Neto'te 22:11 - NTSHOB NSI

¹¹ Là Angél Tshùaben tsin mfe kamànyam ntsiaṅ i, ntshob ndù: Abraham! Abraham! Abraham bùnte ndù: Tshù me li,

Neto'te 22:11 Iomraidhean Croise

Neto'te 16:7

Angél Tshùaben yen Agar mbaṅ mo' tumnsi ntse num kônkwa, mbaṅ tumnsi ntse z'a be num manze Shur là,

Neto'te 21:17

Nsi ju' nze mén; Angél Nsi tsin mfe kamànyam ntsiaṅ Agar, ntshob yi ndù: A ke Agar? Kà bwôg nummbe Nsi ju' nze mén mum dù' z'a be bwe là.

Neto'te 21:18

Lo nsi, bù' mén nsi ntshùb bu i bu o, nummbe me nsi lo' i ghù ngô ndùb yi.

Neto'te 22:1

Tshen nu là lo be tôge, Nsi ghù lo' nzenu num Abraham, ntshob yi ndù: Abraham, Abraham bùnte ndù: Tshù me li.

Neto'te 22:10

Abraham tshag bu ndo' bi nese tô nshum i yi.

Neto'te 22:12

Angél tshob ndù: Kà yab bu num mén nà! Kà ghù sàm kebwô num i. Me lèn ndonni ndù o be mbwôg Nsi, nummb'o ke' gha me nelo' nshum o ngamt'àm yi, yi z'a be nkwimén nà.

Neto'te 22:16

ntshob yi ndù: Tshùaben tshob ndù: Mb'o ghù ndùlala, ke gha me nelo' nshum o ngamt'àm yi, yi z'a be nkwimén nà,

Neto'te 24:7

Tshùaben, Nsi kamànyam, z'a na' ndo' àm ntùm ndà tàa, mba mum ngô ze bo bwe àm bwe là, lo tshob me nsaṅlaṅ bwe, ntshob ndù: Me nsi fà yen ngô li nzwil o. Tu wul i nsi tum Angél i mbwe o; o nsi nèn à bwe diag nzwi nshum àm bwe.

Neto'te 31:11

Angél Nsi tshob me mum njem ndù: Yakob, me bùnte ndù: Tshù me li.

Neto'te 37:13

Israél tshob Yosèf ndù: Fèt tsho b'a Sikém mbéb nyàm bwe. Se' me tum o mbaṅ bo.

Neto'te 46:2

Nsi tshob Israél mum njem tèttswe' ndù: Yakob! Yakob! A bùnte ndù: Tshù me li!

Neto'te 48:16

A bwô ndù Angél z'a na' nsô àm mum nge' là yab kàn tshen bonnshum ni. A bwô ndù lén sàm, se tà tshàm Abraham bo Isak tshùa njam bo nju'ni. A bwô ndù bo bwe, njàm ntùm ngô!

Netume 3:2

Angél Tshùaben ṅwag yi ntùm mo' lambwôg z'a ke ntum tèt mo' tswe'tù là. Mosé lôte, tswe'tù là nke nge'e, là ke nkù.

Netume 3:4

Tshùaben yen mb'a tshwèt nkù'te nèn lôte là; Nsi tsin tèt tswe'tù ntsiaṅ Mosé ndù: Mosé! Mosé! A bùnte ndù: Me li:

Esaya 6:8

Me ju' nze Tshùaben nke ntshob ndù: Me nsi tum à we? We z'a nsi nèn num yag tu à? Ndùlala me bùnte ndù: Tshù me li, tum àm.

Mfa' Ghantum 26:14

Mba njoṅ yag fa vù nsi là, me ju' mo' nze a nke ntshob me ntshob ba Héber ndù: Saulo, Saulo, numk'o nke ntsho' nku màm kebàn à? Ko' ghom o, netum ke bwe.

Mfa' Ghantum 9:4

A vù nsi, nju' mo' nze nke ntshob yi ndù: Saulo, Saulo, numk'o nke ntsho' nku màm kebàn à?

Ghasa'kame 2:1

Angél Tshùaben lo mà Guilgal nko' nkum Bokim, ntshob ndù: Me na' nsô zin ntum yi Egipto à ndù bin se' ntsho ntùm ngô ze me na' nsaṅlaṅ bwe tà tsin mbe me nsi fà bin nà. Me na' tshob ndù: Mba lé' ntshù' me ke nsi bagte kàn se bag bin wat là.

1 Samuél 3:10

Ndùlala Tshùaben se' ntsin mbaṅ Samuél ntsiaṅ i mba tsemo' yoṅ tse là ndù: Samuél! Samuél! Samuél bùnte ndù: Tshobe, ngafa' o tshwèt nju'u.

1 Samuél 3:4

Tshùaben tsiaṅ Samuél, a bùnte ndù: Tshù me li.