Neto'te 20:1 - NTSHOB NSI

¹ Abraham lo nèn mà ntèn, nte netèt ngô Kadèsh bo ngô Shur, mbèn ntswe mba Guérar.

Neto'te 20:1 Iomraidhean Croise

Neto'te 10:19

A ndùlala, ndùngô ba Kanaan be nto' nze bag Guérar tà nèn nkum Gaza, nto' nze bag Sodom, Gomora, Adma bo Tseboim, tà nèn nkum Lésha.

Neto'te 12:9

Abram bèn nèn nze bag Négéb.

Neto'te 13:1

Abram ko' mà Egipto bo nzwi i, njoṅ tshu fa ts'a ghù là, nèn nze bag Négéb. Lot nèn bo yi.

Neto'te 14:7

Bo be bèn njam nkum En-Mishpat z'a be Kadèsh là, ma' ba Amalék ntsho mum njoṅ yub ngô fa, boa ba Amor tse bo tete Hatsatson-Tamar là.

Neto'te 16:1

Saraï nzwi Abram lo ke bwe mén mfà yi. Saraï lo ghù mo' nkuan i ze mènnzwi, ngon Egipto, lén se Agar.

Neto'te 16:14

A ndùlala, bo be ntsiaṅ sen tôntse là Lakaï-Roi, yen nà bagt'a ndù: Mén z'a be ntùn, mén z'a be njen àm nà. Sen tôntse là b'a netèt Kadèsh bo Béréd.

Neto'te 16:7

Angél Tshùaben yen Agar mbaṅ mo' tumnsi ntse num kônkwa, mbaṅ tumnsi ntse z'a be num manze Shur là,

Neto'te 18:1

Tshùaben ṅwag Abraham bam ntù mbwe' mi a be Mamré là. Mbe be ndù Abraham tswe ntshu ntàb nke njôg nyam mbwôgtshù.

Neto'te 21:34

Abraham lo tswe ntùm ngô ba Filistia yàme.

Neto'te 24:62

Isak lo se' kônkwa, tôntse Lasha-Roi, nummb'a ke ntswe à ntùm ngô Négéb.

Neto'te 25:18

Nshumnshum tse tete neto' Havila nèn nkum Shur z'a be mbwe Egipto nze bag mbinyam, nze nenèn Asiria là. Ze dù'ntswe ke nsi tamte boa ze fèt tse.

Neto'te 26:1

Mo' kekua bèn mbe ntùm ngô, njab mbaṅ z'a be num ze ngelaṅ Abraham nà. Isak nèn mbaṅ Abimélék mfen ba Filistia.

Neto'te 26:20

Ghabéb mbwe tse bo Gérar là kam ntsha boa tse Isak, ntshob ndù: Men ntse li b'a mage. Isak yab lén tôntse là ndù Esék, nummbe bo à bo lo kam ntanta num bwe.

Neto'te 26:26

Abimélék nèn mbaṅ Isak mà Gérar, bo shun i Ahuzzat mba Pikol ze tàndà ntsho.

Neto'te 26:6

Ndùlala Isak tswe Gérar.

Yobkwi 29:8

Nze Tshùaben be ngù kônkwa nke mvètte. Tshùaben be ngù kônkwa Kadèsh nke mvètte.

Netume 15:22

Mosé ghù ba Israél lo kaṅ dibantse meba nèn nze kônkwa Shur. Bo zin num kônkwa lé'njù tat ke fon ntse.

Nesiaṅe 13:26

Bo se' njen Mosé, Aron, mba ntse'te bon Israél, mà Paran, Kadèsh. Bo soṅ yub tshô manze, nda'te lèn ntamtù mi a be ntùm yen ngô là bo.

Nesiaṅe 20:16

Bag lo kua' Tshùaben, a ju' nze yag ntum ta' Angél ndù a se' nsô yage. Tshù bag li Kadèsh, ngô z'a be ndù yu ngô là.

Nebwôgte 1:19

Be lo Horéb nzinte num yen mà bagkèt zi kônkwa là fa ze bin yen nà, be lo ntshùb manze mbat ba Amor, kua' mba Tshùaben Nsi be na' ntshob be là, nzin nkum Kadèsh-Barnéa.

Nebwôgte 32:51

Nummbe ntu tsin bàa fa lo ghù nukebwô num àm mbwe bon Israél, mbaṅ ntse Mériba Kadèsh, num kônkwa Sin, ke ghamte lén sàm se nelàn mbwe bon Israél.

1 Samuél 15:7

Saulo tshùa ba Amalék nelo Havila nèn nkum Shur z'a be mbwe Egipto là.