Neto'te 21:1 - NTSHOB NSI

¹ Tshùaben kwimte ju z'a na' mbù Sara là, ngù yen nka'ni là bumte.

Neto'te 21:1 Iomraidhean Croise

Neto'te 17:16

Me nsi yab kàn yi, tshùa mba njam i ze fà mén mandum wù. Me nsi yab kàn yi, a tù' màa ngôngô. Fenfen ngôngô nsi tum netèt nzwil i.

Neto'te 17:19

Là Nsi bèn ntshob ndù: A ke b'a ndùlala! Kua' nzwi o Sara nsi bwe mén mandum wù, o yab lén se ndù Isak. Me nsi wat kàn bag yi, wal à kàn s'a tswe matmat là, mba bag nzwil i.

Neto'te 17:21

Me nsi wat kàn bag Isak ze Sara nsi bwe wù là be num sen lé'njù li ngumo'.

Neto'te 18:10

Ngùn bèn ntshob ndù: Me nsi bèn se' la' o ngumo'. Ndùlala nzwi o Sara nsi ghù mén mandum. Sara tswe mum ntàb z'a njam i là, nke nju'u.

Neto'te 18:14

Mo' ju ze b'a tshùa Tshùaben nà num bwe ké? Be kua' num sen lé'njù li, num yen ngelaṅ njù li, me nsi bèn se' mbaṅ o, me nsi be se' ndù Sara ghù mén mandum.

Neto'te 24:36

Sara nzwi tàfa' àm lo bwe mén mandum yi ndùs'a ywèn nà, a fà njoṅ tshu fa ts'a ghù là mén nà.

Neto'te 50:24

Yosèf tshob fèt tse ndù: Me nsi kwù! Là Nsi a' lôte zine, ghù bin tum mà ntùm yen ngô li nko' nèn ntùm ngô z'a na' nsaṅlaṅ bwe fà Abraham, Isak mba Yakob là.

2 Fenfen 4:17

Là, mènnzwi là lét, mbwe mén mandum be num sen lé'njù là, be num yen ngelaṅ njù là, ndaṅndaṅ mba Elisa na' ntshob là.

Yobkwi 106:4

Tshùaben, kwimte yag njam nkôni z'o ghù num yu nzwit mèn nà. Kwimte yage, mfà ywimt'o bag.

Yobkwi 12:6

Tshùaben tshob ndù: Mba bo tshwèt mfétte ghayennge', bwoṅbwoṅ nke mfam nà, me lo nsi ndonni neywimte mèn ze bo tshwèt mfétte là.

Netume 20:5

Kà vù nsi mbwe tshen nsi là, ke fa' bo, nummbe me bèn mbe Tshùaben Nsi o, Nsi ndànghe'e. Me be naṅ ntsha tu ba tà boa bon num zwiaṅ tat ke zwiaṅ kuà lo, a be ze bo bàn àm nà.

Netume 3:16

Nène, o nsi tse'te njoṅ tse ghakwé mbwe ba Israél fa tshob bo ndù: Tshùaben Nsi tà tsin lo ṅwag me, yi Nsi Abraham, Isak mba Yakob, ntshob me ndù: Me lo se' lôte zine, njen ju ze bo tshwèt ngù bin Egipto là;

Netume 4:31

Ngô bam yen nu là. Ndùse bo ju' ndù Tshùaben lo lo nsi netshètte ze njam bon Israél, mba ndù a yen nge' yub là, bo vù nsi kabkab, ngamt'é.

Matio 24:35

Kamànyam mba tsha' nsi tôge, là ntshob màm ke nsi tôge.

Lukas 1:68

Ghamte be Tshùaben Nsi ba Israél, mb'a se' ndôte mbèn ntshu' ben tse,

Lukas 19:44

Bo nsi bagt'o, wù bin à bon tsho ts'o ghù là, ke bèn mfaṅ mo' loṅ num mo'o, nummbe o ke' lèn ngelaṅ yen nà ze Nsi se' nelôt'o là.

Galatia 4:23

Là, mén nkuan bo bwe i num ze mat mbàb wut; mén ko' mènnzwi, bo bwe i à njam nka'ni.

Galatia 4:28

Fèt tshàm, mba bin nà, bin b'a bon nka'ni mba Isak là.

Titô 1:2

ntùm nenywinte yôg matmat se Nsi z'a ke' be tatte, na' nka' tà fe ndùke lo là;

ṄWA'NI RUT 1:6

Ndùlala a lo nsi boa zwi bon tse ntum ntùm ngô Moab, nummb'a lo tswe Moab nju' ndù Tshùaben lo nèn ndôte nzwit yub, mfà jujù bo.

1 Samuél 1:19

Bo lo nsi kua' bam nkebnjù, mbe miagte nevù mbwe Tshùaben ndo mbèn njam ndà bo Rama. Elkana lèn Ana nzwi i, Tshùaben kwimt'é.

1 Samuél 2:21

Tshùaben tam ntse Ana, a lét, mbwe nshumnshum tat boa ngonngon bàa. Mbe se' mba Samuél là, a nke nku' z'a mbwe Tshùaben.