Tshùaben, Nsi kamànyam, z'a na' ndo' àm ntùm ndà tàa, mba mum ngô ze bo bwe àm bwe là, lo tshob me nsaṅlaṅ bwe, ntshob ndù: Me nsi fà yen ngô li nzwil o. Tu wul i nsi tum Angél i mbwe o; o nsi nèn à bwe diag nzwi nshum àm bwe.
Tshùaben ṅwag, ntèl i yen tèttswe' là ntshob yi ndù: Me b'a Nsi tàan Abraham. Kà bwôg sàm ju, bag wù bèn mbe, me nsi yab kàn wù, ghù nzwil o yàm num lén ngafa' àm Abraham.
Là Tshùaben ghù kondèn num bo, ntshàm ndèn mube; a kaṅ se i ndôte yub num nu kàn s'a wat bo Abraham, Isak mba Yakob là. A ke kô nebiagte yube. Tà nse' nkum mba ndonni a ke' tsho' lag num bo.
Mosé bùnte ngô ndù: Kà bin bwôg. Bin tswe ndù kam. Bin nsi yen mba Tshùaben nsi tshu' zin nà sènni. Tshen ba Egipto li tse bin tshwèt njen yub sènni là, bin ke nsi zi bèn yen yube.
Tshùaben tshob ndù: Me yen nge' yàm nzwit mèn be ntùm bwe Egipto là, nju' kua' tse ghaghùtni yub be nke ngù bo nkua' là. Me lèn kua' nge' a be ntùm bwe là.
Kà bwôg sàm ju, nummbe bag wù bèn mbe. Kà ke ma' miag ngabwôg, nummbe me b'a Nsi o. Me so neta num o, me se' ywimt'o; me lo' bu àm ze tshùa ntsho ze zwim ntomt'o yi.
Yésu tsiaṅ ghazi'te nu i mbaṅ i, ntshob ndù: Ndèn bwoṅ benntùn ni ko àm, nummbe be tswe bo à bo lé'njù tat, bo ke ghù ju nejù. Me ke' kô nelé'te yub bo nèn nziku'u, mbwôg ndù kà neta bwoṅ bo manze.