Neto'te 21:16 - NTSHOB NSI

¹⁶ nèn ntswe se i ndaṅndaṅ, num nguan ma' loṅ; nummb'a lo ke ntshob ntù i ndù: Be me ke ke njen mén àm k'a nke nkwù. A tswe se mén ndaṅndaṅ, mén tshag nz'é tù, nkua'a, nke ndàne.

Neto'te 21:16 Iomraidhean Croise

Neto'te 21:15

Ngelaṅ ntse mi a be ntu' mi là, Agar yab mén tun mo' metswe' tù,

Neto'te 27:38

Esau tshob tàab ndù: Tàa, ndù a b'a nda' ta' kàn ntshù' s'o ghù là ké tàa? Tàa, yab kàn mba me yàm. Isak tswe ntshu mi'i, ndùlala Esau kua', ntam keshù'.

Neto'te 29:11

Yen nà be tôge, Yakob tate Rashél, ntshag nz'é tù, ṅwate.

Neto'te 44:34

Be me ko' nèn mbaṅ tàa ke be ndù bag mén nà bèn mbe à ndùke? Me ke' kô nelo' lag sàm njen nge' z'a nsi tsho num tàa là yi.

1 Fenfen 17:12

Mènnzwi là tshob ndù: Num lén Tshùaben Nsi o z'a be ntùn nà, me ke' ghù sàm mfé bàn ntùm ndà. Me ghù bon mbab bàn bo metsit mfèt ntùm nda. Me ke ntswitte nta' ntshwèn bàa nèn na à yi bag nshum àm jù kà njôg nkwù.

1 Fenfen 3:26

Mènnzwi ze mén z'a be ntùn be mén i là be ju' ndùlala ntù i tum num nu mén i, a tshob mfen ndù: Ah! Tshùaben àm, fà mén yi ntùnntùn, kà zwi i. Là, mo' mènnzwi tshob ze ndù: Mén nà ke nsi be me, ke bèn mbe wù, bo keb i nekebe.

Esta 8:6

Be me yen nge' nke ntsho kua' yàm nzwit mèn à ndùke? Be me yen bo nke mbiagte yàm nzwil à ndùke?

Esaya 49:15

Mènnzwi ghù nelag mén z'a nyô là ké? Mb'a ke ko ndèn mén z'a tum bam i là ké? A be mènnzwi lag mén mba nelag là, mba tu wul àm ke nsi lag o.

Yérémia 6:26

Yàm nzwit mèn, a bwô ndù o tôg nke'bàm, njaṅte wul o ntùm bwembwôge. Ghù lèn nsivù z'a be mbe ndùse nkwi nshum mènntùn kwù là. Fètte ntsenyà, kua' ntsenyà zwe! Nummbe ngasate tshwèt nse' num bin à be kua' ndende.

Amos 8:10

Me nsi ghù min njùa kaṅ ntù' nsivù, min nkwi nsi tù' ntsenyà vù. Me nsi taṅ bàm vù tun njoṅ zin fa. Me nsi kom nyiaṅ num tu tsine. Me nsi ghù yen nsivù là be mba nsivù nkwimén ntshù' là, njoṅ i fa z'a tù' là be mba ta' lé'njù zwentù là.

Sakaria 12:10

Ndùlala me nsi naṅ ywèt kondèn mba tse le'te num tunndà David mba num ba Yérusalém; bo nsi kaṅ se yub te num àm, mèn ze bo na' nsob i là. Bo nsi kua' num i ndaṅndaṅ mba bo be nkua' num mén ntshù' là. Bo nsi làn i kua' zwezwe mba bo be ndàn tuswe mén nà.

Lukas 15:20

A lo, nèn ntèt tàab, mb'a ke nse' tà ngùanesà là, tàab yen i, ndèn mi ko i. A kù nde, ngwù num tô i, ntat'é, nyô nge' mi.

Ghasa'kame 2:4

Ngelaṅ ze ngantum Tshùaben na' miagte netshob tshen tshu là bon Israél là, ba la' fà nze tshob tù, nkua'a.

ṄWA'NI RUT 1:9

A bwô ndù Tshùaben ghù mba we lo netèt bin fon ze ndu, ntswe nd'é kua' ntùm fite. A ndùlala, ntam ntse njab kàn bo. Ndùlala bo fà nze yub tù, ndàne,

1 Samuél 24:16

Tshùaben nsi keb kam netèt be bag wù. A nsi lôte, tshètte yàm njam; a' ghù nu netsine, ntshu' àm bu o.

1 Samuél 30:4

Ndùlala David boa ngô z'a be njam i là tshag nze yub tù nkua'a, nkua' kà neta bwoṅ bo nebèn nkua'a.