Neto'te 20:6 - NTSHOB NSI

⁶ Nsi bùnte yi mum njem ndù: Mba kua' tu wul àm lèn ndù o be ghù ntù o ke ke ntam num sàm ju; a kua' me bèn ntshètt'o ndù k'o ghù kebwô num àm. A ju z'a ghù me ke bam ndù o lo' Sara là.

Neto'te 20:6 Iomraidhean Croise

Neto'te 20:18

Nummb'a lo be be ndù Nsi ghù njoṅ ze tunndà Abimélék fa tù' kebwe, num tu Sara nzwi Abraham.

Neto'te 26:11

Ndùlala Abimélék fà sen kàn ni mum njoṅ ngô fa ndù: Mèn z'a nsi kwag yen mandum ni ke nzwi i lo là, mba bo nsi zwi ng'é.

Neto'te 3:3

là, mbe se' mba tàm tù s'a netèt nka' là, Nsi lo tshob ndù kà bag jù ke bèn nkwage, mbwôg ndù kà bag kwù.

Neto'te 31:24

Là Nsi ṅwag Laban ze Aram mum njem tèttswe' ntshob yi ndù: Zete netshob mebwô ke kebwô lo num Yakob.

Neto'te 31:7

Mba tà zin lo fùt'àm, mbate yàm nkàbfa' yoṅ tse gham, là Nsi ke bam yi ndù a ghù kebwô num àm.

Neto'te 35:5

Ndo bwe nène. Fétwut Nsi sa mum ngô ts'a diaṅ yub mbum nà, kà bo ke ma'ni bon Yakob tse bandum.

Neto'te 39:9

A ke' tshùa àm ntùm yen ndà li, ke bèn nke nga sàm ju me, kà ntag nda' tu wul o, nummb'o b'a nzwi i. Be me ghù tshàm yen lèn nukebwô ndùb li, mfàn nu num miag Nsi à ndùke?

Yobkwi 51:4

Sôg àm fafa num mfànnu màm, lànt'àm num nukebwô àm.

Yobkwi 81:12

Là, ben tshàm lo ke to' ju' nz'àm. Israél lo ke to' ju' ntshu àm.

Yobkwi 84:11

Mebwô b'a netswe lé'njù ntshù' mum tsho ntshundà, ntshùa netswe lé'njù ntsha' mbùm dù' ghua. Me kô netsin num nkù'ndà Ndà Nsi àm, ntshùa netswe bam ba ntàb ghatshùagntù.

Netume 34:24

Nummbe m'a' ta' ngôngô mbwe o, nga'te tsho ndùnsi; sàm mèn ke nsi ghe'te ngô o, ndùs'o nsi ko' se' tsin mbwe Tshùaben Nsi o yoṅ tat num tamngu' là.

Tànkùt 21:1

Ntù mfen ke mb'a koṅntse ntùm mbu Tshùaben; a be mben i ma' mba yà lo z'a kô là.

Tànkùt 6:29

A b'a be ndaṅndaṅ num mèn z'a nèn mbaṅ nzwi mfèl i là; mèn z'a kwag i là ke nsi tum bwe banban.

Lévitiko 6:2

Tshob men ntshob li Aron boa tse nshum, ntshob bo ndù: Tshù ntshù' nyàm neton ni. Nyàm neton nsi ghô num ntshwèn tômbwôg njoṅ tèttswe' fa kà nkum nkebnjù, mbwôg ke nkù tômbwôge.

Matio 27:19

Ngelaṅ z'a tswe ntùm diaṅntsha là, nzwi i tum bo tshob yi ndù: Kà tsho ntùm ntsha yen mèn netsin nà, nummbe me yen nge' neshu num i sènni ntùm njem.

1 Korintô 7:1

Mbe se' mba nu tse bin na' nkite me là, a lo mbwô ndù kà mandum kwag mènnzwi.

2 Korintô 6:17

A ndùlala, Tshùaben tshob ndù: Bin tum netèt bo, ntsin tù' bin; kà bin kwag ju z'a sagte là;

2 Tésalônikà 2:11

A ndùlala, Nsi tum neta nefàn manze bo ndù bo bam tatte,

2 Tésalônikà 2:7

Nummbe a to' fa' num nu nebagte ntshù', nda' ndù a bwô mèn z'a tshùb i tà nkum ndonni là bi.

1 Samuél 25:26

Tshù là, me nu ngu num lén Nsi mba num tu wul o ndù Tshùaben lo mbe ke bèn ntshètt'o mb'o lo' bu o mfètte lem yi. A bwô ghakeban tsho b'a mba Nabal là, mba kua' ben tse bo kwa kebwô num tshùaben àm nà.

1 Samuél 25:34

Là Tshùaben Nsi Israél z'a be ntùn nà tshèl àm neghù kebwô! O lo mbe ke nànte nse' mbwe àm mba sàm ju z'a b'a ze Nabal là ke nsi ke' ntùn tà tèt mfôgnjù.