèn nkiagte komnjù là, nton Nsi num ze dù' nshum i.

Neto'te 22:16

ntshob yi ndù: Tshùaben tshob ndù: Mb'o ghù ndùlala, ke gha me nelo' nshum o ngamt'àm yi, yi z'a be nkwimén nà,

Neto'te 22:2

Nsi tshob yi ndù: Lo' nshum o, z'a be wù ntshù', z'o be nkô i là, Isak, nèn yi mum ngô Morija, num mbat ze me nsi la'te wù là, nton i bwe fafa ngamt'àm yi.

Neto'te 26:5

Nummbe Abraham lo ju' nz'àm, nze ju ze me tshob là: Ntag màm, nkàn màm boa ntshù' màm.

Neto'te 42:18

A be kum mbatte lé'njù tat Yosèf tshob bo ndù: Me be mbwôg Nsi. A be ze bin kô neyôg wut tsin nà, bin ghù ju ze me nsi tshob bin nà.

Néhémi 5:15

Ngomna tse bo bwôg be me là lo nyu' ngô, nke nkwé bàn bo ndu' bo, kà mbèn ngù ndô nkàb silba ṅam nkuà; tshé' ghafa' tshob lo bèn nke ngù yub be ndaṅndaṅ, nke mfétte ngô. Tu wul àm me ke' ghù ndùlala, nummbe me tshwèt mbwôg Nsi.

ṄWA'NI YOB 1:1

Mo' mandum lo be ntùm ngô Uts, lén se Yob, mandum nà na' mb'a mèn netsine, mbe mèn ndaṅndaṅ. A lo ke mbwôg Nsi, nke ndo' mvèn i ntam nukebwô yi.

ṄWA'NI YOB 28:28

Yen ngelaṅ nà Nsi tshob mènntùn ndù: Nebwôg Tshùaben b'a zenu. Nekù nukebwô b'a nesiaṅte.

ṄWA'NI YOB 5:19

A nsi tshu' o num nge' yoṅ ntôge, A be kum yoṅ sammbàa nukebwô be ke bèn nkwag o.

Yobkwi 1:6

Nummbe Tshùaben lèn manze ben netsine. Là manze ghatshùagntù ke nkum à ntùm nebi.

Yobkwi 111:10

Nebwôg Tshùaben b'a neto'te zenu. Ben tse bo be ngù ndùlala là ghù nkwate nelàne. Ghamt'é be ntswe matmat.

Yobkwi 147:11

Tshùaben be nkô ben tse bo be mbwôg i, nke nywinte num kondèn i là.

Yobkwi 2:11

Bin fa' Tshùaben ntùm nebwôge, bin ke ntsiaṅte ntùm nevètte,

Yobkwi 25:12

A zit mèn z'a be mbwô Tshùaben à? Tshùaben be nda'te manze z'a nsi tsho' là yi.

Yobkwi 25:14

Tshùaben la'te tsham se à ben tse bo be mbwôg i là, tsham se mbit be ntswite yub kàn Tshùaben.

Netume 20:20

Mosé bùnte bo ndù: Kà bin bwôg. Nsi se' à num nelaṅte zine, bo neghù ndù bwôg i tshote zine, ntshètte zin neghù nukebwô.

Tànkùt 1:7

Nebwôg Tshùaben b'a mbwe neto'te zenu. Kagni be ngwag nelèn zenu bo nezi'te.

Nzenu 12:13

Miagte tshô: Bin yà ju' njoṅ i fa. Bwôg Nsi mbèn nze ntshù' mi, nummbe yen nà bèn nke ndo' mèn ngù mènntùn yi.

Yérémia 19:5

bo kut mbwe' Baal, num neke nton nshumnshum tshob bwe num lén se. A ke' b'a ju ze me na' nkite là, ke be ndù me lo tshobe, ke bèn ngù mba nkwate num bwe.

Yérémia 32:40

Bag à bo nsi wat kàn s'a tswe matmat là. Me ke nsi bèn sô wul àm num bo, m'a' ke ngù numebwô bo. M'a' yab bwôg àm ntù bo, ndùlala ndù kà bo bèn nke nkù àm nekùù.

Matio 16:24

Ndùlala Yésu tshob ghazi'te nu i ndù: A be ze mèn kô nebwe àm nà, a gha tu wul i, nket ze fanta'tù, mbèn ntam njam àm.

Matio 19:29

Mba we lo z'a na' mfaṅ mba' mi, ke fèt tse bandum ke tse bènnzwi, ke tàab ke màab, ke bon tse, ke nà i lo num lén sàm nà, a nsi kwé tshen tshu là yoṅ yàme, bèn ghù ze bag i num yôg matmat.

Matio 5:16

Ndùlala ndù nka' zin ké' mbwe benntùn ndù bo yen mfa' min mi mebwô, ngamte Tà zin z'a be mfe kamànyam nà.

Yohané 3:16

Nummbe Nsi lo kô njù neshu, kà mfà nkwi Mén i ntshù' ndù mba we lo z'a bam i là, k'a bi, là ndù a ghù yôg matmat.

Mfa' Ghantum 9:31

Ntùm njoṅ ngô Yudéa fa, Galiléa mba Samaria, ntse'te benkristô na' mb'a ntùm fite, Nsi nke nkul i; a nke njôg ntùm nebwôg Tshùaben, mbèn nke nkwi'te njam Ywèt Nelàn ngafitentù.

Roma 5:8

là Nsi num nda'te kua' nkôni i be: Ngelaṅ ze be na' nke' à ben kebwô là, Kristô lo kwù num be.

Roma 8:32

Yi z'a na' mbe ke faṅ ko' Mén i, là mfà i num njoṅ be fa là, a nsi be ke fà njoṅ tshu fa be, bag à bin bo à ndùke?

1 Korintô 10:13

Sàm laṅte ke' to' se' k'a ke b'a num ze njoṅ mènntùn. Là Nsi b'a mèn nenùne, a ke nsi bam ndù laṅte z'a tshùa zin neta là se' bin, là, a nsi fà neta nefènte ntùm laṅte, mba manze netum yi ntùm bwe.

2 Korintô 8:12

A be ze mèn kù ntù nefa' là, mba bo nsi bam i num ju z'a ghù là; be bo ke bètt'é ju z'a ke' ghù là.

Héber 11:19

a lo ke nkwate ndù Nsi ku'ni nebam fe ben num vù dù' z'a bèn nkwé mén i ntùm tànkùt là.

Héber 12:28

Ndùlala, mba be kwé nufen z'a ke' be nyi'te là, bag à bin tshùb yen kondèn nà, mfa' fa' Nsi ntùm nebwôg i mba ntùm nku'ni, mb'a bwô i là.

Yakobo 2:18

Mèn ghù netshob ndù: Wù, o ghù bamntù, tu wul àm, me ghù mfa'; la'te bamntù o me ke mfa', tu wul àm me nsi la'te bamntù àm wù njam mfa'.

Apokalipse 19:5

Mo' nze tum ntùm ko'fen, ntshob ndù: Bin ghamte Nsi yag, bin njoṅ ghafa' tse fa, bin tse bin num mbwôg i là, bin bônke' mba bin dùbdùb.

1 Samuél 15:22

Samuél tshob ndù: Tshùaben be nju' mebwô ndùse mèn ju' nz'é là ntshùa neton ba nyàm yi ke nefà tshule'te lo. Neju' ntshu bwô ntshùa jule'te, nefà wut nsi bwô ntshùa nzit ba njùmbwe.